Jérémie 18:16 - Mbeti ti Nzapa - Tënë so amu fini

¹⁶ Ala sara si kodro ti ala aga ngonda, aga ye so azo ayeke huru yanga ti ala kpu na kpu na bango ni. Azo so kue ayeke hon na tere ni, li ti ala ayeke kpe si ala yingi li ti ala.

Jérémie 18:16 ပူးပေါင်းရင်းမြစ်များ

1 Agbia 9:8

Tongana mbeni zo ahon ande na tere ti kota da so azo agonda ni mingi so, fade li ti lo kue ayeke kpe, lo yeke huru yanga ti lo si lo yeke hunda tere ti lo, lo tene: ‘KOTA GBIA asara na kodro so nga na kota da so tongaso ngbanga ti nyen?’

2 Mbai 29:8

Aye so asara si kota ngonzo alondo na be ti KOTA GBIA na tere ti azo ti Juda na ti Jérusalem. Ndali ti aye ni, lo sara mbeni ye ti ziango mbeto na be ti zo, ye ti mawa nga na ye ti kamene so ala wani ayeke baa na le ti ala so.

Abia (Psaumes) 109:25

Mbi ga ye ti ngia na le ti azo ni so. Na bango mbi, ala yeke yingi li ti ala.

Abia (Psaumes) 22:7

Ti mbi, mbi yeke zo mbeni pepe, mbi yeke tongana ngusu; azo ayeke zonga mbi, ala yeke baa mbi tongana mbeni mbumbuse zo.

Abia (Psaumes) 44:14

Mo mu lege na azo so alango nduru na e ti zonga e; e ga ye ti buba na le ti azo so angoro e, ala yeke he e na ngia.

Ésaïe 37:22

Baa, tënë so KOTA GBIA atene na tere ti lo ayeke so: Pendere maseka-wali, gbata ti *Sion abaa mo tongana mbumbuse zo, lo yeke he mo na ngia. Pendere maseka-wali, gbata ti Jérusalem ayeke yingi li ti lo si ayeke he mo na peko ti mo.

Ésaïe 6:11

Tongaso mbi hunda ndo, mbi tene: “KOTA GBIA, ye ni so ayeke gue ngbii asi lawa?” Lo kiri tënë, lo tene: “Ye ni ayeke gue ngbii asi na ndembe so a buba agbata kue, zo oko ayeke ngba na ya ti agbata ni pepe, zo oko ayeke ngba na ya ti da pepe, sese ayeke buba kue si ayeke ga ngonda.

Jérémie 19:8

Mbi yeke sara si gbata so aga ye ti dongo be na ye so azo ayeke huru yanga ti ala na bango ni. Azo so kue ayeke hon na tere ni, fade li ti ala ayeke kpe si ala yeke huru yanga ti ala ndali ti akota kpale so asi na gbata ni.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 29:18

Mbi yeke tumba peko ti ala na lege ti bira, nzara na sioni kobela ti bubango kodro. Mbi yeke sara tongaso si akodro-gbia ti sese kue ado na kota mbeto na bango ala. Na ya ti akodro so kue mbi yeke kangbi ala daa, ala yeke ga tapande ndali ti azo so ayeke deba amba ti ala; ala yeke ga ye ti dongo be nga na ye so azo ayeke huru yanga ti ala na bango ni.

Jérémie 42:18

Jérémie akiri atene: “Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Ngonzo ti mbi na ngonzo ti mbi ti wâ alondo lani na tere ti azo ti Jérusalem. Legeoko nga, fade mbi tuku ngonzo ni na ndö ti ala, azo ti Juda, tongana ala si na Ezipte. Tongaso, fade ala ga tapande ndali ti azo so ayeke deba amba ti ala, ala yeke ga ye ti dongo be, ye ti dengo ba na ye ti ziango kamene na le ti zo. Ala yeke kiri ti baa kodro so oko pepe.’ ”

Jérémie 44:12

Mbi yeke mu tanga ti azo ti Juda so angba si ala ye ti gue na Ezipte ti honde tere ti ala kâ, fade ala yeke kui kue. Na ya ti kodro so laa ala yeke kui kuâ ti bira wala ti kota nzara, ti londo na akete zo asi na akota zo. Biani, fade ala yeke kui na lege ti bira na kota nzara; ala yeke ga tapande ndali ti azo so ayeke deba amba ti ala; ala yeke ga ye ti dongo be, ye ti dengo ba na ye ti ziango kamene na le ti zo.

Jérémie 48:27

Moab, mo nga, mo he ando Israel na ngia-aa? Mo ye ti baa lo tongana zo ti nzi. Ndani laa, tongana mo yeke tene tënë ti lo, mo yeke yingi li ti mo.

Jérémie 49:13

Mbi KOTA GBIA, mbi deba na iri ti mbi wani: Fade Bosra, li-kodro ti mo ayeke ga ngonda, ye ti hengo na ngia, ndo ti gba ti atêne; ayeke ga nga tapande ndali ti azo so ayeke deba amba ti ala. Agbata so ayeke na tere ni ayeke ga ndo ti gba ti atêne kpu na kpu.” So tënë ti yanga ti KOTA GBIA laa.

Jérémie 49:17

“Fade Edom ayeke ga kota ngonda; azo so ayeke hon na tere ni, li ti ala ayeke kpe si ala yeke huru yanga ti ala na bango akota kpale so asi na lo.

Jérémie 50:13

Ndali ti ngonzo ti KOTA GBIA, fade kodro ni kue ayeke ga ngonda, zo ayeke kiri ti lango daa pepe. Azo so kue ayeke hon na tere ni, li ti ala kue ayeke kpe. Ala yeke huru yanga ti ala na bango aye so kue abuba na ya ni.

Jérémie 51:37

Fade Babilone ayeke ga ndo ti gba ti atêne, ndo ti lango ti *anzagua; ndo so aga ngonda na ye so azo ayeke huru yanga ti ala na bango ni, zo ayeke kiri ti duti daa mbeni pepe.

Jérémie 51:43

Agbata ti Babilone aga ngonda; kodro ni ahole kue, lando so ahole kasakasa, zo ayeke lango daa mbeni pepe, zo ayeke hon daa pepe.

Jérémie 9:11

Mbeni zo ti ndara ayeke daa so alingbi ti ma ya ti tënë so? Tongana zo ni ayeke daa, ayeke nzoni tënë so KOTA GBIA azia na yanga ti lo, lo fa ni na azo polele. Lo fa nda ni so kodro ni abuba; nda ni so kodro ni agbi si aga gi benyama so; nda ni so zo ayeke hon daa oko pepe so.

Abia ti demango tere 1:12

Ala ga abaa, ala azo so kue ayeke hon na lege so, ayeke nzoni amara ti ye tongaso asi na ala pepe! Pasi ti mbi alingbi na pasi ti mbeni zo-oo? Pasi so KOTA GBIA azia mbi na ya ni so ayeke ngangu mingi; KOTA GBIA azia pasi ni na tere ti mbi na lango so ngonzo ti lo alondo tongana wâ.

Ezekiel 12:19

Na pekoni, mo yeke tene na azo ti sese ni kue, mo tene: ‘Tënë so Kota Gbia NZAPA atene na azo ti Jérusalem so angba na sese ti Israel ayeke so: Ala yeke te kobe ti ala na gingo be, ala yeke nyon ngu ti ala na ya ti kota mbeto. Biani, azo ayeke buba kodro ni, mbeni ye oko ayeke ngba daa pepe, ndali ti so azo so kue alango na ya ti kodro ni asara ngangu mingi na azo.

Ezekiel 27:36

Azo ti dengo buze na popo ti awande ayeke huru yanga ti ala ndali ti mo; mo ga ye ti ziango kota mbeto na be ti zo. Ti mo ahunzi biani biani awe.”

Ezekiel 36:3

Fadeso mo tene peko ti tënë ti yanga ti mbi, mo tene: Tënë so Kota Gbia NZAPA atene ayeke so: Mbage na mbage, azo abuba ala si asara nzara ti ala; amara nde amu ala ti ga ye ti ala; azo ahe ala na ngia si azonga ala.

Ezekiel 6:14

Mbi yeke yoro maboko ti mbi ti pika ala. Kodro so kue ala yeke lango daa, ti londo na benyama na mbage ti Mbongo ngbii asi na gbata ti Ribla na mbage ti Banga, mbi yeke hunzi azo ti ya ti agbata ni kue si agbata ni ayeke ga ngonda. Tongaso si ala hinga atene, mbi yeke KOTA GBIA.”

Awayango-sandaga 26:32

Mbi wani, mbi yeke sara si kodro ti ala aga ngonda, awato ti ala so ayeke ga ti duti daa, li ti ala kue ayeke kpe.

Awayango-sandaga 26:43

Tongaso, na ngoi so kue, azo ni ayeke zia sese ti ala, sese ni ayeke wu tere ti lo. Na ndembe so sese ni ayeke ga ngonda, ala yeke yeda titene a pika ala, ngbanga ti so ala ke ti sara ye alingbi na andia ti mbi, ala ke lege ti asarango ye so mbi fa na ala.

Mishe 6:16

Ala yeke bata gi lege ti ambela ti gbia Omri, nga na lege ti sarango ye kue ti asewa ti Akab. Ala yeke sara gi aye so agbia ni afa na ala. Ndani laa, fade mbi yeke buba gbata ti ala si azo ti gbata ni ayeke ga ye ti ngia na le ti azo. Kamene so agbu le ti azo ti mbi so, fade kamene ni ayeke kiri ti gbu le ti ala.”

Matthieu 27:39

Azo so ayeke hon nduru na tere ti lo ayingi li ti ala si ala zonga lo,

Marc 15:29

Azo so ayeke hon na lege ayeke yingi li ti ala si ala yeke zonga lo, atene: “He! Mo so mo ye lani ti kungbi kota da ti Nzapa ti kiri ti leke ni na ya ti lango ota so,

Ndia ti fani use ni 28:59

Tongaso pepe, fade KOTA GBIA ayeke tokua na tere ti ala, ala na *ahale ti ala amara ti aka nde nde nga na mara ti angangu kobela nde nde so ayeke hunzi pepe.

Ndia ti fani use ni 29:23

Fade amara kue ayeke hunda ndo, atene: “Ngbanga ti nyen si KOTA GBIA asara ye na kodro so tongaso? Ngbanga ti nyen si kota ngonzo ti lo alondo tongaso?”