Jérémie 18:11 - Mbeti ti Nzapa - Tënë so amu fini

¹¹ “Fadeso, ayeke nzoni mo tene na azo ti Juda na ala so ayeke lango na Jérusalem, mo tene: ‘Tënë so KOTA GBIA atene ayeke so: Mbi yeke leke na be ti mbi mbeni ye ti sara na ala, mbi yeke leke mbeni sioni kpale na tere ti ala. Ayeke nzoni zo oko oko azia sioni lege ti sarango ye ti lo. Ala sara si lege ti dutingo ti ala na sarango ye ti ala akiri aga nzoni!’ ”

Jérémie 18:11 ပူးပေါင်းရင်းမြစ်များ

Tongo nda ti aye 11:7

Tongaso e zu, e buba ya ti yanga ti kodro ti ala si mbeni zo akiri ama tënë so mba ti lo atene na lo pepe!”

1 Agbia 22:23

Mishe akiri atene: “Fadeso, ye ni asi awe. KOTA GBIA azia yingo ti mvene na yanga ti awayanga-nzapa ti mo kue, so ti fa atene, lo wani, lo leke na be ti lo ti tokua mbeni kpale na ndö ti mo.”

2 Agbia 17:13

KOTA GBIA agboto mê ti azo ti Israel na azo ti Juda na lege ti awayanga-Nzapa kue nga na lege ti azo so ayeke baa nda ti aye, atene: “Ala zia sioni lege ti sarango ye ti ala, ala sara ye alingbi na tënë ti ndia ti mbi, ambela ti mbi nga na akpengba tënë ti mbi. Ala sara ye alingbi na *Ndia so mbi mu ando na akotara ti ala si mbi mu ni na ala na lege ti azo ti kua ti mbi, awayanga-Nzapa.”

2 Agbia 22:13

“Ala gue, ahunda *KOTA GBIA ndali ti mbi, ndali ti azo ti kodro nga ndali ti azo ti Juda kue, ndali ti atënë ti ya ti mbeti so a wara so. Biani, KOTA GBIA asara ngonzo mingi; ngonzo ti lo alondo tongana wâ na tere ti e, ngbanga ti so akotara ti e aye ti ma atënë ti ya ti mbeti so pepe; ala sara ye pepe alingbi na atënë so a su na ya ti mbeti ni na ndö ti e.”

2 Agbia 5:5

Gbia ti Sirii atene: “Londo, mo gue! Fade mbi yeke tokua mbeti na gbia ti Israel.” Naaman alondo, lo mu wen ti nginza so nengo ni ayeke kilo ngbangbo ota, lôro so nengo ni ayeke kilo baleomene na fini bongo baleoko si lo gue na ni.

Ésaïe 5:5

Fadeso, mbi yeke fa na ala ye so mbi yeke sara na yaka ti vinye ti mbi ni: Mbi yeke zi gbagba so ayeke na tere ni si anyama aga ate akeke ti yaka ni kirikiri. Mbi yeke kungbi gbagba ni na sese si azo aga ado akeke ti vinye ni.

Ésaïe 57:1

Azo ti mbirimbiri akui, tënë ti kuâ ti ala aso be ti zo oko pepe; azo ti sarango nzoni ati akui, zo oko ti gbu li ti lo daa ayeke daa pepe. Biani, azo ti mbirimbiri ati akui ndali ti sioni ti azo ti sioni.

Jérémie 11:11

“Ndani laa, tënë so KOTA GBIA atene ayeke so: ‘Fade mbi yeke sara si mbeni kota kpale aga na ndö ti ala; kota kpale so ala lingbi ti sigigi na ya ni pepe. Ala yeke dekongo ti iri mbi, me mbi yeke ma ala pepe.

Jérémie 11:19

Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 19:15

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Akpale so kue mbi tene tënë ni so, fade mbi yeke sara si ati na ndö ti gbata so nga na ndö ti akete kodro so kue ayeke na tere ni. Biani, azo ti gbata ni asara ngangu li si ala ke ti ma tënë ti mbi.’ ”

Jérémie 19:3

Fade mo yeke tene: Agbia ti Juda na azo so ayeke lango na Jérusalem, ala ma tënë ti KOTA GBIA si! Tënë so KOTA GBIA so ayeke na ndö ti dunia kue, Nzapa ti Israel atene ayeke so: Fade mbi yeke sara si mbeni kota kpale ati na ndo so. Azo so kue ayeke ma tënë ni, fade ayeke toto na mê ti ala tongana sungbango ti bekpa.

Jérémie 25:2

Jérémie atene tënë ni na azo ti Juda kue nga na azo ti Jérusalem kue, lo tene:

Jérémie 25:5

Lo tene na ala: ‘Ala zia ngbene lege ti sarango ye ti ala, ala zia asioni ti ala. Tongaso, fade ala yeke wara lege ti duti ngbene ye kpu na kpu, lakue lakue na ya ti kodro so mbi mu ando na ala nga na akotara ti ala.

Jérémie 26:13

Ti fadeso, ala sara si lege ti dutingo ti ala na sarango ye ti ala akiri aga nzoni; ala ma yanga ti KOTA GBIA Nzapa ti ala! Tongaso, sioni kpale so lo tene tënë ti tokuango ni na ndö ti ala, lo yeke zia lege ni.

Jérémie 26:3

E hinga pepe, fade ala yeke ma si zo oko oko ayeke zia sioni lege ti sarango ye ti lo. Tongaso si sioni kpale so mbi ye ti tokua na ndö ti ala ndali ti asioni sarango ye ti ala, fade mbi yeke zia lege ni.

Jérémie 3:1

*KOTA GBIA atene: Tongana koli atumba wali ti lo si wali ni ague, amu mbeni koli nde, fade kozo koli ni alingbi ti kiri na tere ti wali ni? Oko pepe! Kodro so azo ni ayeke sara mara ti aye tongaso ayeke ga sioni ahon ndoni pepe? Ti mo Israel, mo sara ye ti ndumba na gba ti andeko. Na pekoni mo tene, mo ye ti kiri na tere ti mbi? So tënë ti yanga ti KOTA GBIA laa.

Jérémie 3:22

Azo ti ngangu li, ala kiri maa! Kobela ti ngangu li ti ala so, fade mbi yeke kai ni!” “Baa e laa! E yeke kiri na mo, ngbanga ti so mo laa mo yeke KOTA GBIA, Nzapa ti e.

Jérémie 35:15

Mbi mu ngoi ti mbi kue ti tokua na ala azo ti kua ti mbi, awayanga-Nzapa ti tene na ala, azo ti Juda, atene: ‘Ayeke nzoni zo oko oko azia sioni lege ti sarango ye ti lo; ala sara si sarango ye ti ala akiri aga nzoni; ala mu peko ti anzapa nde pepe ti voro ala. Tongaso, fade ala yeke ngba ti duti na ya ti kodro so mbi mu na ala, ala na akotara ti ala.’ Me ala dingi mê ti ala kete pepe, ala ma mbi pepe.

Jérémie 36:3

E hinga pepe, fade azo ti Juda ayeke ma nda ti asioni ye so mbi ye ti tokua na ndö ti ala si zo oko oko alingbi ti zia sioni lege ti sarango ye ti lo. Tongaso, fade mbi yeke zi sioni ti ala nga na siokpari ti ala na li ti ala.”

Jérémie 36:7

Tongaso, e hinga pepe, vorongo tere ti ala ayeke si na KOTA GBIA si zo oko oko ayeke zia sioni lege ti sarango ye ti lo. Biani, KOTA GBIA asara ngonzo mingi si ngonzo ti lo ti wâ alondo na tere ti mara so.”

Jérémie 4:1

So tënë ti yanga ti *KOTA GBIA laa: “Israel, tongana mo kiri, mbi laa, alingbi mo kiri na mbage ti mbi. Tongana mo zi afungo nzapa ti mo so na le ti mbi, mo yeke kpe ti hon kirikiri mbeni pepe.

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Jérémie 4:23

Mbi baa sese: sese angba senge, ye oko ayeke daa pepe. Mbi baa le ti nduzu: vurungo ndo ayeke kâ mbeni pepe.

Jérémie 4:6

Ala yo na nduzu mbeni bendere; ala yo ni na mbage ti *Sion. Ala kpe ahonde tere ti ala! Ala luti na lege pepe! Mbi yeke sara si ye ti mawa na kota kpale so ayeke buba ndo alondo na mbage ti Banga ti ga.

Jérémie 51:11

KOTA GBIA aleke na be ti lo ti buba kodro ti Babilone. Ndani laa lo zia nzara ni na be ti agbia ti Medii. Biani, KOTA GBIA akiri na awato ti e peko ti sioni ti ala awe; lo kiri na ala peko ti sioni so ala sara na kota da ti lo. Ala leke yanga ti ale ti kokora, aza! Ala mu ni asi ya ti abozo ni!

Jérémie 7:3

Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala sara si lege ti dutingo ti ala na sarango ye ti ala akiri aga nzoni! Tongaso si fade mbi yeke sara titene ala ngba ti duti na ya ti kodro so.

Ezekiel 13:22

Na lege ti mvene ti ala, awali ni, ala sara si be ti azo ti mbirimbiri awoko, ataa so mbi laa mbi zia vundu na be ti azo ti mbirimbiri ni pepe. Ala mu ngangu na be ti azo ti sioni si ala lingbi ti zia lege ti sioni ti ala pepe ti ngba na fini.

Ezekiel 18:23

Ala baa ti ala atene, be ti mbi anzere na kuâ ti zo ti sioni? Ye so anzere na be ti mbi, ayeke titene lo zia lege ti asioni ti lo si lo ngba na fini. So tënë ti yanga ti Kota Gbia NZAPA laa.

Jonas 3:8

Azo na anyama ayu bongo ti mua, ala sambela Nzapa ngangu. Zo oko oko azia sioni lege ti sarango ye ti lo na aye ti ngangu so lo yeke sara na azo.

Mishe 2:3

Ndani laa, tënë so *KOTA GBIA atene ayeke so: “Baa, mbi yeke leke mbeni kota kpale ti tokua na ndö ti mara ti azo tongana ala so. Fade ala lingbi ti sigigi na ya ni pepe, ala lingbi ti tambula, li ti ala na nduzu pepe, ngbanga ti so ngoi ni ayeke duti ngoi ti kota kpale.”

Zakarii 1:3

nilaa fade mo yeke tene na ala: Tënë so KOTA GBIA so ayeke na ndö ti dunia kue atene ayeke so: Ala kiri na mbage ti mbi – so tënë ti yanga ti KOTA GBIA so ayeke na ndö ti dunia kue laa – si fade mbi yeke kiri na mbage ti ala; tënë so KOTA GBIA so ayeke na ndö ti dunia kue atene laa.

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Jacques 4:13

Fadeso, ala ma si, ala so ayeke tene: “Laso wala kekereke e yeke gue na gbata tongaso, e yeke sara ngu oko kâ, e yeke de buze si e yeke wara nginza mingi.”

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!