Jérémie 18:10 - Mbeti ti Nzapa - Tënë so amu fini

¹⁰ Me tongana azo ti mara ni ake yanga ti mbi si ala sara ye so ayeke sioni na le ti mbi, nzoni ye so mbi leke na be ti mbi ti sara na ala, mbi yeke zia lege ni.

Jérémie 18:10 ပူးပေါင်းရင်းမြစ်များ

Abia (Psaumes) 125:5

Me ti azo so agirisa nzoni lege ti mu lege ti kirikiri, ayeke nzoni KOTA GBIA atumba ala, ala na azo ti sarango sioni. Ayeke nzoni siriri aduti na Israel!

Ezekiel 18:24

Me ti zo ti mbirimbiri so azia lege ti sarango ye ti mbirimbiri ti lo, tongana lo to nda ti sara asioni ye so zo alingbi ti baa na le ti lo fani use pepe tongana ti azo ti sioni, ala baa ti ala atene, fade lo yeke ngba na fini? Aye ti mbirimbiri so kue lo sara, a yeke kiri ti dabe na ni pepe. Fade lo yeke kui ndali ti asioni ye ti lo nga ndali ti asiokpari so lo sara.

Ezekiel 33:12

“Ti mo, molenge ti zo, kiri mo tene na azo ti mara ti mo, mo tene: ‘Tongana zo ti mbirimbiri ato nda ti sara sioni ye, mbirimbiri so lo sara kozo so alingbi ti soo lo pepe. Tongana zo ti sioni azia lege ti sioni sarango ye ti lo, sioni so lo sara kozo so, lo yeke kui ndali ni pepe. Me zo ti mbirimbiri alingbi ti duti na fini pepe ndali ti sarango ye ti mbirimbiri ti lo, na lango so lo sara siokpari.

Ezekiel 33:18

Tongana zo ti mbirimbiri azia lege ti mbirimbiri ti lo si lo sara sioni ye, fade lo yeke kui ndali ni.

Ezekiel 45:20

Na lango mbarambara ti nze ni, fade mo sara gi oko ye so ndali ti azo so aleke fade na be ti ala ti sara sioni pepe si ala sara ni so. Tongaso si mo zi sioni ti da ni.

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Wungo ti azo 14:22

Azo so abaa gonda ti mbi kue, ala baa aye ti kpene so mbi sara na Ezipte nga na ya ti benyama. Ala tara be ti mbi fani baleoko, ala ma yanga ti mbi pepe.

Wungo ti azo 14:23

Nilaa, fade zo oko na popo ti ala ayeke baa pepe kodro so mbi deba yanga ti mbi ti mu na akotara ti ala. Azo so kue abaa mbi tongana mbumbuse zo so, mbeni oko ayeke baa kodro ni pepe.

Wungo ti azo 14:34

Ala mu lani lango baleosio ti *bembe ndo na ya ti kodro ni; nilaa asioni ye so ala sara so, ala yeke baa pasi na peko ni na ya ti ngu baleosio; so ti tene ngu oko ndali ti lango oko, ngu oko ndali ti lango oko. Tongaso, ala yeke hinga atene, sarango ngangu li na mbi, ayeke sioni mingi.

1 Samuel 13:13

Samuel atene na Saul: “Mo sara ye tongana zo so li ti lo ayeke daa pepe. Tënë so KOTA GBIA, Nzapa ti mo atene na mo so, mo sara ye alingbi na ni pepe. Tongana mo sara fade ye alingbi na ni, ka lo zia mo, na *ahale ti mo ti duti gbia na ndö ti azo ti Israel kpu na kpu.

1 Samuel 15:11

“Be ti mbi aso ndali ti so mbi sara si Saul aga gbia. Biani, lo ke mbi awe si lo ke ti ma yanga ti mbi.” Li ti Samuel aga kirikiri si lo sambela KOTA GBIA na bi ni kue.

1 Samuel 15:35

Samuel akiri abaa Saul pepe ngbii si lo kui. Samuel asara mawa ndali ti Saul. Me ti KOTA GBIA, be ti lo aso, ngbanga ti so lo sara si Saul aga gbia ti Israel.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.