Jérémie 17:23 - Mbeti ti Nzapa - Tënë so amu fini

²³ Ti akotara ti ala ni, ala ma mbi pepe, ala dingi mê ti ala ti ma mbi pepe. Ala sara ngangu li, ala ke ti ma tënë si ala ke awango ti mbi.

Jérémie 17:23 ပူးပေါင်းရင်းမြစ်များ

Abia (Psaumes) 50:17

Andaa mo ke atënë ti gbotongo mê ti mo so mbi gboto si mo do na gere atënë ti yanga ti mbi.

Amato 1:3

Ala yeke fa na zo lege ti nzoni hingango ndo, lege ti sarango ye ti mbirimbiri, ti kpengo ndia nga na ti sarango ye na legeni.

Amato 1:5

Zo ti ndara so ayeke ma amato so, fade hingango ye ti lo ayeke kono ahon ti kozoni; zo so ahinga ndo, fade lo yeke manda anzoni kode so ayeke fa na lo nzoni lege.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Amato 5:12

Fade mo yeke tene: “Azo agboto mê ti mbi, mbi ke ngbanga ti nyen? Azo asuku na mbi, mbi yeda pepe ngbanga ti nyen?

Amato 8:10

Ala soro wango ti mbi, me nginza pepe; ayeke nzoni ala ye hingango ye ahon lôro ti nzoni ni.

Ésaïe 48:4

Mbi hinga kue, ala yeke azo ti ngangu li, li ti ala akpengba tongana wen, li ti ala akpengba mingi.

Jérémie 11:10

Sioni so akotara ti ala asara ando so, gi ni laa ala kiri daa. Akotara ti ala ni ake ti ma atënë ti mbi; ala kpe na peko ti anzapa nde ti voro ala. Azo ti Israel na azo ti Juda abuba ya ti mbuki so mbi na akotara ti ala, e sara ni.

Jérémie 19:15

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Akpale so kue mbi tene tënë ni so, fade mbi yeke sara si ati na ndö ti gbata so nga na ndö ti akete kodro so kue ayeke na tere ni. Biani, azo ti gbata ni asara ngangu li si ala ke ti ma tënë ti mbi.’ ”

Jérémie 32:33

Titene ala zia le ti ala na mbage ti mbi, ala zia gi peko ti ala na mbi. Ataa so mbi mu ngoi ti mbi kue ti fa ye na ala, ala ma pepe; ala ke ti ma wango ti mbi.

Jérémie 35:15

Mbi mu ngoi ti mbi kue ti tokua na ala azo ti kua ti mbi, awayanga-Nzapa ti tene na ala, azo ti Juda, atene: ‘Ayeke nzoni zo oko oko azia sioni lege ti sarango ye ti lo; ala sara si sarango ye ti ala akiri aga nzoni; ala mu peko ti anzapa nde pepe ti voro ala. Tongaso, fade ala yeke ngba ti duti na ya ti kodro so mbi mu na ala, ala na akotara ti ala.’ Me ala dingi mê ti ala kete pepe, ala ma mbi pepe.

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Jérémie 6:8

“Jérusalem, zia a fa nzoni lege na mo. Tongaso pepe, mbi yeke zi maboko ti mbi na tere ti mo si ndo ti mo ayeke ga ande ngonda, sese so zo oko alingbi ti duti daa pepe.”

Jérémie 7:28

Tongaso, fade mo yeke tene na ala, mo tene: Ala yeke azo ti mara so ama yanga ti KOTA GBIA, Nzapa ti ala pepe; ala ke ti ma wango. Taa-tënë ayeke mbeni pepe; zo ti tenengo taa-tënë ayeke daa mbeni pepe.”

Ezekiel 20:13

Me na benyama, azo ti Israel atomboka na tere ti mbi; ala sara ye alingbi na andia ti mbi pepe nga na lege ti asarango ye so mbi fa na ala. Andaa aye ni ayeke sara titene zo aduti na fini tongana lo sara ye alingbi na ni. Ala sara si lango ti wungo tere aga sioni ahon ndoni. Tongaso mbi tene: Mbi yeke kiri ti tuku ngonzo ti mbi ti wâ na ndö ti ala na benyama si mbi yeke fâ ala ti hunzi ala.

Ezekiel 20:16

Mbi deba yanga ti mbi na ala, ngbanga ti so aye so mbi fa na ala, ala baa ni tongana mbumbuse ye, ala sara ye alingbi na andia ti mbi pepe, ala sara si lango ti wungo tere aga sioni. Biani, be ti ala angba gi na ndö ti ayanda ti ala.

Ezekiel 20:21

Me amolenge ti ala ni atomboka na tere ti mbi. Ala sara ye alingbi na andia ti mbi pepe, ala sara ye pepe na lege ti asarango ye so mbi fa; ala sara ye alingbi na ni pepe. Andaa zo ayeke duti na fini tongana lo sara ye alingbi na aye ni so. Ala sara si lango ti wungo tere aga sioni. Tongaso mbi tene: Na benyama, fade mbi yeke tuku ngonzo ti mbi ti wâ na ndö ti ala ngbii be ti mbi ade si.

Sofonii 3:7

Mbi tene na be ti mbi, mbi tene: ‘Mo gbata so, tongana mo kpe fade mbeto ti mbi, tongana mo ma fade wango ti mbi, ka a yeke buba mo pepe.’ Me lakue so mbi yeke ga ti pika mo, azo ti mo ayeke kpe hio ti sara sioni ahon ndoni.

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Awafango-ngbanga 6:10

Mbi tene na ala: Mbi yeke KOTA GBIA, Nzapa ti ala. Ayeke nzoni ala voro anzapa ti azo ti Amori pepe so ayeke lango na sese ti ala.’ Me ala ke ti ma yanga ti mbi.”