Jérémie 17:21 - Mbeti ti Nzapa - Tënë so amu fini

²¹ Tënë so lo tene ayeke so: Ala sara hange! Ala yo akungba na *lango ti wungo tere pepe, ala li na kungba na mbeni oko ti ayanga ti gbagba ti Jérusalem pepe!

Jérémie 17:21 ပူးပေါင်းရင်းမြစ်များ

Sigingo 20:8

“Alingbi mo dabe ti mo na *lango ti wungo tere, mo zia ni nde ndali ti mbi.

Amato 4:23

Mo sara hange na atënë so ayeke na be ti mo kâ, ngbanga ti so lege ti fini ti mo alondo daa.

Ésaïe 56:2

Ti lo nzoni, zo so asara ye alingbi na tënë so mbi tene, zo so agbu tënë ni ngangu, zo so asara ye alingbi na *lango ti wungo tere, lo sara si lango ni aga sioni pepe si lo kpe lege ti sarango sioni ye.”

Ésaïe 58:13

*KOTA GBIA atene: “Tongana mo ke ti sara kua na *lango ti wungo tere, mo ke ti sara ye so mo lingbi ti baa nzoni na peko ni na lango so a zia nde ndali ti mbi; tongana mo iri lango ti wungo tere ‘Lango ti ngia’, mo iri *lango ti KOTA GBIA ‘Nengo lango’, tongana mo ne lango ni so, mo ke ti sara kua, mo ke ti sara ye so mo lingbi ti baa nzoni na peko ni, mo ke ti papa,

Marc 4:24

Lo kiri lo tene na ala: “Ala sara hange na tënë so ala yeke ma so! Ye so ala wani ayeke mu ti haka na ye na amba ti ala laa Nzapa ayeke mu ti haka na ye na ala; lo yeke zia mbeni na ndö ni.

Nzoni Tënë so Luc asu na mbeti 8:18

Ala sara hange na lege so ala yeke ma na tënë, ngbanga ti so zo so ayeke na ye, fade a kiri amu mbeni na ndö ni na lo; me zo so ayeke na ye pepe, ataa ye so lo baa lo tene, ni yeke na ni, fade a yeke zi na maboko ti lo.”

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Ndia ti fani use ni 11:16

Ala sara hange si mbeni ye ahanda ala pepe! Ala mu mbeni lege nde pepe, ala voro anzapa nde pepe, ala kuku na gbe ti anzapa ni nga pepe.

Ndia ti fani use ni 4:15

Moïse atene: Na lango so *KOTA GBIA atene tënë na ala na hoto ti Horeb, na ya ti wâ, ala baa lo pepe; nilaa, alingbi ala sara hange!

Ndia ti fani use ni 4:23

Ala sara hange! *Mbuki so KOTA GBIA Nzapa ti ala asara ni na ala, be ti ala agirisa na ni pepe. Ala sara yanda ndali ti ala wani pepe, wala mbeni ye so akpa limo ti zo na ti nyama. KOTA GBIA Nzapa ti ala ake na ala ti sara mara ti ye tongaso.

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Josué 23:11

Ala sara hange: ala ye KOTA GBIA, Nzapa ti ala.