Jérémie 17:20 - Mbeti ti Nzapa - Tënë so amu fini

²⁰ Fade mo yeke tene na ala: ‘Ala agbia ti Juda, ala azo ti Juda kue, ala so kue ayeke lango na Jérusalem na ala so kue ayeke hon na ndo so, ala ma tënë ti KOTA GBIA si!

Jérémie 17:20 ပူးပေါင်းရင်းမြစ်များ

Jérémie 13:18

Tene na gbia nga na kota gbia-wali, mo tene: “Ala duti na sese! Biani, pendere kpoto ti ala ti gbia alondo na li ti ala ati awe.

Jérémie 17:19

Tënë so *KOTA GBIA atene na mbi ayeke so: “Gue mo luti na yanga ti gbagba so iri ni Ti-azo-ti-kodro, ndo so laa agbia ti Juda ayeke hon ka daa ti li na Jérusalem wala ti sigigi na ya ti gbata ni. Na pekoni, fade mo yeke gue, mo luti nga na tere ti tanga ti ayanga ti gbagba ti gbata ni kue.

Jérémie 19:3

Fade mo yeke tene: Agbia ti Juda na azo so ayeke lango na Jérusalem, ala ma tënë ti KOTA GBIA si! Tënë so KOTA GBIA so ayeke na ndö ti dunia kue, Nzapa ti Israel atene ayeke so: Fade mbi yeke sara si mbeni kota kpale ati na ndo so. Azo so kue ayeke ma tënë ni, fade ayeke toto na mê ti ala tongana sungbango ti bekpa.

Jérémie 19:4

Biani, azo ti Juda ado mbi, azia awe; ala buba ndo so kue awe, zo alingbi ti hinga ni mbeni pepe: na ndo ni so, ala zö dukani na ambeni nzapa nde. Ataa ala wani, ataa akotara ti ala, ataa agbia ti Juda ahinga anzapa ni so kozoni pepe. Ala sara si ndo ni asi singo na mene ti azo so tënë ayeke na li ti ala pepe.

Jérémie 21:11

So ayeke tënë ndali ti asewa ti gbia ti Juda. “Ala ma tënë ti *KOTA GBIA si,

Jérémie 22:2

Fade mo yeke tene: ‘Gbia ti Juda, mo so mo duti na ndö ti mbata ti gbia David so, ma tënë so KOTA GBIA atene! Tënë ni abaa nga agbenyogbia na azo ti kodro ti mo, ala so kue ayeke li na ayanga ti yangbo so!’

Ezekiel 2:7

Fade mo yeke tene na ala atënë ti mbi, ataa ala ma mo, ataa ala ma mo pepe; azo ni ayeke azo ti ngangu li.

Ezekiel 3:17

“Molenge ti zo, mbi zia mo sanziri ndali ti azo ti Israel. Tongana mo ma mbeni tënë na yanga ti mbi, fade mo yeke gboto mê ti ala na iri ti mbi.

Osée 5:1

*KOTA GBIA atene: “Ala awayango-sandaga, ala ma tënë so, ala azo ti Israel, ala duti kpoo, ala ma tënë so, ala asewa ti gbia, ala dingi mê ti ala, ala ma tënë so: ala laa alingbi fade ti fâ ngbanga mbirimbiri, me kâ na Mispa, ala ga tongana kuku, ala ga tongana gbanda so a zia na ndö ti hoto ti Tabor;

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Mishe 3:1

Nilaa mbi tene: “Ala amakonzi ti *ahale ti Jacob, ala azo so ayeke na li ti azo ti Israel, ala ma si! Ala laa alingbi fade ti hinga fango ngbanga na lege ti ndia pepe?

Aye so Nzapa afa 2:29

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”