Jérémie 17:2 - Mbeti ti Nzapa - Tënë so amu fini

² Tongana ti so ala yeke dabe ti ala na amolenge ti ala, ala yeke dabe ti ala legeoko tongaso na agbalaka ti ala, na akeke ti Ashera ti ala nga na akeke so afini kugbe ayeke daa gbani gbani si ayeke na ndö ti ahoto.

Jérémie 17:2 ပူးပေါင်းရင်းမြစ်များ

2 Mbai 24:18

Azo ti Israel azia kota da ti *KOTA GBIA, Nzapa ti akotara ti ala si ala voro akeke so a leke aluti na nduzu ndali ti nzapa-wali *Ashera, ala voro nga ayanda. Nilaa ngonzo ti Nzapa alondo na tere ti azo ti Juda na ti Jérusalem ndali ti sioni so ala sara so.

2 Mbai 33:19

Tënë ti sambela ti lo, lege so Nzapa azia ti sara ngonzo na tere ti lo, asiokpari ti lo nga na aye so lo sara ti ke Nzapa, a su tënë ni na ya ti mbeti ti Hozai. Na ya ti mbeti ni, a su nga iri ti ando so lo leke na ndö ti ahoto titene azo avoro anzapa nde daa, ando so lo leke akeke daa aluti na nduzu ndali ti nzapa-wali *Ashera nga na ayanda nde nde; lo sara aye ni so kozo titene lo sara tere ti lo kete.

2 Mbai 33:3

Ando so azo aleke na ndö ti ahoto ti voro anzapa nde daa, babâ ti lo Ezekias abuba ni kue; me Manase akiri aleke ni. Lo sara agbalaka ndali ti anzapa *Baal, lo leke akeke aluti na nduzu ndali ti nzapa-wali *Ashera; lo kuku na gbe ti aye mingi mingi so ayeke na le ti nduzu si lo sara na ala.

Abia (Psaumes) 78:58

Na lege ti ando so ala leke na ndö ti ahoto si ala yeke voro anzapa nde daa, ala zia ngonzo mingi na be ti Nzapa; na lege ti ayanda ti ala, ala pusu lo ti sara mbanda.

Sigingo 34:13

Fade ala yeke kungbi na sese agbalaka ti azo ni, ala yeke kungbi angbongboro têne ti ala so ala leke si aluti na nduzu, ala yeke de na sese akeke so azo ni aleke aluti na nduzu si ala yeke voro ni so.

Ésaïe 1:29

Biani, akeke so ala yeke voro ni si ala ye ni mingi so, fade kamene ayeke sara ala ndali ni. Apendere ndo so ala soro ti voro ayanda daa so, kamene ayeke gbu le ti ala ndali ni.

Ésaïe 17:8

Ala yeke kiri ti baa ndo pepe na mbage ti agbalaka so maboko ti ala wani asara. Akeke so ala leke aluti na nduzu si ala yeke voro ni, wala ata ti wen so ala zia nde titene ala zö dukani na ya ni, ala yeke kiri ti baa ndo daa pepe.

Jérémie 2:20

*KOTA GBIA atene: “Mo mara ti Israel, ngu na ngu, kpu na kpu, mo ke ti duti na gbe ti komandema ti mbi; mo fâ ya ti ye so abongbi mbi na mo. Mo tene: ‘Mbi ye ti sara kua ti ngbaa mbeni pepe’. Me na ndö ti akete hoto kue, na gbe ti afini keke so kue kugbe ni ayeke gbani gbani, mo lango na sese ti sara ye ti ndumba.

Jérémie 3:23

Biani, azo ahanda e na li ti akete hoto kâ; gi awusuwusu laa azo ayeke sara na li ti ahoto kâ. Biani, gi na lege ti KOTA GBIA, Nzapa ti e si Israel ayeke soo kuâ.

Jérémie 3:6

Na ngoi ti gbia Yosias, *KOTA GBIA atene na mbi: “Mo baa ye so Israel-wali-pupulenge asara so? Lo gue na li ti ahoto so kue ayo na nduzu, lo si na gbe ti afini keke so kue kugbe ni ayeke gbani gbani ti sara aye ti ndumba kâ.

Jérémie 7:18

Amolenge ayeke ro akeke ti wâ, ababâ ayeke tingo wâ, awali ayeke pete ya ti farini na ngu ti sara na agatoo titene ala mu na gbia-wali ti yayu. Ala yeke tuku samba na sese ti mu na *sandaga na anzapa nde titene ala zia ngonzo na be ti mbi.

Ezekiel 20:28

Mbi sara si ala li na kodro so mbi yoro lani maboko ti mbi na nduzu, mbi deba yanga ti mbi ti mu na ala. Na ya ti kodro ni, le ti ala agi ndo so akete hoto kue ayeke daa nga na akeke so gba ti akugbe ayeke daa. Kâ laa, ala mu asandaga ti ala, ala mu amatabisi ti ala ti gingo na yanga ti mbi, ala mu asandaga so fion ni afun nzoni nga na sandaga ti samba.

Ndia ti fani use ni 12:2

Amara nde so ala yeke gue ti mu sese ti ala aleke ambeni ndo na li ti ahoto, na li ti akete hoto nga na gbe ti afini keke so kue kugbe ni ayeke gbani ti voro anzapa ti ala daa. Alingbi ala, azo ti Israel, ala buba ando ni so kue kue kue.

Awafango-ngbanga 3:7

Azo ti Israel asara ye so ayeke sioni na le ti *KOTA GBIA, ala girisa KOTA GBIA, Nzapa ti ala si ala voro anzapa *Baal na *Ashera.