Jérémie 17:19 - Mbeti ti Nzapa - Tënë so amu fini

¹⁹ Tënë so *KOTA GBIA atene na mbi ayeke so: “Gue mo luti na yanga ti gbagba so iri ni Ti-azo-ti-kodro, ndo so laa agbia ti Juda ayeke hon ka daa ti li na Jérusalem wala ti sigigi na ya ti gbata ni. Na pekoni, fade mo yeke gue, mo luti nga na tere ti tanga ti ayanga ti gbagba ti gbata ni kue.

Jérémie 17:19 ပူးပေါင်းရင်းမြစ်များ

Amato 8:1

Ndara ayeke to mbela ti iri azo, hingango ye atene tënë na kota go. Ala azo, ala ma ni pepe?

Amato 9:3

Lo tokua azo ti kua ti lo ti wali ti iri azo na ndo so ayeke na nduzu ti gbata ni, lo tene:

Jérémie 17:18

Azo so ayeke sara ngangu na mbi so, ayeke nzoni kamene agbu le ti ala, me mbi pepe! Ayeke nzoni ala do na mbeto, me mbi pepe! Sara si lango ti kota kpale aga na ndö ti ala, mo fâ ala biani biani!

Jérémie 17:20

Fade mo yeke tene na ala: ‘Ala agbia ti Juda, ala azo ti Juda kue, ala so kue ayeke lango na Jérusalem na ala so kue ayeke hon na ndo so, ala ma tënë ti KOTA GBIA si!

Jérémie 19:2

Na pekoni, mo sigigi na yanga ti gbagba ti gbata so iri ni ti Fango-ta. Yanga ti gbagba ni ayeke baa ndo na mbage ti popo-hoto ti Hinom. Kâ, fade mo yeke to mbela na tënë so mbi yeke tene na mo.

Jérémie 26:2

“Tënë so KOTA GBIA atene ayeke so: Gue mo luti na ya ti gbagba ti kota da ti KOTA GBIA, mo to mbela na tënë so na azo so kue alondo na ya ti agbata ti Juda si aga ti voro Nzapa na ya ti kota da so. Mo tene na ala atënë so kue mbi mu yanga na mo ti tene; mo zi mbeni tënë oko na ya ni pepe.

Jérémie 36:10

Na ya ti kota da ti Nzapa, Baruk adiko na mê ti azo so kue ayeke kâ, atënë ti Jérémie so a su na le ti rulo so. Baruk aluti na ya ti kota kubu so a mu na Gemaria, molenge ti Shafan, ngbene kota wakuasu ti letaa. Kota kubu ni ayeke na ya ti gbagba ti mbage ti nduzu ti kota da ti Nzapa, nduru na Fini yanga-da.

Jérémie 36:6

Me ti mo, mo yeke gue ande kâ na mbeni lango ti kengo kobe. Fade mo yeke diko na mê ti azo so kue ayeke na ya ti kota da ti Nzapa, atënë ti KOTA GBIA so asigigi na yanga ti mbi si mo su na le ti rulo so. Mo yeke diko nga ni na mê ti azo ti Juda so kue alondo na ya ti agbata ti Juda si aga.

Jérémie 7:2

Mo luti na yanga ti da ti KOTA GBIA, mo to mbela na tënë so, mo tene: “Ala azo ti Juda kue, ala so ayeke li na yanga ti da so ti kuku na gbe ti KOTA GBIA, ala ma tënë ti lo si!

Awatokua 5:20

“Ala gue, aluti na ya ti kota da ti Nzapa si ala fa na azo atënë so kue ayeke mu fini na zo.”