Jérémie 17:18 - Mbeti ti Nzapa - Tënë so amu fini

¹⁸ Azo so ayeke sara ngangu na mbi so, ayeke nzoni kamene agbu le ti ala, me mbi pepe! Ayeke nzoni ala do na mbeto, me mbi pepe! Sara si lango ti kota kpale aga na ndö ti ala, mo fâ ala biani biani!

Jérémie 17:18 ပူးပေါင်းရင်းမြစ်များ

Mbeti ti Job 16:14

Lo huru na ndö ti mbi tongana zo ti bira; lo pika mbi si lo zia ka na tere ti mbi gbani gbani.

Abia (Psaumes) 35:4

Azo so aye kuâ ti mbi so, ayeke nzoni kamene agbu le ti ala si ala ti buba! Azo so aye ti sara sioni na mbi so, ayeke nzoni ala kiri na peko na gba ti kamene na le ti ala.

Abia (Psaumes) 35:8

Ayeke nzoni mbeni kota ye ti ngangu so ala hinga li ti ala daa pepe asi na ala. Ayeke nzoni gbanda so ala wani ahonde so agbu ala si ala wara kuâ na ya ti kota ye ti ngangu so!

Abia (Psaumes) 40:14

KOTA GBIA, mbi gbu gere ti mo, mo zi mbi maa! KOTA GBIA, ga hio mo mu maboko na mbi!

Abia (Psaumes) 70:2

O Nzapa, ga, mo zi mbi maa! *KOTA GBIA, ga hio mo mu maboko na mbi!

Abia (Psaumes) 71:1

*KOTA GBIA, mbi kpe na mo ti bata tere ti mbi; sara si kamene agbu le ti mbi laoko pepe!

Jérémie 1:17

Ti mo, ayeke nzoni mo leke tere ti mo! Londo, mo tene na ala atënë so kue mbi yeke mu yanga na mo ti tene. Ayeke nzoni mbeto ti ala asara mo pepe; tongaso pepe, mbi yeke sara titene mbeto ti ala agbu mo na dawa ti ala.

Jérémie 11:20

Me mo, KOTA GBIA so mo yeke na ndö ti dunia kue, mo yeke fâ ngbanga mbirimbiri. Tënë ti be ti zo na ye so zo ayeke gbu li ti lo daa, mo hinga ni kue. Fade mbi yeke baa lege so mo yeke kiri na ala peko ti sioni so ala sara na mbi, ngbanga ti so mbi zia tënë ti mbi na maboko ti mo.

Jérémie 12:3

Ti mbi KOTA GBIA, mo hinga mbi, mo baa mbi, mo hinga so be ti mbi ayeke nduru na mo. Ti azo ti sioni, ayeke nzoni mo zia ala na mbage tongana ataba so a bata ala ti gue na ala na ndo ti fango anyama. Ayeke nzoni mo zia ala nde ti ku na lango ti fango ala.

Jérémie 14:17

“Tënë so fade mo yeke tene na ala laa: Mbi ye titene ngu ti le ti mbi asua bi na lâ, akai pepe, ngbanga ti so mbeni kpale ati na ndö ti azo ti mbi so mbi ye ala tongana molenge ti mbi ti wali; ka ti ala ayeke mu oko pepe.

Jérémie 16:18

Mbi yeke mu na ala kozoni futa fani use alingbi na sioni nga na siokpari ti ala, ngbanga ti so ala sara si kodro ti mbi aga sioni. Ye so aga ti mbi, ala sara si asi singo na afungo nzapa ti ala so ayeke na fini pepe so; ala sara si ye ti mbi ni asi singo na asioni nzapa ti ala so zo alingbi ti baa na le ti lo fani use pepe so.”

Jérémie 17:13

*KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Jérémie 17:16

KOTA GBIA, mbi laa mbi pusu mo titene mo bi kpale na sese pepe. Mbi ye pepe titene lango ti kota kpale tongaso asi, mo hinga kue. Tënë so asigigi na yanga ti mbi, ni laa ayeke na le ti mo so.

Jérémie 17:19

Tënë so *KOTA GBIA atene na mbi ayeke so: “Gue mo luti na yanga ti gbagba so iri ni Ti-azo-ti-kodro, ndo so laa agbia ti Juda ayeke hon ka daa ti li na Jérusalem wala ti sigigi na ya ti gbata ni. Na pekoni, fade mo yeke gue, mo luti nga na tere ti tanga ti ayanga ti gbagba ti gbata ni kue.

Jérémie 20:11

Me KOTA GBIA ayeke na mbi, lo yeke ngangu zo ti tiringo bira ndali ti mbi. Ndani laa, fade azo ti sarango ngangu na mbi ayeke ti; ala yeke sara ye oko na mbi pepe. Kamene ayeke hon ndö ti ala lakue lakue, ngbanga ti so ye ni akara ala; zo ayeke girisa tënë ni pepe.

Ndia ti fani use ni 33:11

KOTA GBIA, ayeke nzoni mo sara tufa na ndö ti ala, mo yeda na akua so kue ala yeke sara. Mo kungbi ngangu ti awato ti ala! Ayeke nzoni azo so ake ala akiri alondo na nduzu pepe!”

Aye so Nzapa afa 18:6

Ala sara na lo ye alingbi gi na ye so lo sara na ala. Aye so lo sara na ala so, ala kiri peko ni na lo fani use. Vin so lo leke ni ti mu na ala ti nyon so, ala mu kopo, atuku mbeni vin na ya ni so ngangu ni ahon ti ti lo fani use si ala mu na lo.