Jérémie 17:14 - Mbeti ti Nzapa - Tënë so amu fini

¹⁴ *KOTA GBIA, sara si tere ti mbi aga nzoni si fade tere ti mbi aga nzoni; soo mbi si fade mbi soo kuâ, ngbanga ti so mo laa mbi yeke gonda mo.

Jérémie 17:14 ပူးပေါင်းရင်းမြစ်များ

Abia (Psaumes) 106:47

KOTA GBIA Nzapa ti e, mo soo e maa! Zi e na popo ti amara nde, mo bongbi e na ndo oko, tongaso fade e yeke sepela iri ti mo so ayeke nde si ayeke nzoni kue. Fade e yeke pika kate ti e, ngbanga ti so e yeke sepela mo.

Abia (Psaumes) 109:1

Bia so ayeke ndali makonzi-bia. Bia ti David. Nzapa, mo so mbi yeke sepela mo so, mo kai kpoo pepe,

Abia (Psaumes) 119:94

Mbi yeke zo ti mo, soo mbi, ngbanga ti so mbi gi lege ti andia ti mo.

Abia (Psaumes) 12:4

Ayeke nzoni KOTA GBIA ahunzi azo ti handango zo so kue; lo fu yanga ti azo ti sioni yanga

Abia (Psaumes) 148:14

Israel, azo ti lo ayeke nduru na lo. Lo sara si ala mu li ti ala na nduzu, ala wara ngangu. Ndani laa, ala mu be ti ala na lo si ala yeke sepela lo! Aleluya!

Abia (Psaumes) 54:1

Bia so ayeke ndali ti makonzi-bia. A he ni na kundi. Bia ti fango ye na zo; bia ti David.

Abia (Psaumes) 6:2

*KOTA GBIA, mo sara ngonzo na tere ti mbi awe, me ayeke nzoni mo fâ ngbanga na li ti mbi pepe! Be ti mo aso na mbi awe, me ayeke nzoni mo pika mbi pepe!

Abia (Psaumes) 6:3

KOTA GBIA, baa mawa ti mbi, ngbanga ti so ngangu ahunzi na mbi awe. KOTA GBIA, kai kobela na tere ti mbi, ngbanga ti so tere ti mbi kue awoko awe.

Abia (Psaumes) 6:4

Li ti mbi kue akpe, me KOTA GBIA, mbi yeke ngba ti ku ngbii asi lawa?

Abia (Psaumes) 60:5

Mo sara si aye ti ngangu mingi asi na azo ti mo; mo mu na e vin so aso, ayeke sule zo si e nyon.

Ésaïe 6:10

Mo sara si be ti azo ni akpengba, mo sara si mê ti ala na le ti ala akanga; mo sara si ala baa ndo pepe, ala ma ndo pepe. Tongaso si tënë ali be ti ala pepe, ala zia ngbene lege ti sarango ye ti ala pepe, ala kiri na mbi pepe si kobela ti ala akai pepe.”

Jérémie 15:20

Na dawa ti ala, mbi yeke sara si mo ga tongana mbeni gbagba so a sara na bengba wen, so zo alingbi ti kungbi ni pepe. Fade ala yeke tiri na mo, me ala yeke kinda mo pepe, ngbanga ti so mbi yeke na mo ti soo mo, ti zi mo na maboko ti ala; so tënë ti yanga ti KOTA GBIA laa.

Jérémie 3:23

Biani, azo ahanda e na li ti akete hoto kâ; gi awusuwusu laa azo ayeke sara na li ti ahoto kâ. Biani, gi na lege ti KOTA GBIA, Nzapa ti e si Israel ayeke soo kuâ.

Jérémie 30:17

Ala di iri ti mo: ‘Lo so a ke lo awe’, wala ‘*Sion so azo aye tënë ti lo pepe’. Me so tënë ti yanga ti KOTA GBIA laa: Fade mbi yeke sara si ka ti mo amu; mbi yeke sara si aka ti mo ahunzi.”

Jérémie 31:18

Biani, mbi ma azo ti Efraim so ayeke dema tere ti ala, atene: ‘KOTA GBIA, mo pika e ngangu mingi tongana ti so zo ayeke pika bagara so ama ndo pepe. Me ayeke nzoni mo sara si e kiri na mbage ti mo titene e kiri biani na mbage ti mo, ngbanga ti so mo laa mo yeke Nzapa ti e.

Jérémie 33:6

“Me fade mbi yeke sara si gbata ni aga nzoni; mbi yeke kai kobela ti azo ni, mbi yeke mu na ala gba ti siriri si mbeni sioni ye ti si na ala ayeke daa pepe.

Wungo ti azo 12:13

Moïse asambela KOTA GBIA, atene: “Ae Nzapa, mo kai kobela ti lo maa!”

Matthieu 14:30

Me so lo baa pupu ni ayeke ya ngangu mingi, mbeto agbu lo si lo to nda ti linda ngu. Lo dekongo, lo tene: “Kota Gbia, soo mbi!”

Matthieu 8:25

Adisiple ti lo ague na tere ti lo si ala zingo lo, atene: “*Kota Gbia, e yeke kui! Soo e na kuâ!”

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Ndia ti fani use ni 10:21

Lo laa alingbi ala sepela lo, lo laa lo yeke Nzapa ti ala. Ndali ti ala laa lo sara akota ye na aye ti ziango mbeto na be ti zo so ala wani abaa na le ti ala so.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?