Jérémie 17:13 - Mbeti ti Nzapa - Tënë so amu fini

¹³ *KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Jérémie 17:13 ပူးပေါင်းရင်းမြစ်များ

Abia (Psaumes) 22:4

Andaa mo yeke nde si mo yeke nzoni kue, mo duti na ndö ti mbata ti mo ti gbia, mo laa azo ti Israel ayeke gonda mo.

Abia (Psaumes) 69:29

Zi iri ti ala na mbeti so a su iri ti azo so ayeke na taa fini daa, zia iri ti ala na popo ti azo ti mbirimbiri pepe.

Abia (Psaumes) 71:5

Kota Gbia NZAPA, na ndembe so mbi de molenge ngbii asi laso, mbi zia be ti mbi ti ku mo, mbi zia be ti mbi na ndö ti mo.

Abia (Psaumes) 73:27

Tongaso, zo so ahon yongoro na mo, fade lo yeke kui; zo so azia lege ti mo, mo yeke zi fini ti lo.

Abia (Psaumes) 97:7

Azo so kue ayeke voro ayanda, ayeke nzoni kamene agbu le ti ala! Azo so ayeke pika kate ti ala ndali ti abuba yanda ni, ayeke nzoni kamene agbu le ti ala! Ala anzapa kue, ala kuku na gbe ti KOTA GBIA!

Amato 10:7

Zo ti mbirimbiri, be ti azo ayeke girisa na lo pepe; me ti zo ti sioni, be ti azo ayeke girisa na lo biani biani.

Amato 14:14

Zo so sarango ye ti lo ayeke kirikiri, fade lo yeke wara ye ti pekoni. Zo ti nzoni ayeke baa nzoni ahon lo.

Ésaïe 1:28

Me azo ti ngangu li na azo ti siokpari, fade a yeke kungbi ala; azo so azia *KOTA GBIA, gigi ti ala ayeke hunzi.

Ésaïe 66:5

Ala ma tënë ti *KOTA GBIA, ala so tere ti ala ayeke do na mbeto ndali ti tënë ti lo: Ambeni ita ti ala ake ala si atumba ala ndali ti mbi. A-ita ti ala ni ayeke he ala si ayeke tene: “Ayeke nzoni KOTA GBIA afa gonda ti lo si e lingbi ti baa ngia ti ala ni!” Me a-ita ti ala ni laa kamene ayeke gbu ande le ti ala.

Jérémie 14:8

KOTA GBIA, mo laa Israel alingbi ti zia be ti lo na ndö ti mo, mo soo lo na ndembe ti ye ti ngangu. Ngbanga ti nyen si mo yeke sara ye tongana wande na ya ti kodro so? Ngbanga ti nyen si mo yeke sara ye tongana gene so alango gi bi oko si lo mu lege ti hon so?

Jérémie 17:17

Mo so mbi kpe na mo ti bata tere ti mbi na ndembe ti ye ti ngangu, mo ga ye ti ziango mbeto na be ti mbi pepe!

Jérémie 17:18

Azo so ayeke sara ngangu na mbi so, ayeke nzoni kamene agbu le ti ala, me mbi pepe! Ayeke nzoni ala do na mbeto, me mbi pepe! Sara si lango ti kota kpale aga na ndö ti ala, mo fâ ala biani biani!

Jérémie 17:5

Tënë so *KOTA GBIA atene ayeke so: “Deba aga na ndö ti zo so be ti lo ahon yongoro na mbi, lo so lo zia be ti lo na ndö ti azo si lo yeke gi ngangu ti lo na lege ti senge zo ti sese!

Jérémie 19:4

Biani, azo ti Juda ado mbi, azia awe; ala buba ndo so kue awe, zo alingbi ti hinga ni mbeni pepe: na ndo ni so, ala zö dukani na ambeni nzapa nde. Ataa ala wani, ataa akotara ti ala, ataa agbia ti Juda ahinga anzapa ni so kozoni pepe. Ala sara si ndo ni asi singo na mene ti azo so tënë ayeke na li ti ala pepe.

Jérémie 2:13

Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Jérémie 2:17

Ye so kue asi na mo gi ndali ti mo wani pepe? Ye ni asi ndali ti so mo zia KOTA GBIA, Nzapa ti mo na ndembe so lo yeke fa lege na mo.

Jérémie 50:7

Azo so kue awara ala ayeke te ala. Awato ti ala ayeke tene: ‘E sara ti e sioni oko pepe! Biani, azo ni laa asara siokpari ti ke KOTA GBIA, lo so lani lo yeke ndo ti dutingo mbirimbiri ti ala, lo so akotara ti ala azia ando be ti ala ti ku lo.’

Ezekiel 13:9

“Mbi yeke fa ngangu ti mbi na awayanga-nzapa so ayeke baa ye na ya ti mbeni ye tongana bango-li si ayeke mvene si bango nda ti aye ti ala ayeke ti handa na azo. Fade ala yeke duti na ya ti bongbi ti azo ti mbi pepe; a yeke su iri ti ala pepe na ya ti mbeti so a su iri ti azo ti Israel na ya ni, gere ti ala ayeke kiri ti do sese ti Israel pepe. Tongaso, fade ala yeke hinga atene, mbi laa mbi yeke Kota Gbia NZAPA.

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Ezekiel 36:32

Ala azo ti Israel, alingbi ala hinga atene, ye so mbi yeke sara so, mbi sara ni ndali ti ala pepe; so tënë ti yanga ti mbi, Kota Gbia NZAPA laa. Ayeke fade nzoni titene kamene asara ala si be ti ala aso ndali ti lege ti sarango ye ti ala.

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Zakarii 9:12

Ala azo ti kanga so azia be ti ala ti ku titene a zi ala so, ala kiri na ya ti gbata ti ala so ngangu gbagba ayeke na tere ni. Gi laso laso, mbi tene: fade mbi yeke mu na ala ye ti peko ti pasi ti ala fani use.

Nzoni Tënë so Luc asu na mbeti 10:20

Ayeke nzoni tere ti ala anzere ndali ti so asioni yingo ama yanga ti ala pepe; me tere ti ala anzere, ngbanga ti so a su iri ti ala awe na ya ti mbeti na yayu.”

Jean 4:10

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Awatokua 28:20

Ndani laa mbi hunda ti baa ala ti tene tënë na ala, ngbanga ti so mbi ga zo ti kanga ndali ti ye so azo ti Israel azia be ti ala ti ku.”

1 Timothée 1:1

Mbi Paul, mbi yeke *watokua ti Jésus Christ na peko ti yanga ti Nzapa, Wasongo e, lo na Jésus Christ so e zia be ti e kue na ndö ti lo.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Aye so Nzapa afa 21:6

Lo kiri lo tene na mbi: “Awe! Mbi yeke *Alfa na *Omega, mbi yeke tongo nda ti aye kue si mbi yeke nga kongo nda ti aye kue. Zo so nzara ti ngu asara lo, fade mbi yeke mu na lo ngu senge senge, ngu ti li ti ngu so ayeke mu fini na zo.

Aye so Nzapa afa 22:1

Na pekoni, *ange ni afa na mbi kota *bale so ayeke mu fini na zo; zo ayeke baa ndo na ya ti bale ni kue. Ngu ni alondo na mbage ti mbata ti Gbia Nzapa na ti Molenge ti Taba si ayeke sigigi.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.