Jérémie 17:11 - Mbeti ti Nzapa - Tënë so amu fini

¹¹ Zo so awara mosoro na legeni pepe, lo yeke tongana dodoro so alango na ndö ti para so lo laa lo du ni pepe; so zo ni angba ti te gigi, mosoro ti lo ahon si na ndani, lo ga zo so li ti lo ayeke daa pepe.”

Jérémie 17:11 ပူးပေါင်းရင်းမြစ်များ

Mbeti ti Job 20:21

Ndali ti so nzara ti lo ayeke mingi ahon ndoni, mbeni ye oko na peko ti tengo ye ti lo angba pepe; ndani laa nzoni duti ti lo ayeke ninga pepe.

Abia (Psaumes) 49:13

Ataa so zo ayeke na mosoro mingi, lo yeke kui tongana nyama; lo yeke ngba na fini pepe.

Abia (Psaumes) 55:23

Zi akungba ti be ti mo, mo zia na ndö ti KOTA GBIA, fade lo yeke mu na mo aye so kue atia mo. Lo yeke zia zo ti mbirimbiri titene mbeni ye ayingi lo pepe.

Amato 13:11

Mosoro so zo awara na loro ayeke ninga pepe; me mosoro so zo awara ni kete na kete ayeke wu.

Amato 15:27

Zo so ayeke wara mosoro na legeni pepe, lo yeke ga na kpale na ya ti sewa ti lo. Me zo so ake tënë ti petengo goro, lo yeke ngba na fini.

Amato 21:6

Azo so aye ti wara mosoro na lege ti tenengo mvene ayeke gi kuâ; ye so ala wara ayeke tongana guru so pupu amu ahon na ni.

Amato 23:5

Gi so le ti mo ayeke ti na ndö ti mosoro ni tongaso, lo hon ti lo awe. Biani, nginza aleke *akpangi ti lo wani so lo yeke huru na ni na le ti nduzu ti hon tongana *ngoalo.

Amato 28:16

Makonzi so ahinga ndo pepe, kua ti lo gi ti mu ye ti azo na ngangu. Me zo so be ti lo ake tënë ti warango ye na lege ti nzi, fade gigi ti lo ague, ayo.

Amato 28:20

Zo so abata tënë ti yanga ti lo, fade a yeke sara tufa gbani gbani na ndö ti lo; me zo so aye ti ga zo ti mosoro na loro, a yeke zia peko ni na lo senge pepe.

Amato 28:22

Zo so be ayeke sara lo, lo yeke kpe kpengo na peko ti mosoro; me lo hinga pepe atene, fade yere ayeke ti na ndö ti lo.

Amato 28:8

Mbeni zo aye ti ga zo ti mosoro; lo yeke sara boon ti nginza na azo titene azo ni azia gba ti nginza na ndö ni si akiri na ni na lo. Me fade mosoro ni so ayeke gue na maboko ti zo so ayeke baa mawa ti awayere.

Jérémie 22:13

“So mawa na mo, Yoakim! Mo kpe fango ngbanga ti mbirimbiri pepe; mo laa mo yeke leke gi yangbo ti mo so! Mo yeke leke ada-nduzu ni na ndö ti tere, na ndö ti tere; me fango ngbanga na legeni, mo yeke ne ni pepe. Azo ayeke sara kua na mo gi senge senge, mo yeke futa ala oko pepe!

Jérémie 22:17

Me ti mo, mo yeke gi gi nzoni ti mo wani; nilaa azo so tënë ayeke na li ti ala pepe, mo ye gi ti tuku mene ti ala senge senge; mo ye gi ti sara ngangu na azo, ti sara ala na ngangu, na ngangu.”

Jérémie 6:13

ngbanga ti so, ti londo na kete zo na popo ti ala asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Jérémie 8:10

“Ndani laa, KOTA GBIA atene: mbi yeke mu awali ti ala na ambeni zo nde; mbi yeke mu ayaka ti ala na azo si ayaka ni aga ti azo ni biani. Biani, ti londo na kete zo asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Amos 3:10

“Azo ti Samarii ahinga ti sara ye ti mbirimbiri oko pepe. Ala bongbi na ya ti ayangbo ti ala aye so ala mu na maboko ti azo na ngangu nga na aye so ala nzi nzingo”; so tënë ti yanga ti *KOTA GBIA laa.

Mishe 2:9

Ala tumba awali ti azo ti mbi na ya ti ada so awali ni aye mingi. Nengo so mbi mu na amolenge ti awali ni, ala zi ni ahon na ni biani biani.

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Sofonii 1:9

Na lango ni so, fade mbi yeke ga na tere ti azo so kue ayeke huru hurungo ti li na ya ti da, ala so ayeke sara si ya ti da ti makonzi ti ala asi singo na aye so ala gbu na ngangu nga na aye so ala wara na lege ti handango zo.

Zakarii 5:4

So tënë ti yanga ti *KOTA GBIA so ayeke na ndö ti dunia kue laa: mbi yeke tokua deba ni titene ali na ya ti da ti zo ti nzi, nga na ya ti da ti zo ti dengo ba ti mvene na iri ti mbi. Dengo ba ni ayeke ngba na ya ti da ti azo ni, ayeke buba ni kue, ataa akeke ti li ni, ataa atêne ni.”

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Nzoni Tënë so Luc asu na mbeti 12:20

Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

1 Timothée 6:9

Me ti azo so aye ti wara mosoro mingi, mosoro ni ahanda ala si ala ti. Nzara ti abuba ye nde nde ti sioni agbu ala tongana gbanda. Aye ni so ayeke buba azo si ayeke gue na ala na kuâ.

Tite 1:11

Alingbi mo kanga yanga ti ala, ngbanga ti so ala sara si mabe ti azo kue na ya ti ambeni sewa ati. Ala ye ti gi nginza na lege ti sioni, nilaa ala yeke fa tënë so zo alingbi fade ti fa pepe.

2 Pierre 2:14

Le ti ala ayeke za na nzara ti gingo awali; nzara ti sarango siokpari ayeke hunzi na be ti ala oko pepe. Ala yeke handa azo so be ti ala ade ti kpengba pepe; nzara ti warango ye ti ala ahon ti azo kue. Ala yeke azo so a deba ala awe!

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.