Jérémie 16:19 - Mbeti ti Nzapa - Tënë so amu fini

¹⁹ *KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Jérémie 16:19 ပူးပေါင်းရင်းမြစ်များ

1 Agbia 20:23

Azo so angoro gbia ti Sirii atene na lo: “Nzapa ti azo ti Israel ayeke Nzapa ti ahoto. Ndani laa ala yeke ngangu ahon e so; me tongana e tiri bira na ala na kpangbara sese, gbaa, fade ngangu ti e ayeke hon ti ala.

Abia (Psaumes) 18:3

KOTA GBIA ayeke tongana kota têne so mbi luti na ndö ni, lo yeke tongana ngangu gbagba na tere ti mbi, lo laa lo yeke zi mbi na ya ti ye ti ngangu. Nzapa ti mbi ayeke tongana kota têne so mbi honde tere ti mbi na peko ni; lo yeke tongana *vala ti mbi, lo yeke tongana ye ti bira ti mbi so mbi hon awato ti mbi na ni; lo yeke tongana ngangu da so ayo na nduzu so mbi kpe daa ti honde tere ti mbi.

Abia (Psaumes) 19:14

Mo zia nga mbi, zo ti kua ti mo, yongoro na tere ti azo ti baba; mo sara si mbi mu peko ti ala na sarango ye ti ala pepe. Tongaso, fade mbi yeke ga zo so alingbi kue si a bi tënë ti kota sioni ye na li ti mbi pepe.

Abia (Psaumes) 27:5

Na ngoi so ye ti ngangu asi na mbi, KOTA GBIA ayeke bata mbi na ya ti da ti lo; lo yeke honde mbi nzoni na ya ti da ti lo; lo yeke zia mbi na nduzu na ndö ti kota têne, na ndo so ye ti sioni alingbi ti si na mbi pepe.

Abia (Psaumes) 46:1

Bia ti azo ti Kore; bia so ayeke ndali ti makonzi-bia. A he ni na aye ti mozoko so atoto na nduzu

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 46:7

Amara asara wusuwusu, akodro ti agbia ayingi; Nzapa atene tënë na kota go si sese aga tongana ngu.

Abia (Psaumes) 62:2

Biani, be ti mbi aduti kpoo gi tongana mbi yeke nduru na Nzapa, lo laa lo yeke soo mbi na kuâ.

Abia (Psaumes) 62:7

Biani, lo yeke kota têne so mbi luti na ndö ni ti bata tere ti mbi, lo yeke wasongo mbi na kuâ; lo yeke ngangu gbagba na tere ti mbi; mbeni ye ti yingi mbi ayeke daa pepe.

Abia (Psaumes) 65:3

Mo so mo yeke ma sambela, fade azo kue ayeke ga nduru na mo.

Abia (Psaumes) 68:31

Suku na nyama ti asosongo, suku na gba ti akoli-bagara nga na gba ti akete bagara, ala so aga ti kuku na gbe ti mo ti mu na mo ale ti nginza. Azo so aye gi bira so, kangbi ya ti ala kirikiri.

Abia (Psaumes) 86:9

Kota Gbia, amara so kue mo sara ala, fade ala yeke ga ti kuku na gbe ti mo si ala yeke gonda iri ti mo.

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 44:10

So ye ti buba ti nyen titene zo aleke mbeni nzapa, wala lo kporo wen ti sara na yanda so lo yeke wara ye na peko ni pepe!

Ésaïe 44:20

Azo ni so amu tere ti ala gi na senge mburu ti wâ; gbungo-li ti ala ti kirikiri asara si ala girisa lege. Nzapa ti ala ni alingbi ti zi ala pepe. Me azo ni wani ayeke tene pepe: “Ye so ayeke na ya ti maboko ti mbi so, ayeke gi ye ti mvene.”

Ésaïe 45:14

Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Ésaïe 49:6

Lo tene na mbi: “Titene mo ga gi zo ti kua ti mbi ti yo azo ti mara ti Jacob na nduzu, ti mu tanga ti azo ti Israel so angba na fini ti ga na ala, so alingbi pepe. Mbi yeke sara titene mo ga lumiere ti amara kue, tongaso si mbi yeke soo azo na kuâ ngbii asi na nda ti sese kue.”

Ésaïe 62:2

Fade amara nde ayeke baa so a zi mo polele, agbia kue ayeke baa gonda ti mo. A yeke mu fini iri na mo, KOTA GBIA laa ayeke di iri ni.

Jérémie 10:3

Biani, lege ti vorongo Nzapa ti amara nde ayeke gi senge senge ye. Azo ayeke fâ keke na ya ti gbako; zo ti sarango ye na kode ayeke de tere ni ti leke na mbeni yanda.

Jérémie 10:5

Ayanda ni so ayeke tongana mbeni gbagba ye so a zia na yaka ti akugbe ti kasa ti tumba na andeke; ayanda ni ayeke tene tënë pepe, a yeke yo ala yongo, ngbanga ti so ala lingbi ti tambula pepe. Ala sara mbeto ti ayanda ni so pepe: ala yeke sara sioni na zo pepe; ataa nzoni ye kue, ala lingbi nga ti sara ni pepe.”

Jérémie 12:16

Tongana azo ni amanda lege ti dutingo ni tongana ti azo ti mbi, tongana azo ni adeba na iri ti mbi, atene: ‘KOTA GBIA ayeke na fini!’, tongana ti so a fa na ala ti deba na iri ti *Baal, fade azo ni ayeke wara ndo ti duti daa na popo ti azo ti mbi.

Jérémie 14:8

KOTA GBIA, mo laa Israel alingbi ti zia be ti lo na ndö ti mo, mo soo lo na ndembe ti ye ti ngangu. Ngbanga ti nyen si mo yeke sara ye tongana wande na ya ti kodro so? Ngbanga ti nyen si mo yeke sara ye tongana gene so alango gi bi oko si lo mu lege ti hon so?

Jérémie 17:17

Mo so mbi kpe na mo ti bata tere ti mbi na ndembe ti ye ti ngangu, mo ga ye ti ziango mbeto na be ti mbi pepe!

Jérémie 2:11

Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Jérémie 2:8

Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Jérémie 3:23

Biani, azo ahanda e na li ti akete hoto kâ; gi awusuwusu laa azo ayeke sara na li ti ahoto kâ. Biani, gi na lege ti KOTA GBIA, Nzapa ti e si Israel ayeke soo kuâ.

Jérémie 33:9

Tongaso, fade ye ni ayeke sara si be ti mbi anzere, ayeke sara si azo agonda mbi si aga ye ti pendere ti mbi na le ti amara kue ti sese. Tongana amara ni ama tënë ti anzoni ye so kue mbi yeke sara ndali ti gbata ni, fade ala yeke do na mbeto si tere ti ala ayeke do ndali ti gba ti nzoni ye na siriri so mbi yeke mu na gbata ni.”

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Ezekiel 11:16

Tongaso, tene na amba ti mo so a gbu mo na ala si a gue na ala na kodro wande so, mo tene: Tënë so mbi Kota Gbia NZAPA, mbi tene ayeke so: ‘Ataa mbi tokua ala na akodro yongoro, ataa mbi kangbi ala na popo ti amara nde, kâ kue, mbi yeke na popo ti ala tongana ti so mbi yeke na ya ti da ti mbi so ayeke nde si ayeke nzoni kue.’

Amos 2:4

Tënë so KOTA GBIA atene ayeke so: “Mbi yeke na tënë na azo ti Juda ndali ti asioni ye ota, wala osio so ala sara: ala baa ndia ti mbi KOTA GBIA tongana mbumbuse ye, ala ke ti sara ye alingbi na ambela ti mbi; ala mu peko ti anzapa ti mvene tongana ti so akotara ti ala asara ando. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Nahum 1:7

KOTA GBIA ayeke nzoni; na ngoi ti ye ti ngangu, lo yeke ndo so zo akpe daa ti bata tere ti lo. Lo yeke bata azo so azia be ti ala na ndö ti lo

Habakuk 3:19

Kota Gbia NZAPA ayeke ngangu ti mbi. Lo sara si gere ti mbi ayapu tongana ti tagba, lo sara si mbi tambula na ndö ti ahoto. Bia so ayeke ndali ti makonzi-bia. A he ni na kundi.

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Rome 1:25

Ala zia taa-tënë na ndö ti Nzapa awe si ala mu peko ti mvene; ala voro aye so Nzapa asara si ala sara kua na aye ni, me ala zia ti voro Nzapa so asara si aye kue abaa gigi. Ayeke nzoni azo agonda lo kpu na kpu! Amen.

1 Pierre 1:18

Ala wara nzoni ye oko pepe na lege ti sarango ye so ala mu na peko ti akotara ti ala. Me ala hinga awe ye so azi ala na ya ti sarango ye ni so, ye ni alingbi ti buba tongana nginza wala lôro pepe;

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”