Jérémie 16:18 - Mbeti ti Nzapa - Tënë so amu fini

¹⁸ Mbi yeke mu na ala kozoni futa fani use alingbi na sioni nga na siokpari ti ala, ngbanga ti so ala sara si kodro ti mbi aga sioni. Ye so aga ti mbi, ala sara si asi singo na afungo nzapa ti ala so ayeke na fini pepe so; ala sara si ye ti mbi ni asi singo na asioni nzapa ti ala so zo alingbi ti baa na le ti lo fani use pepe so.”

Jérémie 16:18 ပူးပေါင်းရင်းမြစ်များ

Abia (Psaumes) 106:38

Ala tuku mene ti azo so asara sioni pepe, so ti tene mene ti amolenge ti ala ti koli na ti wali; ala mu amolenge ni na sandaga na anzapa ti azo ti Kanaan si mene ni asara si kodro ni aga *sioni.

Ésaïe 24:5

Azo so alango na ndö ti sese asara si sese ni aga sioni, ngbanga ti so ala do andia na gbe ti gere ti ala, ala sanze atënë ti ndia, ala ke tënë ti *mbuki so abongbi ala na Nzapa lakue lakue.

Ésaïe 40:2

Ala tene tënë ti mu ngangu na be ti Jérusalem, ala dekongo na lo atene: “Kua ti lo ti ngbaa ahunzi awe, a zi sioni ti lo na li ti lo awe. Biani, asioni so lo sara, *KOTA GBIA asara si lo wara futa ni fani use.”

Ésaïe 61:7

KOTA GBIA atene: “Na plase ti kamene so lani ahon ndö ti ala, fade ala yeke wara sese ti azo ni akono fani use. Na plase ti zongango ndo so azo azonga ala, ala yeke dodo na ngia, ngia ni ayeke ngba lakue lakue.

Ésaïe 65:6

Me mbi su aye so kue na mbeti awe; mbi yeke duti kpoo pepe, ngbii mbi futa ala alingbi na ala, mbi futa ala sioni sioni.

Ésaïe 65:7

Mbi KOTA GBIA, mbi tene: Mbi yeke futa ala alingbi na sioni ti ala wani nga na sioni ti akotara ti ala. Akotara ti ala ayeke zö ando yombo na li ti ahoto, ala yeke zonga mbi na li ti akete hoto. Tongaso, mbi yeke futa ala sioni sioni ndali ti aye so ala sara ando so.”

Jérémie 17:18

Azo so ayeke sara ngangu na mbi so, ayeke nzoni kamene agbu le ti ala, me mbi pepe! Ayeke nzoni ala do na mbeto, me mbi pepe! Sara si lango ti kota kpale aga na ndö ti ala, mo fâ ala biani biani!

Jérémie 2:7

Mbi sara si ala li na ya ti kodro so kobe ayeke du daa gbani gbani titene ala te anzerengo le ti kobe ni si ala wara anzoni ye ti kodro ni. Me so ala li na ya ti kodro ti mbi ni, ala sara si aga *sioni. Ala sara si ye so ayeke ti mbi aga ye ti sioni so zo alingbi ti baa na le fani use pepe.

Jérémie 3:9

Lo sara aye ti ndumba ni na ayanda so a sara na têne nga na keke si na lege ti sarango ye ti kirikiri ti lo, lo sara si kodro ni kue aga sioni.

Jérémie 44:4

Mbi mu ngoi ti mbi kue ti tokua na ala na peko ti tere, na peko ti tere, azo ti kua ti mbi so ayeke awayanga-Nzapa ti tene na ala: ‘Be ti mbi ake asioni sarango ye so zo alingbi ti baa na le ti lo fani use pepe so; ala sara ni pepe!

Jérémie 7:30

“Biani, azo ti Juda asara ye so ayeke sioni na le ti mbi. Ala zia afungo nzapa ti ala na ya ti kota da so a di iri ti mbi na ndö ni; ala sara si da ni aga *sioni; so tënë ti yanga ti KOTA GBIA laa.

Ezekiel 11:18

Tongana ala, azo ti Israel, ala kiri awe, ala yeke zi afungo yanda kue na asioni ye so kue zo alingbi ti baa na le ti lo fani use pepe so.

Ezekiel 11:21

Me ti azo so be ti ala angba na vorongo ayanda nga na asioni ye so zo alingbi ti baa na le ti lo fani use pepe so, mbi yeke futa ala alingbi na lege ti sarango ye ti ala.’ So tënë ti yanga ti Kota Gbia NZAPA laa.”

Ezekiel 36:18

Ala sara si kodro ni aga *sioni na lege ti mene so ala tuku nga na lege ti afungo yanda. Ndani laa, mbi tuku ngonzo ti mbi ti wâ na ndö ti ala.

Ezekiel 5:11

“Fini ti mbi, Nzapa! So tënë ti yanga ti mbi, Kota Gbia NZAPA laa: Ndo so a zia ni nde ndali ti mbi, ala sara si aga *sioni na lege ti asioni sarango ye ti ala nga na lege ti afungo yanda ti ala. Mbi nga, mbi yeke gboto tere ti mbi, mbi yeke baa mawa ti ala oko pepe, mbi yeke zia zo oko pepe.

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Awayango-sandaga 26:30

Ando so ala leke na ndö ti ahoto ti voro anzapa nde daa so, mbi yeke buba ni. Agbalaka so ala yeke zö dukani na ndö ni so, mbi yeke kungbi ni na sese; mbi yeke bongbi kuâ ti ala na ndö ti afango yanda ti ala; fade mbi yeke ke ala.

Mishe 2:10

Ala londo, ala hon kâ! Ndo ti wungo tere ti ala ayeke ge mbeni pepe! Ndali ti siokpari ti ala, sese ti ala aga *sioni awe, ala yeke baa ande pasi, pasi ni ayeke duti ngangu mingi.”

Aye so Nzapa afa 18:6

Ala sara na lo ye alingbi gi na ye so lo sara na ala. Aye so lo sara na ala so, ala kiri peko ni na lo fani use. Vin so lo leke ni ti mu na ala ti nyon so, ala mu kopo, atuku mbeni vin na ya ni so ngangu ni ahon ti ti lo fani use si ala mu na lo.