Jérémie 15:4 - Mbeti ti Nzapa - Tënë so amu fini

⁴ Tongaso, fade akodro-gbia kue ti sese ayeke do na kota mbeto na bango azo ni. Andaa, so ayeke gi peko ti sioni so Manase, molenge ti Ezekias, gbia ti Juda asara lani na Jérusalem laa.”

Jérémie 15:4 ပူးပေါင်းရင်းမြစ်များ

2 Agbia 21:1

Manase ayeke na ngu baleoko na use si lo ga gbia; lo le-gbia ngu baleoku na oku na Jérusalem. Iri ti mama ti lo ayeke Hefsi-Ba.

2 Agbia 21:15

Mbi yeke sara aye so na ala, ngbanga ti so ala sara ye so ayeke sioni na le ti mbi. Ti londo na lango so akotara ti ala asigigi na sese ti Ezipte ngbii asi laso, ala ngba ti zia ngonzo na be ti mbi.’ ”

2 Agbia 21:2

Lo sara ye so ayeke sioni na le ti *KOTA GBIA. Lo mu gi peko ti asioni sarango ye ti amara so KOTA GBIA atumba ala na ya ti kodro ni si lo mu kodro ni na azo ti Israel; sioni sarango ye so zo alingbi ti baa na le ti lo fani use pepe.

2 Mbai 33:1

Manase ayeke na ngu baleoko na use si lo ga gbia; lo le-gbia ngu baleoku na oku na Jérusalem.

2 Mbai 33:2

Lo sara ye so ayeke sioni na le ti *KOTA GBIA. Lo mu gi peko ti sioni sarango ye ti amara so KOTA GBIA atumba ala na ya ti kodro ni si lo mu kodro ni na azo ti Israel; sioni sarango ye so zo alingbi ti baa na le ti lo fani use pepe.

Jérémie 24:9

Na ya ti akodro-gbia kue ti sese, fade mbi yeke sara si ala, azo ti Juda, ala ga tapande ti kpale so ayeke sara si azo ado na kota mbeto. Na ando so kue mbi yeke tumba ala daa, ala yeke ga tapande; zo ayeke mu iri ti ala ti zonga na mba ti lo wala ti he lo, ti he bia na iri ti lo wala ti deba lo.

Jérémie 29:18

Mbi yeke tumba peko ti ala na lege ti bira, nzara na sioni kobela ti bubango kodro. Mbi yeke sara tongaso si akodro-gbia ti sese kue ado na kota mbeto na bango ala. Na ya ti akodro so kue mbi yeke kangbi ala daa, ala yeke ga tapande ndali ti azo so ayeke deba amba ti ala; ala yeke ga ye ti dongo be nga na ye so azo ayeke huru yanga ti ala na bango ni.

Jérémie 34:17

“Baa, tënë so KOTA GBIA atene ayeke so: Ala oko oko kue alingbi fade ti to mbela titene a zi a-ita ti ala na amba ti ala na gbe ti ngbaa; me ala ma yanga ti mbi pepe. Ndani laa, mbi KOTA GBIA, mbi to mbela titene a zi lege na bira, na sioni kobela ti bubango kodro nga na nzara ti ga na tere ti ala; so tënë ti yanga ti KOTA GBIA laa. Fade akodro-gbia kue ti sese ayeke do na kota mbeto na bango ala.

Jérémie 9:16

Tënë so KOTA GBIA so ayeke na ndö ti dunia kue atene laa. “Ala gbu li ti ala si! Ala iri awali ti totongo kuâ ti ga! Ala iri awali so kua ti ala ayeke gi totongo kuâ.

Abia ti demango tere 1:8

Azo ti Jérusalem asara siokpari ahon ndoni. Nilaa, gbata ni aga tongana mbeni sarate ye; azo so kue ayeke gonda gbata ni ando so, fadeso ala yeke baa ni tongana mbeni buba ye, ngbanga ti so ala baa tere ti lo so ayeke senge. Lo wani, lo dema, lo kiri na peko, lo hon.

Ezekiel 18:19

“Ala yeke hunda ndo, atene: ‘Asioni so babâ ni asara so, ndali ti nyen si molenge ni ayo ngbanga ni pepe?’ Ayeke ndali ti so molenge ni asara ye na lege ti ndia nga na lege ti ye ti mbirimbiri. Lo bata atënë ti andia ti mbi kue, lo sara ye alingbi na ni. Ndali ni, fade lo yeke ngba na fini.

Ezekiel 23:46

“Tënë so mbi Kota Gbia NZAPA, mbi tene ayeke so: Ala bongbi gba ti azo ti ga na tere ti awali ni; fade mbi yeke sara titene awali ni ado na kota mbeto si a nzi aye ti ala kue.

Awayango-sandaga 26:33

Ti ala, mbi yeke tokua bira na tere ti ala si mbi yeke sara titene ala kangbi na popo ti amara nde. Kodro ti ala ayeke ga ngonda si agbata ti ala ayeke buba kue.

Ndia ti fani use ni 28:25

Fade KOTA GBIA ayeke sara si awato ti ala akinda ala na ya ti bira. Tongana ala, azo ti Israel, ala mu lege oko ti ga ti tiri bira na ala, fade ala yeke mu alege nde nde ti kpe kirikiri na dawa ti awato ni. Fade kota mbeto ayeke gbu akodro-gbia ti sese ni na bango aye so asi na ala, azo ti Israel.

Ndia ti fani use ni 28:64

Fade KOTA GBIA ayeke kangbi ala na popo ti amara kue, ti londo na mbeni nda ti sese ti si na mbeni nda ni. Kâ, ala yeke voro ambeni nzapa so ala wani ahinga ala pepe, akotara ti ala nga ahinga ala pepe; a sara anzapa ni so na keke wala na têne.