Jérémie 15:18 - Mbeti ti Nzapa - Tënë so amu fini

¹⁸ Ngbanga ti nyen laa pasi ti mbi ayeke hunzi pepe so? Ngbanga ti nyen laa ka ti mbi aye ti mu pepe so? A zia yoro daa gbaa so? Biani, mo ga tongana li ti ngu so ahanda mbi; na mbeni ngoi, ngu asi singo daa; na mbeni ngoi, ngu ni ahole; zo alingbi ti zia be ti lo daa pepe.

Jérémie 15:18 ပူးပေါင်းရင်းမြစ်များ

Mbeti ti Job 14:11

Mbeni lâ, ngu ti kota ngu-ingo alingbi ti hon; *abale alingbi ti hole;

Mbeti ti Job 34:6

Mbi sara ye so ayeke mbirimbiri, me a baa mbi tongana zo ti mvene. Mbi sara siokpari pepe, me lo pika mbi na kota ka ti fâ mbi.”

Abia (Psaumes) 6:3

KOTA GBIA, baa mawa ti mbi, ngbanga ti so ngangu ahunzi na mbi awe. KOTA GBIA, kai kobela na tere ti mbi, ngbanga ti so tere ti mbi kue awoko awe.

Jérémie 14:19

“KOTA GBIA, mo ke Juda biani awe? Be ti mo ake *Sion awe? Ngbanga ti nyen si mo zia ka na tere ti e si ka ni amu pepe so? E baa ti e lani e tene, fade e yeke duti nzoni, me ye ti nzoni oko ayeke daa pepe. E yeke ku lani ngoi titene ka ti e amu, me kota mbeto laa aga.

Jérémie 14:3

Akota zo atokua azo ti kua ti ala ti to ngu, azo ti kua ni ague na du ti ngu, me ala wara ngu pepe. Ala mu lege akiri, ya ti ata ti ala senge; kamene agbu le ti ala, ala yeke na vundu si ala ba li ti ala na sese.

Jérémie 20:18

Ndani nyen si mbi sigigi na ya ti mama ti mbi si mbi yeke baa pasi na mawa tongaso? Gigi ti mbi ayeke hunzi na ya ti aye ti kamene lakue tongaso?

Jérémie 20:7

*KOTA GBIA, mo handa mbi si mbi ti na ya ti handa ni. Mo gbu mbi na ngangu, mo hon ndö ti mbi awe. Lakue mbi ga buba na le ti azo; azo kue ayeke he mbi.

Jérémie 30:12

So tënë ti yanga ti KOTA GBIA laa: “Ka ti mo ayeke so mingi, ka ni ayeke mu oko pepe!

Jérémie 30:15

Ngbanga ti nyen si mo yeke toto ndali ti kpale so asi na mo? Ndali ti ka ti mo so aso mingi so? Mbi sara si aye ni so asi na mo, ngbanga ti so sioni ti mo ahon ndoni, siokpari ti mo awu mingi.

Mishe 1:14

Ndani laa, fade ala yeke kangbi na azo ti kodro ti Moreshet-Gat. Agbia ti Israel ayeke ku titene azo ti gbata ti Akzib amu maboko na ala, me ala yeke ku gbaa.

Mishe 1:9

A pika azo ti Samarii na ka, ka ni ayeke kota mingi, zo alingbi ti sara si ka ni amu pepe. Ka ni ague ngbii awara azo ti Juda, ague nga ngbii asi na yanga ti gbata ti Jérusalem, ndo so azo ti mbi ayeke daa.