Jérémie 15:17 - Mbeti ti Nzapa - Tënë so amu fini

¹⁷ Mbi duti pepe na ya ti bongbi ti azo ti hengo ndo titene mbi na ala, e sara ngia. Me mo gbu mbi na ngangu awe si mbi duti gi mbi oko yamba, ngbanga ti so mo sara si be ti mbi aso ahon ndoni.

Jérémie 15:17 ပူးပေါင်းရင်းမြစ်များ

Abia (Psaumes) 1:1

Ti lo nzoni, zo so ake ti tambula na lege ti wango ti azo ti sioni, zo so ake ti luti ndo oko na azo ti siokpari, zo so ake ti duti na popo ti azo ti hengo Nzapa.

Abia (Psaumes) 102:7

Mbi kpa ndeke ti benyama, mbi ga tongana ndeke ti bi na ya ti agbagba da.

Jérémie 1:10

Hinga, mo tene, laso mbi mu na mo kua ti sara ndali ti amara nga ndali ti akodro-gbia: mo yeke gboto aye si mo yeke de aye na sese; mo yeke buba aye si mo yeke kungbi aye na sese; mo yeke leke aye na nduzu si mo yeke lu aye.”

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 16:8

“Da so azo ayeke sara matanga ti tengo kobe daa, mo li nga na ya ni pepe; mo na azo ni, ala duti ti te, ti nyon pepe.

Jérémie 6:11

Ti mbi, ngonzo ti mo, KOTA GBIA, asi be ti mbi singo. Mbi kanga be ti mbi gbaa. “Ayeke nzoni mo tuku ngonzo ni na ndö ti amolenge so ayeke na ndö ti alege; mo tuku ni na ndö ti bongbi ti amaseka. Akoli na awali, akangba na azo so ate gigi mingi, fade a yeke mu ala kue ti hon na ala.

Abia ti demango tere 3:28

Tongana KOTA GBIA azia lo na ya ti ye ti ngangu, ayeke nzoni lo duti nde gi lo oko, lo tene tënë pepe.

Daniel 7:28

“Tënë ni ahunzi na ndo so. Me ti mbi Daniel, be ti mbi agi mbi mingi, mbi woko kue si mbi ngba ti gbu li ti mbi daa.”

Zakarii 1:12

Na pekoni, ange ti KOTA GBIA akiri amu tënë si atene: “KOTA GBIA, mo so mo yeke na ndö ti dunia kue so, asara fadeso ngu balembarambara awe so mo sara ngonzo na tere ti gbata ti Jérusalem na agbata ti Juda. Mo yeke ku ngbii asi lawa si mo yeke baa mawa ti ala?”

2 Korente 6:17

Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”