Jérémie 15:16 - Mbeti ti Nzapa - Tënë so amu fini

¹⁶ Gi so atënë ti mo asi na mbi, mbi mu ni si aga ye ti mbi; atënë ni amu ngia na mbi, azia ngia mingi na be ti mbi. Biani, a zia mbi nde ndali ti mo awe, KOTA GBIA Nzapa so ayeke na ndö ti dunia kue.

Jérémie 15:16 ပူးပေါင်းရင်းမြစ်များ

Néhémie 8:12

Tongaso azo ni kue akiri na ndo ti ala titene ala te, ala nyon. Ala tokua ambeni kobe na azo so ayeke na ye pepe, ala sara ngia ahon ndoni, ngbanga ti so ala ma nda ti atënë so a diko na ala.

Mbeti ti Job 23:12

Mbi zia atënë ti yanga ti lo pepe ti sara mbeni ye nde; ambela ti lo kue, mbi bata ni na be ti mbi.

Abia (Psaumes) 119:111

Aye so mo hunda na mbi aga ye ti mbi biani biani; aye ni ayeke zia ngia na be ti mbi.

Abia (Psaumes) 119:16

Ambela ti mo anzere na mbi mingi, fade mbi yeke girisa tënë ti mo pepe.

Abia (Psaumes) 119:72

Ndia so alondo na yanga ti mo ayeke nzoni na mbi ahon lôro na nginza kutu kutu.

Abia (Psaumes) 119:97

Mbi ye ndia ti mo mingi! Mbi yeke gbu li ti mbi daa lakue.

Abia (Psaumes) 19:10

Kpengo mbeto ti KOTA GBIA, mbeni ye ti nzoni ti hon so ayeke daa pepe; kpengo mbeto ti KOTA GBIA angba lakue lakue. Fango ngbanga ti KOTA GBIA ayeke taa-tënë, fango ngbanga ni kue ayeke mbirimbiri.

Jérémie 14:9

Ngbanga ti nyen si mo yeke sara ye tongana koli pepe so? Ngbanga ti nyen si mo yeke sara ye tongana mbeni ngangu koli so alingbi fade ti soo azo, me lo soo ala pepe so? Andaa KOTA GBIA, mo yeke na popo ti e, a zia e nde ndali ti mo awe; mo zia e pepe!”

Ezekiel 2:8

“Ti mo, molenge ti zo, mo ma tënë so mbi yeke tene na mo. Mo sara ngangu li tongana ti azo ti mara ti ngangu li so pepe. Mo zi yanga ti mo, mo te ye so mbi yeke mu na mo.”

Mishe 2:7

Mo baa ti mo, mo tene, a deba azo ti Israel awe? *KOTA GBIA azia ti kanga be ti lo awe? Lo yeke sara ka ye tongaso?” Ti mbi, tënë ti mbi ayeke sara nzoni na zo so ayeke sara ye mbirimbiri.