Jérémie 15:15 - Mbeti ti Nzapa - Tënë so amu fini

¹⁵ Mo KOTA GBIA, mo hinga ye kue! Dabe ti mo na mbi maa! Baa lege ti mbi maa! Mo kiri na azo ti sarango ngangu na mbi, peko ti sioni so ala sara na mbi! Ayeke nzoni mo kanga be ti ku ala kungo pepe, tongaso pepe, mbi yeke baa pasi. Ayeke nzoni mo hinga, mo tene, ndali ti mo laa mbi yeke kanga be na azonga ti azo ni so.

Jérémie 15:15 ပူးပေါင်းရင်းမြစ်များ

Néhémie 13:22

Mbi mu nga yanga na azo ti mara ti Lévi titene ala *sukula asioni na tere ti ala si ala gue ti bata ayanga ti gbagba ni, tongaso si azo abaa lango ti wungo tere tongana lango so a zia nde ndali ti Nzapa. “Nzapa ti mbi, mo dabe ti mo na mbi ndali ti aye so nga! Mo so mo yeke nzoni mingi, mo baa mawa ti mbi!”

Néhémie 13:31

Mbi yeke kiri ti fa lege so azo ayeke ga na asandaga ti keke na ngoi so a diko; ala yeke ga nga na akozo le ti kobe. “Nzapa ti mbi, mo dabe ti mo na mbi, mo sara nzoni be na mbi.”

Néhémie 5:19

“Ae Nzapa ti mbi, mo dabe ti mo na ye so kue mbi sara ndali ti azo so! Mo sara nzoni be na mbi!”

Néhémie 6:14

“Nzapa ti mbi, mo dabe ti mo na ye so Tobia na Sanebalat asara, nga na Noadia, wayanga-Nzapa ti wali, lo na tanga ti awayanga-Nzapa so aye ti bi mbeto na ya ti mbi!”

Mbeti ti Job 10:7

Mo hinga kue, mo tene, mbi sara sioni pepe, zo oko ti zi mbi na maboko ti mo ayeke daa pepe!

Abia (Psaumes) 102:24

Gi so mbi de na lege, KOTA GBIA asara si ngangu ti mbi ahunzi, lo kiri na lango ti fini ti mbi nduru.

Abia (Psaumes) 106:4

KOTA GBIA, mo so mo yeke sara nzoni be na azo ti mo, dabe ti mo na mbi. Mo so mo yeke Wasongo-zo, baa lege ti mbi si.

Abia (Psaumes) 119:84

Alango ti mbi, zo ti kua ti mo, angba oke? Lawa laa mo yeke fâ ande ngbanga na ndö ti azo so ayeke sara ngangu na mbi so?

Abia (Psaumes) 17:3

Mo gi ya ti atënë ti be ti mbi awe. Na bi, mo ga ti gi ti hinga mbi nzoni, mo tara be ti mbi, mo wara ye oko pepe; tënë so mbi gbu li ti mbi daa, ni laa asigigi na yanga ti mbi pepe.

Abia (Psaumes) 39:13

KOTA GBIA, ma sambela ti mbi, dingi mê ti mo, mo ma toto ti mbi, mo baa ngu ti le ti mbi senge tongaso pepe. Biani, na ndo ti mo, mbi yeke tongana wande, mbi yeke ti mbi senge senge wande so aga ndali ti mbeni kete ngoi, tongana akotara ti mbi.

Abia (Psaumes) 44:22

ka mo, Nzapa, mo hinga ni awe pepe? Biani, atënë kue ti be ti zo so angba na hondengo ni, mo hinga ni.

Ésaïe 38:3

lo tene: “Ae! KOTA GBIA, mbi gbu gere ti mo, mo dabe ti mo so mbi sara ye na le ti mo na lege ti taa-tënë si mbi sara ni na be ti mbirimbiri. Mbi sara nga ye so ayeke nzoni na le ti mo.” Na pekoni Ezekias atoto mingi.

Jérémie 12:3

Ti mbi KOTA GBIA, mo hinga mbi, mo baa mbi, mo hinga so be ti mbi ayeke nduru na mo. Ti azo ti sioni, ayeke nzoni mo zia ala na mbage tongana ataba so a bata ala ti gue na ala na ndo ti fango anyama. Ayeke nzoni mo zia ala nde ti ku na lango ti fango ala.

Jérémie 15:10

Mama ti mbi, so mawa na mbi so mo du mbi so! Na ya ti kodro ni kue, azo ake mbi, ala ye gi kuâ ti mbi. Yongo ti mbi ayeke na li ti zo pepe, yongo ti mbeni zo ayeke na li ti mbi nga pepe, me azo kue ayeke deba mbi!

Jérémie 15:20

Na dawa ti ala, mbi yeke sara si mo ga tongana mbeni gbagba so a sara na bengba wen, so zo alingbi ti kungbi ni pepe. Fade ala yeke tiri na mo, me ala yeke kinda mo pepe, ngbanga ti so mbi yeke na mo ti soo mo, ti zi mo na maboko ti ala; so tënë ti yanga ti KOTA GBIA laa.

Jérémie 17:16

KOTA GBIA, mbi laa mbi pusu mo titene mo bi kpale na sese pepe. Mbi ye pepe titene lango ti kota kpale tongaso asi, mo hinga kue. Tënë so asigigi na yanga ti mbi, ni laa ayeke na le ti mo so.

Jérémie 18:23

Mo KOTA GBIA, mo hinga apialo so kue ala leke na tere ti mbi ti fâ mbi. Mo zi sioni na li ti ala pepe, sara si siokpari ti ala ahon na le ti mo pepe. Ayeke nzoni ala ti na sese na dawa ti mo. Na ndembe ti ngonzo ti mo, mo sara sana na ala.

Jérémie 20:11

Me KOTA GBIA ayeke na mbi, lo yeke ngangu zo ti tiringo bira ndali ti mbi. Ndani laa, fade azo ti sarango ngangu na mbi ayeke ti; ala yeke sara ye oko na mbi pepe. Kamene ayeke hon ndö ti ala lakue lakue, ngbanga ti so ye ni akara ala; zo ayeke girisa tënë ni pepe.

Jérémie 20:12

KOTA GBIA so ayeke na ndö ti dunia kue, mo laa mo hinga zo so ayeke mbirimbiri, mo laa mo hinga atënë ti be ti zo na agbungo li ti lo. Sara si mbi baa lege so mo kiri na awato ti mbi peko ti sioni so ala sara na mbi, ngbanga ti so mbi zia tënë ti mbi na maboko ti mo awe.

Jérémie 20:8

Lakue, tongana mbi yeke tene tënë, alingbi mbi dekongo ti iri azo ti soo mbi, mbi tene: “Fango zo-oo, bubango ye-oo!” Ndali ti tënë ti KOTA GBIA, azo ayeke zonga mbi lakue si ala yeke he mbi na ngia lakue.

Abia ti demango tere 3:64

Aye so ala yeke sara na mbi so, KOTA GBIA, mo kiri peko ni na ala!

Abia ti demango tere 3:66

Na lege ti ngonzo ti mo ti wâ, KOTA GBIA, mo tumba peko ti ala, mo fâ ala kue, mo zi ala biani na ndö ti sese so!

Matthieu 10:22

Fade azo kue ayeke ke ala ndali ti mbi. Me zo so ayeke gbu ngangu ngbii asi na ndani, fade lo yeke soo kuâ.

Matthieu 19:29

Zo so kue azia ada ti lo, a-ita ti lo ti koli, a-ita ti lo ti wali, babâ ti lo, mama ti lo, amolenge ti lo na ayaka ti lo ndali ti mbi, fade lo yeke wara aye so fani ngbangbo oko ahon aye so lo zia si lo yeke wara fini so angba lakue lakue.

Nzoni Tënë so Luc asu na mbeti 21:17

Azo kue ayeke ke ala ndali ti iri ti mbi.

Rome 12:19

A-ita ti mbi so mbi ye ala mingi, tongana zo asara sioni na ala, ala wani akiri peko ti sioni ni na zo ni pepe; me ala zia lege na ngonzo ti Nzapa ti sara ye na zo ni, ndali ti so na ya ti Mbeti ti Nzapa, Kota Gbia atene: “Mbi laa mbi yeke kiri peko ti sioni na zo so asara sioni, mbi laa mbi yeke kiri peko ti ye alingbi na sarango ye ti zo.”

Rome 8:35

Zo wa laa alingbi ti kangbi e na ndoye ti Christ? Pasi, wala mbeto, wala aye ti ngangu, wala nzara, wala dutingo na ye pepe, wala ye ti sioni so ayeke hara e wala kuâ?

2 Korente 5:11

E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.

2 Timothée 4:14

Alexandre, zo ti pikango ndao asara sioni na mbi mingi; fade *Kota Gbia ayeke kiri na lo peko ti aye so lo sara.

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!

Aye so Nzapa afa 6:10

Azo ni ayeke dekongo ngangu, atene: “Gbia, mo so mo yeke nde si mo yeke nzoni kue, mo yeke tene gi taa-tënë; mo yeke ku ande ngbii asi lawa si mo yeke fâ ngbanga na li ti azo ti ndö ti sese titene mo kiri na ala peko ti mene ti e so ala tuku so?”

Awafango-ngbanga 16:28

Tongaso, Samson asambela KOTA GBIA, lo tene: “Kota Gbia NZAPA, mbi voro mo, dabe ti mo na mbi! Kiri mo mu ngangu na mbi ti fani oko si gi fani oko, mbi lingbi ti kiri peko ti sioni na azo ti Filistii ndali ti le ti mbi so ala koro ni use kue so!”