Jérémie 14:22 - Mbeti ti Nzapa - Tënë so amu fini

²² Na popo ti asenge senge ye ti amara nde, mbeni yanda oko ayeke daa so alingbi ti sara si ngu apika? Yayu laa asara si ngu ayeke pika? KOTA GBIA Nzapa ti e, mo laa mo sara ye so pepe? E zia be ti e ti ku mo, ngbanga ti so mo laa mo sara aye so kue.”

Jérémie 14:22 ပူးပေါင်းရင်းမြစ်များ

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

1 Agbia 17:14

Biani, tënë so KOTA GBIA, Nzapa ti Israel atene ayeke so: ‘Fade farini ayeke hunzi na ya ti ta ti mo pepe; mafuta ayeke hunzi nga na ya ti ngbenda ti mo pepe, ngbii asi na lango so KOTA GBIA ayeke sara titene ngu apika na ndö ti sese.’ ”

1 Agbia 18:1

Lango mingi ahon na pekoni, na ngu ota ni so ngu apika pepe, tënë ti *KOTA GBIA asi na Élie, atene: “Gue mo fa tere ti mo na gbia Akab; fade mbi yeke tokua ngu-Nzapa na ndö ti sese.”

1 Agbia 8:36

mo KOTA GBIA so mo yeke na yayu, ayeke nzoni mo ma ala si mo zi siokpari na li ti azo ti kua ti mo nga na li ti azo ti Israel, azo ti mo. Mo fa na ala nzoni lege titene ala tambula daa. Na pekoni, sara si ngu-Nzapa apika na ndö ti sese so mo mu na ala si aga ti ala so.

Mbeti ti Job 28:26

Lo lu ndia ndali ti ngu-Nzapa, lo suru lege na bekpa so ayeke toto.

Mbeti ti Job 5:10

Lo yeke sara si ngu-Nzapa apika na ndö ti sese kue; lo yeke tokua ngu-Nzapa na ndö ti ayaka.

Abia (Psaumes) 130:5

Mbi yeke ku KOTA GBIA, mbi yeke ku lo na be ti mbi kue, mbi zia be ti mbi ti ku tënë ti lo.

Abia (Psaumes) 135:7

Lo sara si ambinda alondo kâ na nda ti sese si ague na nduzu; lo sara wâ ti bekpa titene ngu-Nzapa apika, lo sigigi na pupu na ndo so lo bata ni daa.

Abia (Psaumes) 147:8

Lo laa lo sara si mbinda amu le ti nduzu kue, lo leke ngu-Nzapa ndali ti sese; lo sara si apere asigigi na ndö ti ahoto.

Abia (Psaumes) 25:21

Mbi zia be ti mbi ti ku mo; mo bata mbi na lege ti taa-tënë nga na lege ti ye ti mbirimbiri.

Abia (Psaumes) 25:3

Azo so azia be ti ala ti ku mo, kamene ayeke gbu ka ala pepe. Me ala so aka mo senge senge, ala laa kamene ayeke gbu ala.

Abia (Psaumes) 27:14

Zia be ti mo ti ku KOTA GBIA! Gbu ngangu! Kanga be ti mo! Zia be ti mo ti ku KOTA GBIA!

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 30:23

Fade KOTA GBIA ayeke tokua ngu-Nzapa na ndö ti ale ti kobe so mo lu. Kobe so sese ayeke mu na mo ayeke duti gbani gbani si ayeke nzere mingi. Na lango ni so, anyama ti mo ayeke gue ti te pere na ndo so akono.

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

Jérémie 10:12

KOTA GBIA asara sese na lege ti ngangu ti lo, lo sara si dunia abaa gigi na lege ti ndara ti lo, lo gbara le ti nduzu na lege ti hingango ye ti lo.

Jérémie 10:13

So lo dekongo awe, gba ti angu abongbi tere na yayu, lo sara si angbongboro mbinda alondo na nda ti sese kue si ayeke ma na nduzu, lo sara si wâ ti bekpa amu lege na ngu-Nzapa ti pika; lo sara si pupu alondo na ndo so lo bata ala daa ti sigigi.

Jérémie 10:15

Ala yeke asenge senge ye, ala yeke aye so azo ayeke he na ngia. Na lango so KOTA GBIA ayeke ga na tere ti ala, ala kue ayeke hunzi.

Jérémie 10:3

Biani, lege ti vorongo Nzapa ti amara nde ayeke gi senge senge ye. Azo ayeke fâ keke na ya ti gbako; zo ti sarango ye na kode ayeke de tere ni ti leke na mbeni yanda.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Jérémie 5:12

Azo ti Juda abere tënë ti KOTA GBIA, ala tene: “Lo yeke daa lawa! Fade mbeni ye ti sioni ayeke wara e pepe; bira wala nzara ayeke si na e pepe.

Jérémie 5:24

Ala tene na be ti ala pepe, atene: ‘Ayeke nzoni e kpe mbeto ti KOTA GBIA, Nzapa ti e, lo so lo yeke mu na e ngu-Nzapa na ngoi ni so alingbi: ngu-Nzapa ti kozo ngoi, ngu-Nzapa ti ndangba ngoi. Na ya ti ngu oko oko, lo laa lo yeke bata na e ngoi ti kongo ale ti kobe.’

Jérémie 51:16

So lo dekongo awe, gba ti angu abongbi tere na yayu, lo sara si angbongboro mbinda alondo na nda ti sese kue si ayeke ma na nduzu, lo sara si wâ ti bekpa amu lege na ngu-Nzapa ti pika; lo sara si pupu alondo na ndo so lo bata ala daa ti sigigi.

Osée 2:7

Biani, mama ti amolenge ni asara ye ti ndumba, mama ti dungo ala asara ye ti kamene na tere ti lo. Biani, lo tene: ‘Mbi ye ti kpe na peko ti andeko ti mbi, ala so ayeke mu na mbi kobe na ngu, bongo so a sara na kua ti tere ti taba na bongo ti *len, mafuta nga na samba.’

Joël 2:23

Ala azo so ayeke lango na *Sion, ala dodo na ngia, ala duti na ngia ndali ti KOTA GBIA, Nzapa ti ala. Na peko ti buru, lo yeke tokua na ala ngu-Nzapa ti zi ala na ya ti kpale, lo yeke tokua na ala ngu-Nzapa alingbi na angoi ni tongana ti kozoni.

Amos 4:7

“So angba na ala nze ota titene ala to nda ti fâ ale ti kobe ti ala, mbi laa, mbi gbanzi ngu-Nzapa na ala. Mbi sara si ngu-Nzapa apika na mbeni gbata si na mbeni gbata, ngu ni apika pepe. Mbi sara si ngu-Nzapa apika na ndö ti mbeni yaka si mbeni yaka angba na holengo ni, ngbanga ti so ngu ayeke daa pepe.

Mishe 5:6

Fade azo ti Israel so ayeke ngba na fini na popo ti amara gbani gbani, ayeke ga tongana ngu ti pere so alondo na *KOTA GBIA; ala yeke ga tongana ngu-Nzapa so apika na ndö ti pere: ngu ni aku zo pepe, wala aku mbeni ye na maboko ti zo pepe.

Mishe 7:7

Me ti mbi, mbi yeke baa ndo na mbage ti *KOTA GBIA, mbi yeke ku Nzapa, wasongo mbi; fade Nzapa ti mbi ayeke ma mbi.

Matthieu 5:45

Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Ndia ti fani use ni 28:12

KOTA GBIA ayeke zi le ti nduzu, ndo so lo yeke bata ngu-Nzapa daa; lo yeke sara si ngu ni apika na ngoi ni na ndö ti sese ti ala, ti sara si aye so kue ala yeke sara aga nzoni. Fade ala yeke hunda yongo na maboko ti zo oko pepe; me ala laa ayeke mu yongo na gba ti azo ti amara nde.

Ndia ti fani use ni 32:21

Ala sara si mbanda ti mbi alondo na lege ti vorongo anzapa so ayeke taa Nzapa pepe; ala zia ngonzo na be ti mbi na lege ti ayanda ti ala. Mbi nga, mbi yeke sara si mbanda ti ala alondo na lege ti ye so ayeke taa mara pepe, mbi yeke zia ngonzo na be ti ala na lege ti mbeni mara so ahinga ndo pepe.