Jérémie 14:20 - Mbeti ti Nzapa - Tënë so amu fini

²⁰ KOTA GBIA, e hinga so e sara sioni; e hinga so akotara asara sioni. Biani, e sara siokpari so ake mo.

Jérémie 14:20 ပူးပေါင်းရင်းမြစ်များ

2 Samuel 12:13

David atene na Natan: “Mbi sara siokpari so ake KOTA GBIA awe.” Natan akiri tënë na David, atene: “KOTA GBIA azi siokpari na li ti mo awe; mo yeke kui pepe.

2 Samuel 24:10

Na peko ti so David adiko wungo ti azo, be ti lo apika kpu kpu kpu. Lo tene na *KOTA GBIA, lo tene: “Ye so mbi sara so ayeke sioni mingi. Mbi hinga, mbi tene, mbi sara ye tongana zo so li ti lo ayeke daa pepe. Fadeso, KOTA GBIA, mo zi siokpari so na li ti mbi, zo ti kua ti mo.”

Néhémie 9:2

Azo ti Israel azi tere ti ala si ala luti yamba na azo ti mara nde; azo ti Israel ni atene siokpari ti ala wani na gigi nga na ti akotara ti ala.

Mbeti ti Job 33:27

Lo yeke he bia na dawa ti azo kue, lo tene: “Mbi sara siokpari, mbi sara ye so ake ndia, me Nzapa asara na mbi alingbi na sioni so mbi sara so pepe.

Abia (Psaumes) 32:5

Me mbi fa na mo siokpari ti mbi, mbi honde sioni ti mbi pepe. Mbi tene: “Fade mbi yeke fa na KOTA GBIA asioni ti mbi.” Ti mo, mo zi na li ti mbi awe ngbanga ti siokpari ti mbi. Luti kete

Jérémie 14:7

“Tongana asioni ti e ayeke bi tënë na li ti e, ayeke nzoni KOTA GBIA, mo sara mbeni ye ndali ti iri ti mo. Biani, e zia mo fani mingi; e sara sioni so ake mo.

Jérémie 3:13

Gi ye oko: ayeke nzoni mo hinga sioni ti mo si! Hinga, mo tene, mo sara ngangu li na KOTA GBIA, Nzapa ti mo. Na gbe ti afini keke so kue kugbe ni ayeke gbani gbani, mo huru mo ti kâ, mo huru mo ti ge ti zia tere ti mo na anzapa ti awande. Mo ke ti ma yanga ti mbi; so tënë ti yanga ti KOTA GBIA laa.’ ”

Jérémie 3:25

Ayeke nzoni e lango na sese ndali ti kamene ti e, sarango ye ti buba ti e akanga ndö ti e, ngbanga ti so e na akotara ti e, e sara ye so ayeke sioni ti ke KOTA GBIA, Nzapa ti e; e sara ni ti londo na ngoi so e de molenge ngbii asi laso. E ma yanga ti KOTA GBIA, Nzapa ti e pepe.”

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Abia ti demango tere 1:20

KOTA GBIA, mo baa, pasi ti mbi ahon ndoni; akamba ti ya ti mbi kue ayeke do dongo; be ti mbi kue ayeke yingi yingingo, ngbanga ti so mbi sara ngangu li ahon ndoni. Kâ na gigi amolenge ti mbi akui; ge na ya ti da, gi kuâ na kuâ.

Abia ti demango tere 3:42

E yeke azo so ake lege ti mo, e yeke azo ti sarango ngangu li, nilaa mo zi tënë ni na li ti e pepe.

Abia ti demango tere 5:7

Akotara ti e asara ando siokpari, ala yeke daa mbeni pepe; me e laa e yo ngbanga ti asioni ti ala ni.

Daniel 9:15

“Kota Gbia Nzapa ti e, na lege ti ngangu ti maboko ti mo, mo sara si azo ti mo asigigi na sese ti Ezipte; nilaa iri ti mo awu ngbii asi laso. Me e ke yanga ti mo, e sara siokpari.

Amos 7:2

So agbadola ni ate apere ti ya ti kodro ni kue awe, mbi tene: “Kota Gbia NZAPA, mbi gbu gere ti mo, mo zi sioni ti azo ti mo maa! Fade Jacob alingbi ti gbu le ni? So lo ngba kete mingi so!”