Jérémie 14:19 - Mbeti ti Nzapa - Tënë so amu fini

¹⁹ “KOTA GBIA, mo ke Juda biani awe? Be ti mo ake *Sion awe? Ngbanga ti nyen si mo zia ka na tere ti e si ka ni amu pepe so? E baa ti e lani e tene, fade e yeke duti nzoni, me ye ti nzoni oko ayeke daa pepe. E yeke ku lani ngoi titene ka ti e amu, me kota mbeto laa aga.

Jérémie 14:19 ပူးပေါင်းရင်းမြစ်များ

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Mbeti ti Job 30:26

Biani, mbi zia be ti mbi lani ti ku nzoni dutingo, me ye ti vundu laa aga. Mbi yeke ku titene ndo ahan, me ndo avuko pitipiti.

Abia (Psaumes) 78:59

Nzapa ama tënë ni si ngonzo agbu lo, lo ke azo ti Israel biani.

Abia (Psaumes) 89:38

Mbata ni ayeke duti daa lakue tongana ti so nze aduti na peko ti ambinda si lo yeke baa aye kue so.” Luti kete

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Jérémie 12:7

“Mbi do da ti mbi, mbi zia awe; ye so ayeke ti mbi, mbi ke ni awe. Mara so mbi ye lo na be ti mbi kue, mbi zia lo na maboko ti awato ti lo awe.

Jérémie 12:8

Ye so ayeke ti mbi aga tongana mbeni bamara na ya ti gbako: lo dekongo ti ga na tere ti mbi. Nilaa fadeso, mbi ke lo awe.

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Jérémie 15:18

Ngbanga ti nyen laa pasi ti mbi ayeke hunzi pepe so? Ngbanga ti nyen laa ka ti mbi aye ti mu pepe so? A zia yoro daa gbaa so? Biani, mo ga tongana li ti ngu so ahanda mbi; na mbeni ngoi, ngu asi singo daa; na mbeni ngoi, ngu ni ahole; zo alingbi ti zia be ti lo daa pepe.

Jérémie 30:12

So tënë ti yanga ti KOTA GBIA laa: “Ka ti mo ayeke so mingi, ka ni ayeke mu oko pepe!

Jérémie 30:13

Zo oko ti gbu koko ti mo ayeke daa pepe, mbeni ngangu yoro ti kanga na ka ti mo ayeke daa pepe.

Jérémie 51:5

Biani, kodro ti ala asi singo na sioni so ala sara ti ke Nzapa ti Israel, lo so lo yeke nde si lo yeke nzoni kue. – Me Nzapa, KOTA GBIA so ayeke na ndö ti dunia kue, ado Israel na Juda azia ala pepe titene ala ga tongana wali-mua. –

Jérémie 6:30

A di iri ti azo ni, atene: “Wen ti nginza so abuba”, ngbanga ti so KOTA GBIA ake ala awe.

Jérémie 7:29

“Ala azo ti Juda, ayongoro kua ti li ti ala so afa atene, a zia ala nde ndali ti mbi so, ala kio ni, ala bi yongoro! Kâ na li ti ahoto so ndö ni ayeke senge, ala he bia ti totongo kuâ, ngbanga ti so *KOTA GBIA ake azo ti ngoi ti laso. Ala yeke azo so azia ngonzo na be ti lo; lo zia ala awe.

Jérémie 8:15

E yeke ku fade titene e duti na siriri, me mbeni nzoni ye oko ayeke daa pepe. E yeke ku fade mbeni ngoi titene kobela ti e akai, me gi kota mbeto laa aga.

Jérémie 8:22

Na sese ti Galaad, mafuta ti kai na kobela ayeke daa mbeni pepe? Awanganga ayeke kâ mbeni pepe? Ngbanga ti nyen si ka ti azo ti mbi ade ti mu pepe so?

Abia ti demango tere 2:13

Azo ti gbata ti Jérusalem, mbi yeke haka ala na azo wa so-oo? Tënë ti nyen si mbi yeke tene na ala ti de be ti ala na ni so-oo! Mawa na ala mingi, azo ti gbata ti Sion! Dutingo ti ala alingbi na ti azo wa so-oo? Akpale ti ala akono ahon ndoni; akono tongana kota ngu-ingo. Zo wa si ayeke ga ande ti kai akpale ni na tere ti ala so-oo?

Abia ti demango tere 2:22

Azo so alango nduru na mbi si mbeto ti ala agbu mbi mingi so, mo tisa ala ti ga na tere ti mbi, mo baa mo tene, azo na lango ti matanga. KOTA GBIA, na lango so ngonzo ti mo alondo, zo oko ti kpe ti soo kuâ ayeke daa pepe, zo oko ti ngba na fini ayeke daa pepe. Amolenge so mbi bata ala si ala kono na da ti mbi so, awato aga afâ ala, ahunzi ala kue!

Abia ti demango tere 4:17

Le ti e angba gi na lege ti ku; e baa ndo gbaa: zo ti ga ti mu maboko na e ayeke daa pepe. E ngba ti ku mbeni mara nde so alingbi ti ga ti soo e; andaa mara ni so alingbi ti soo e pepe.

Abia ti demango tere 5:22

Mo zia e biani biani awe? Mo yeke ngba ande ti sara ngonzo na e ahon ndoni tongaso?

Mishe 1:12

Azo ti gbata ti Marot ayeke do na mbeto ndali ti anzoni ye ti ala. Biani, ye ti sioni alondo na *KOTA GBIA, ague, asi na yanga ti gbata ti Jérusalem.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.