Jérémie 14:17 - Mbeti ti Nzapa - Tënë so amu fini

¹⁷ “Tënë so fade mo yeke tene na ala laa: Mbi ye titene ngu ti le ti mbi asua bi na lâ, akai pepe, ngbanga ti so mbeni kpale ati na ndö ti azo ti mbi so mbi ye ala tongana molenge ti mbi ti wali; ka ti ala ayeke mu oko pepe.

Jérémie 14:17 ပူးပေါင်းရင်းမြစ်များ

2 Agbia 19:21

Baa, tënë so KOTA GBIA atene na tere ti lo ayeke so: Pendere maseka-wali, gbata ti *Sion abaa mo tongana mbumbuse zo, lo yeke he mo na ngia. Pendere maseka-wali, gbata ti Jérusalem ayeke yingi li ti lo si ayeke he mo na peko ti mo.

Abia (Psaumes) 119:136

Ngu ti le ti mbi ayeke sua mingi, ngbanga ti so azo asara ye alingbi na ndia ti mo pepe.

Abia (Psaumes) 39:10

Mbi kai ti mbi awe, mbi yeke kiri ti tene tënë pepe, ngbanga ti so mo laa mo sara ye ni.

Ésaïe 37:22

Baa, tënë so KOTA GBIA atene na tere ti lo ayeke so: Pendere maseka-wali, gbata ti *Sion abaa mo tongana mbumbuse zo, lo yeke he mo na ngia. Pendere maseka-wali, gbata ti Jérusalem ayeke yingi li ti lo si ayeke he mo na peko ti mo.

Jérémie 10:19

“So mawa na mbi! So kota kpale ti nyen! Ka ti mbi ayeke hunzi pepe. Mbi tene lani na be ti mbi, mbi tene: Pasi ti mbi ni ayeke ngangu pepe, mbi yeke kanga be ti mbi daa senge.

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 18:13

Tongaso, tënë so *KOTA GBIA atene ayeke so: “Ala hunda ndo na popo ti amara nde: zo wa laa ama mara ti tënë tongaso na mê ti lo laoko, zo wa? Maseka-wali Israel asara kota ye ti buba.

Jérémie 8:18

Vundu ti be ti mbi ahon ndoni, yoro ni ayeke daa pepe; na ya ti be ti mbi kâ, mbi yeke baa pasi mingi.

Jérémie 8:21

Kota ka so azo ti mbi awara azia nga ka na be ti mbi. Vundu agbu mbi mingi si be ti mbi afun kue.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Jérémie 9:18

Na mbage ti *Sion, a yeke ma go ti mbeni zo so ayeke dema tere: “Ae, azo ahunzi e kue awe! So ye ti kamene na e titene e zia kodro ti e ti hon! So ye ti kamene na e so azo akungbi ada ti e kue na sese awe so!”

Abia ti demango tere 2:11

Mbi toto ngbii, le ti mbi avuko kue; akamba ti ya ti mbi ayeke do dongo. Tongana mbi baa akpale so asi na azo ti kodro ti mbi, mbi woko kue. Mbi baa akete molenge na ala so angba ti nyon me; ala woko kue si ala ti kirikiri na be ti lege ti gbata ni.

Abia ti demango tere 2:13

Azo ti gbata ti Jérusalem, mbi yeke haka ala na azo wa so-oo? Tënë ti nyen si mbi yeke tene na ala ti de be ti ala na ni so-oo! Mawa na ala mingi, azo ti gbata ti Sion! Dutingo ti ala alingbi na ti azo wa so-oo? Akpale ti ala akono ahon ndoni; akono tongana kota ngu-ingo. Zo wa si ayeke ga ande ti kai akpale ni na tere ti ala so-oo?

Abia ti demango tere 2:18

Gbagba ti Jérusalem, ayeke nzoni azo so ayeke na ya ti mo adekongo, ala toto na KOTA GBIA. Bi na lâ, ayeke nzoni ala kuku, ngu ti le ti ala asua tongana *bale; ala wu tere ti ala oko pepe, ala kai toto ti ala ni pepe.

Amos 5:2

Lo ti awe, Israel, maseka-wali so, lo yeke kiri ti londo pepe. Lo lango na sese na kodro ti lo wani, zo ti yo lo na nduzu ayeke daa pepe.

Mishe 6:13

Ndani laa, mbi pika ala sioni sioni si ala ti na kobela; mbi buba aye ti ala kue ndali ti asiokpari ti ala.