Jérémie 14:13 - Mbeti ti Nzapa - Tënë so amu fini

¹³ Mbi kiri tënë: “Ae Kota Gbia NZAPA, awayanga-Nzapa atene na azo ni, atene: ‘Fade bira na nzara ayeke si na ala pepe. Me Nzapa ayeke mu na ala taa siriri na ndo so.’ ”

Jérémie 14:13 ပူးပေါင်းရင်းမြစ်များ

Ésaïe 56:10

Asanziri ti Israel kue ayeke awaziba, ala hinga ye oko pepe. Ala yeke ambo so ayeke buburu, ala lingbi ti dekongo pepe. Ala yeke lango na sese, ala yeke baa li ti ala; ala ye gi ti lango.

Jérémie 1:6

Mbi kiri tënë, mbi tene: “Ae, Kota Gbia NZAPA, mbi de maseka mingi; mbi hinga ti tene tënë pepe.”

Jérémie 20:6

Ti mo Pashehur, mo na azo ti da ti mo kue, fade a yeke gbu ala ti gue na ala na Babilone. Mo yeke kui kâ si a yeke lu mo kâ, mo na amba ti mo so kue mo mu tënë ti mvene ti tene peko ti yanga ti Nzapa na ala so.’ ”

Jérémie 23:17

Awayanga-Nzapa ni ayeke tene lakue na azo so ayeke he mbi, atene: ‘KOTA GBIA atene: Ti ala, fade ye kue ayeke tambula nzoni!’ Ala yeke tene na azo so ayeke sara ye gi na lege ti ngangu li ti ala wani, atene: ‘Fade mbeni sioni ye ayeke si na ala pepe’.

Jérémie 37:19

Awayanga-Nzapa ti ala so lani ayeke tene peko ti tënë ti yanga ti Nzapa na ala, atene: ‘Gbia ti Babilone ayeke ga ti tiri bira na ala pepe, lo yeke tiri nga bira na kodro so pepe’, ala yeke fadeso na ndo wa?”

Jérémie 4:10

Tongaso mbi tene: ‘Ae Kota Gbia NZAPA! Biani, mo handa azo ti kodro so awe; mo handa nga azo ti Jérusalem, mo tene: Ala yeke duti na siriri! Andaa gi zeme laa ayeke na go ti e!’ ”

Jérémie 5:12

Azo ti Juda abere tënë ti KOTA GBIA, ala tene: “Lo yeke daa lawa! Fade mbeni ye ti sioni ayeke wara e pepe; bira wala nzara ayeke si na e pepe.

Jérémie 5:13

Awayanga-Nzapa ayeke ga gi pupu senge! Nzapa laa ayeke tene tënë na lege ti ala pepe. Ayeke nzoni aye so ala yeke fa asi na ala wani.”

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Jérémie 6:14

Ye ti ngangu asi na azo ti mbi tongana kota ka; me ala kanga ka ni na legeni pepe si ala yeke tene: ‘Ye kue ayeke nzoni! Ye kue ayeke nzoni!’ Andaa ye ayeke nzoni oko pepe.

Jérémie 8:11

Ye ti ngangu asi na azo ti mbi tongana kota ka; me ala kanga ka ni na legeni pepe si ala yeke tene: ‘Ye kue ayeke nzoni! Ye kue ayeke nzoni!’ Andaa ye ayeke nzoni oko pepe.

Ezekiel 12:24

Aye so azo abaa na ya ti mbeni ye tongana bango-li si ayeke mvene, wala bango nda ti aye ti handango na azo ayeke kiri ti duti na popo ti azo ti Israel pepe.

Ezekiel 13:22

Na lege ti mvene ti ala, awali ni, ala sara si be ti azo ti mbirimbiri awoko, ataa so mbi laa mbi zia vundu na be ti azo ti mbirimbiri ni pepe. Ala mu ngangu na be ti azo ti sioni si ala lingbi ti zia lege ti sioni ti ala pepe ti ngba na fini.

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

2 Pierre 2:1

Ando, awayanga-Nzapa ti mvene ayeke na popo ti azo ti Israel. Legeoko nga, fade ambeni wafango-ye ti mvene ayeke duti na popo ti ala, a-ita. Na lege ti mayere, azo ni so ayeke ga na ambeni fango ye ti mvene so ayeke gue na zo na kuâ. Azo ni so ayeke gue ngbii ti ke tënë ti Gbia so asoo ala; sarango ye ti ala ayeke bi ala gi hio tongaso na ya ti kpale so ayeke mingo ala.