Jérémie 13:17 - Mbeti ti Nzapa - Tënë so amu fini

¹⁷ Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 13:17 ပူးပေါင်းရင်းမြစ်များ

Abia (Psaumes) 119:136

Ngu ti le ti mbi ayeke sua mingi, ngbanga ti so azo asara ye alingbi na ndia ti mo pepe.

Abia (Psaumes) 80:1

Bia ti Asaf; bia so ayeke ndali ti makonzi-bia. A he ni na kundi.

Ésaïe 63:11

Tongaso, azo ti lo adabe ti ala na ngoi ti giriri, ngoi so Moïse ayeke ando na ala: “Lo so lo sara si azo ti lo so ayeke tongana ataba ti lo nga na amakonzi ti ala afâ kota ngu-ingo si ala sigigi so, lo yeke na ndo wa? Lo so ando lo zia yingo ti lo so ayeke nde si ayeke nzoni kue na popo ti azo ti lo so, lo yeke na ndo wa?

Jérémie 14:17

“Tënë so fade mo yeke tene na ala laa: Mbi ye titene ngu ti le ti mbi asua bi na lâ, akai pepe, ngbanga ti so mbeni kpale ati na ndö ti azo ti mbi so mbi ye ala tongana molenge ti mbi ti wali; ka ti ala ayeke mu oko pepe.

Jérémie 15:17

Mbi duti pepe na ya ti bongbi ti azo ti hengo ndo titene mbi na ala, e sara ngia. Me mo gbu mbi na ngangu awe si mbi duti gi mbi oko yamba, ngbanga ti so mo sara si be ti mbi aso ahon ndoni.

Jérémie 17:16

KOTA GBIA, mbi laa mbi pusu mo titene mo bi kpale na sese pepe. Mbi ye pepe titene lango ti kota kpale tongaso asi, mo hinga kue. Tënë so asigigi na yanga ti mbi, ni laa ayeke na le ti mo so.

Jérémie 22:5

Me tongana ala, azo ti Juda, ala ma tënë so pepe – mbi KOTA GBIA, mbi deba na iri ti mbi wani – fade yangbo so ayeke ga ndo ti gba ti atêne; so tënë ti yanga ti KOTA GBIA laa.”

Jérémie 23:1

“So mawa! Awabatango-taba azia ataba ti mbi, ala yeke kui si ala yeke kangbi kirikiri!” So tënë ti yanga ti *KOTA GBIA laa.

Jérémie 23:2

Ndani laa, tënë so KOTA GBIA, Nzapa ti Israel atene ndali ti awabatango-taba ni ayeke so; so ti tene ala so ayeke bata azo ti mbi so: “Ala zia ataba ti mbi akangbi kirikiri awe, ala tumba ataba ni, ala baa lege ti ala pepe. Ti mbi, mbi yeke baa lege ti ala, awabatango-taba ni, ndali ti asioni sarango ye ti ala; so tënë ti yanga ti KOTA GBIA laa.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Abia ti demango tere 1:16

Ndali ti aye ti kpale so, mbi yeke toto. Ngu ti le ti mbi ayeke yuru, ayeke yuru. Zo ti de be ti mbi, zo so ayeke kiri ngangu na mbi so, lo hon yongoro na tere ti mbi awe. Amolenge ti mbi ti koli akiri angba zo pepe, awato ahon ndö ti e na ngangu awe!

Abia ti demango tere 1:2

Na bi, gi toto na toto ngbii ndo ahan. Ngu ti le ayeke sua na tere ti ngbangba ti lo. Na popo ti azo so aye lo lani mingi so, mbeni zo ti de be ti lo ayeke daa pepe. Amba ti lo kue akiri aka lo awe: ala ga awato ti lo.

Abia ti demango tere 1:9

Sioni ti lo avuko yanga ti bongo ti lo. Ye ni so asi fade na lo so, lo gbu li ti lo na ndö ni kozoni pepe. Gbata ti Jérusalem ati ngangu; mbeni zo ti de be ti lo ayeke daa pepe. Lo tene: “KOTA GBIA, baa mbi ga buba ahon ndoni! Mo baa, wato ayeke hon ndö ti mbi.”

Abia ti demango tere 2:18

Gbagba ti Jérusalem, ayeke nzoni azo so ayeke na ya ti mo adekongo, ala toto na KOTA GBIA. Bi na lâ, ayeke nzoni ala kuku, ngu ti le ti ala asua tongana *bale; ala wu tere ti ala oko pepe, ala kai toto ti ala ni pepe.

Abia ti demango tere 3:48

Ngu ti le ti mbi ayeke yuru gbani gbani ndali ti kpale so asi na azo ti mbi.

Ezekiel 24:16

“*Molenge ti zo, wali so anzere na le ti mo so, mbi yeke zi fini ti lo gi biaku tongaso. Me fade mo yeke toto kuâ ti lo pepe, mo yeke dema tere ti mo pepe, ngu ti le ti mo ayeke yuru pepe.

Ezekiel 34:31

“Ala azo, ala yeke ataba ti mbi, ataba so mbi yeke mu na ala kobe. Biani, mbi yeke Nzapa ti ala. So tënë ti yanga ti Kota Gbia NZAPA laa.”

Ezekiel 36:38

Ando, na ngoi ti akota matanga, anyama ti mungo na *sandaga asi singo na Jérusalem; a yeke ga na ala na lege ti bongbi ti ala. Agbata so abuba ando, gba ti azo ayeke kiri ti si singo na ya ni legeoko tongana anyama ni. Tongaso, fade azo ayeke hinga atene, mbi laa mbi yeke KOTA GBIA.”

Ezekiel 9:4

lo tene na lo: “Mo tambula na ya ti gbata ti Jérusalem kue. Ambeni zo ayeke na ya ti gbata ni so ayeke dema si ayeke toto ndali ti asioni ye so azo ayeke sara na ya ti gbata ni si zo alingbi ti baa na le ti lo fani use pepe so. Fade mo yeke su mbeni nzoroko na ndö ti le ti ala.”

Malashii 2:2

Tënë so *KOTA GBIA so ayeke na ndö ti dunia kue atene laa: “Tongana ala ma tënë ti mbi pepe, tongana ala sara si tënë ti nengo mbi agbu be ti ala pepe, fade mbi yeke deba ala si tufa so mbi ye ti sara na ndö ti ala, mbi yeke sara titene akiri aga deba. Biani, fade mbi yeke deba ala, ngbanga ti so tënë ti gbotongo mê so mbi gboto mê ti ala agbu be ti ala pepe.

1 Samuel 15:11

“Be ti mbi aso ndali ti so mbi sara si Saul aga gbia. Biani, lo ke mbi awe si lo ke ti ma yanga ti mbi.” Li ti Samuel aga kirikiri si lo sambela KOTA GBIA na bi ni kue.

1 Samuel 15:35

Samuel akiri abaa Saul pepe ngbii si lo kui. Samuel asara mawa ndali ti Saul. Me ti KOTA GBIA, be ti lo aso, ngbanga ti so lo sara si Saul aga gbia ti Israel.