Jérémie 11:21 - Mbeti ti Nzapa - Tënë so amu fini

²¹ Ndani laa, tënë so KOTA GBIA atene na tere ti azo ti Anatot, azo so aye ti fâ mbi si ala tene: “Mo zia ti tene peko ti tënë ti yanga ti KOTA GBIA; tongaso pepe, fade e yeke fâ mo.”

Jérémie 11:21 ပူးပေါင်းရင်းမြစ်များ

Ésaïe 30:10

Ala tene na azo ti bango nda ti aye, atene: “Ala baa ye pepe!” Ala tene na awayanga-Nzapa: “Ala tene na e taa-tënë pepe, me gi anzerengo tënë; ala tene na e gi ye so anzere na be ti e, ataa ye ni ayeke mvene.

Jérémie 1:1

So ayeke atënë ti Jérémie, molenge ti Hilkia. Lo yeke mbeni oko na popo ti awayango-sandaga so ayeke lango na Anatot, na sese ti Benjamin.

Jérémie 1:19

Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 26:8

So Jérémie ahunzi ti tene atënë so KOTA GBIA amu yanga na lo ti tene na azo so kue awe, awayango-sandaga, awayanga-Nzapa na azo kue agbu lo si ala tene: “Mo lingbi na kuâ!

Jérémie 32:7

‘Fade ita ti mo Hanameel, molenge ti Shalum, ita ti babâ ti mo ayeke ga ti baa mo ndali ti yaka so lo yeke na ni na Anatot. Lo yeke hunda na mo ti vo yaka ni, ngbanga ti so mo laa mo yeke mbeni zo ti sewa ti lo so popo ni ayo pepe; tënë ti vongo yaka ni titene aga ti mo abaa mo kozoni.’

Jérémie 34:20

fade mbi yeke zia ala na maboko ti awato ti ala, azo so aye gi kuâ ti ala. Kuâ ti ala ayeke ga kobe ti andeke ti nduzu na ti anyama ti sese.

Amos 2:12

Me azo so adeba yanga ti ala ti nyon vin pepe, ngbanga ti so ala mu tere ti ala kue na mbi, ala azo ti Israel, ala mu vin na azo ni ti nyon. Ala kanga lege na awayanga-Nzapa ti tene peko ti atënë ti yanga ti mbi.

Mishe 7:6

Biani, molenge-koli ayeke iri babâ ti lo zo ti gbogbolinda, molenge-wali ayeke ga wato ti mama ti lo, wali ayeke ga wato ti mama ti koli ti lo; wato ti zo oko oko ayeke azo ti da ti lo wani.

Matthieu 10:21

Fade azo ayeke mu a-ita ti ala titene azo afâ ala; babâ ayeke mu nga molenge ti lo titene azo afâ lo; amolenge ayeke ga wato ti babâ na mama ti ala ti mu ala titene azo afâ ala.

Matthieu 21:35

Me azo ti fango yaka ni agbu azo ti kua ti lo ni, ala pika mbeni oko, ala fâ mbeni si ala bo mbeni na têne.

Matthieu 22:6

Ambeni agbu azo ti kua ti gbia ni, apika ala si afâ ala.

Nzoni Tënë so Luc asu na mbeti 4:24

Jésus akiri atene: “Mbi tene na ala taa-tënë: azo ayeke yamba wayanga-Nzapa pepe na gbata so a du lo daa.