Jérémie 11:14 - Mbeti ti Nzapa - Tënë so amu fini

¹⁴ Ti mo Jérémie, mo sambela ndali ti azo so pepe, mo sambela wala mo voro tere ti mo na mbi ndali ti ala pepe, ngbanga ti so fade mbi yeke ma ni pepe, tongana ye ti ngangu asi na ala si ala iri mbi ti mu maboko na ala.”

Jérémie 11:14 ပူးပေါင်းရင်းမြစ်များ

Abia (Psaumes) 66:18

Tongana mbi bata fade sioni ye na be ti mbi, ka Kota Gbia ama mbi pepe.

Sigingo 32:10

Fadeso, zia mbi! Ngonzo ti mbi ayeke londo na tere ti ala tongana wâ si mbi yeke hunzi ala kue. Na pekoni, mbi yeke sara titene mbeni kota mara abaa gigi na lege ti mo.”

Jérémie 11:11

“Ndani laa, tënë so KOTA GBIA atene ayeke so: ‘Fade mbi yeke sara si mbeni kota kpale aga na ndö ti ala; kota kpale so ala lingbi ti sigigi na ya ni pepe. Ala yeke dekongo ti iri mbi, me mbi yeke ma ala pepe.

Jérémie 14:11

KOTA GBIA atene na mbi: “Mo sambela mbi ndali ti nzoni ti azo so pepe.

Jérémie 14:12

Ataa ala ke kobe, fade mbi yeke ma dema ti ala pepe. Ataa ala ya na mbi asandaga so a yeke gbi ni kue na wâ nga na asandaga ti ale ti kobe, ayeke nzere na be ti mbi pepe. Me mbi yeke hunzi ala na lege ti bira, na lege ti nzara nga na lege ti sioni kobela ti bubango kodro.”

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Jérémie 7:16

“Jérémie, mbi ye titene mo sambela ndali ti azo so pepe. Mo toto wala mo voro tere ti mo na mbi ndali ti ala pepe; mo ngba ti sambela mbi ndali ti ala pepe, ngbanga ti so fade mbi yeke ma mo pepe.

Osée 5:6

Fade ala yeke mu ataba ti ala na abagara ti ala ti gue ti gi KOTA GBIA, me ala yeke wara lo pepe; KOTA GBIA azi tere ti lo na ala awe.

Zakarii 7:13

Nilaa KOTA GBIA so ayeke na ndö ti dunia kue, atene: “So lani mbi iri ala si ala ke ti ma so, mbi nga, ala iri mbi si mbi ke ti ma ala.

Malashii 2:13

Mbeni use ye so ala yeke sara ni ayeke so: ala sara si ngu ti le ti ala amu ndö ti gbalaka ti KOTA GBIA kue. Ala yeke dema tere ti ala si ala yeke toto, ngbanga ti so aye so ala yeke mu na KOTA GBIA so, lo kiri lo baa ni na nzoni le pepe, lo kiri lo yamba ni na nzoni be pepe.

1 Jean 5:16

Tongana mbeni zo abaa ita ti lo na sarango siokpari, mbeni siokpari so ague na lo na kuâ pepe, alingbi lo sambela si fade Nzapa amu fini na ita ti lo so. Tënë so ayeke ndali ti azo so ayeke sara siokpari so ague na zo na kuâ pepe. Mbeni siokpari ayeke daa so ayeke gue na zo na kuâ, mara ti siokpari so laa mbi hunda na ala ti sambela ndali ni pepe.