Jérémie 11:13 - Mbeti ti Nzapa - Tënë so amu fini

¹³ Biani, ala azo ti Juda, ala yeke na anzapa gbani gbani alingbi na wungo ti agbata ti ala. Kâ na Jérusalem, ala yeke na agbalaka gbani gbani ndali ti Kamene alingbi na wungo ti abalabala ti ya ti gbata ni, agbalaka so ala yeke ya *sandaga na ndö ni na *Baal.’

Jérémie 11:13 ပူးပေါင်းရင်းမြစ်များ

2 Agbia 23:13

Ando so azo aleke na ndö ti ahoto si ayeke baa le na Jérusalem, na mbage ti Mbongo, gbia asara si aga *sioni. Salomon, gbia ti Israel asara ando ni ndali ti Astarte, fungo nzapa-wali ti azo ti Sidon. Salomon asara nga ni ndali ti Kemosh, fungo nzapa ti azo ti Moab, ndali ti Milkom, fungo nzapa ti azo ti Amon.

2 Mbai 28:25

Na ya ti agbata oko oko kue ti Juda, lo leke ando na ndö ti ahoto titene lo zö dukani daa na anzapa nde. Na sarango ye tongaso, lo zia ngonzo mingi na be ti KOTA GBIA, Nzapa ti akotara ti lo.

Ésaïe 2:8

Ayanda asi singo na ya ti kodro ni. Azo ayeke kuku ti voro ye so maboko ti ala wani asara; ala yeke kuku na gbe ti ye so maboko ti ala wani aleke.

Jérémie 11:17

KOTA GBIA so ayeke na ndö ti dunia kue laa alu keke ni. Ti fadeso, lo yeke iri kpale na ndö ti lo ndali ti sioni so azo ti Israel na azo ti Juda asara. Biani, ala zia ngonzo na be ti KOTA GBIA na lege so ala ya asandaga na *Baal.

Jérémie 17:1

“Tongana ti so a yeke de mbeti na wen na tere ti têne, wala na diaman so li ni ayeke tongana ti pondi, a su siokpari ti azo ti Juda legeoko tongaso na ndö ti be ti ala nga na tere ti adidi ti agbalaka ti ala.

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Jérémie 19:4

Biani, azo ti Juda ado mbi, azia awe; ala buba ndo so kue awe, zo alingbi ti hinga ni mbeni pepe: na ndo ni so, ala zö dukani na ambeni nzapa nde. Ataa ala wani, ataa akotara ti ala, ataa agbia ti Juda ahinga anzapa ni so kozoni pepe. Ala sara si ndo ni asi singo na mene ti azo so tënë ayeke na li ti ala pepe.

Jérémie 19:5

Ala leke mbeni ndo na li ti hoto ndali ti *Baal. Kâ, ala yeke gbi amolenge ti ala na wâ ti mu na *sandaga. Andaa, so ayeke mbeni ye so mbi mu yanga laoko pepe titene ala sara ni, mbi tene tënë tongaso oko pepe, mbeni tënë tongaso aga na li ti mbi laoko pepe.

Jérémie 2:28

Fade mbi yeke kiri tënë na ala, mbi tene: ‘Anzapa ti ala so ala leke ala so ayeke na ndo wa? Tongana ye ti ngangu asi na ala, ayeke nzoni anzapa ni aga asoo ala ma! Biani, ala azo ti Juda, ala yeke na anzapa gbani gbani alingbi na wungo ti agbata ti ala.’

Jérémie 3:24

Ti londo na ngoi so e de molenge ngbii asi laso, Kamene ate aye ti peko ti kua ti akotara ti e kue: ataba ti ala na abagara ti ala, amolenge ti ala ti koli nga na ti wali.

Jérémie 3:25

Ayeke nzoni e lango na sese ndali ti kamene ti e, sarango ye ti buba ti e akanga ndö ti e, ngbanga ti so e na akotara ti e, e sara ye so ayeke sioni ti ke KOTA GBIA, Nzapa ti e; e sara ni ti londo na ngoi so e de molenge ngbii asi laso. E ma yanga ti KOTA GBIA, Nzapa ti e pepe.”

Jérémie 32:35

Na popo-hoto ti Hinom, ala leke ndo na li ti ahoto ndali ti Baal. Kâ, ala yeke gbi amolenge ti ala ti koli na ti wali na wâ ti mu na sandaga na nzapa Molek. Mbi mu yanga na ala laoko pepe ti sara ye tongaso! Mara ti ye tongaso aga na li ti mbi laoko pepe. Na sarango mara ti sioni ye tongaso, so zo alingbi ti baa na le ti lo fani use pepe so, ala pusu azo ti Juda ti sara sioni.

Jérémie 44:21

“Na ya ti agbata ti Juda nga na ndö ti abalabala ti Jérusalem, ala mu ando asandaga so awe, ala na ababâ ti ala, agbia ti ala, akota zo ti ala na azo ti kodro ni kue; so mvene laa? Ala baa ti ala atene, KOTA GBIA ahinga tënë ni pepe? Be ti lo ati daa pepe?

Jérémie 44:5

Me ala ma pepe, ala dingi mê ti ala ti ma ni pepe; ala zia pepe lege ti sioni sarango ye ti ala, ala zia pepe lege ti mungo asandaga na anzapa nde.

Jérémie 48:35

“Azo so kue ayeke na Moab si ayeke gue na ndö ti ahoto ti ya asandaga so a yeke gbi ni kue na wâ na anzapa ti ala, fade mbi yeke hunzi ala kue”; so tënë ti yanga ti KOTA GBIA laa.

Jérémie 7:9

So nyen! Ala yeke nzi, ala yeke fâ azo, ala yeke lango na akoli wala awali ti amba ti ala. Ala yeke de aba ti mvene, ala yeke zö dukani na *Baal, ala yeke mu peko ti anzapa so ala hinga ala kozoni pepe.

Ezekiel 16:24

Mo sara mbeni *koto ti sese, mo sara mbeni ndo na nduzu na ndo so kue azo ayeke bongbi daa.

Osée 10:1

Israel ayeke tongana keke ti *vinye so ayeke le ando mingi. So ale ti keke ti lo ayeke wu mingi, lo yeke sara si agbalaka akiri awu mingi; so sese ti lo ayeke pendere mingi, lo yeke sara si angbongboro têne so a leke si aluti na nduzu akiri aga pendere mingi.

Osée 12:11

Mbi tene tënë na awayanga-Nzapa, mbi sara si ala baa aye mingi na ya ti mbeni ye tongana bango-li. Na lege ti awayanga-Nzapa, mbi tene tënë na lege ti atoli.

Osée 9:10

KOTA GBIA atene: “Ando, mbi wara Israel tongana nzerengo ale ti *vinye na benyama. Mbi wara akotara ti ala tongana akozo nzoni le ti keke so asigigi na li ti keke ti fige. Me so akotara ti ala asi na Bet-Peor awe, ala mu tere ti ala kue na *Baal, nzapa ti kamene. Nilaa ala ga sioni mingi tongana anzapa so ala ye tënë ti ala so.