Jérémie 11:10 - Mbeti ti Nzapa - Tënë so amu fini

¹⁰ Sioni so akotara ti ala asara ando so, gi ni laa ala kiri daa. Akotara ti ala ni ake ti ma atënë ti mbi; ala kpe na peko ti anzapa nde ti voro ala. Azo ti Israel na azo ti Juda abuba ya ti mbuki so mbi na akotara ti ala, e sara ni.

Jérémie 11:10 ပူးပေါင်းရင်းမြစ်များ

Abia (Psaumes) 78:57

Tongana ti so akotara ti ala asara, ala mu mbeni sioni lege, ala zia lege ti Nzapa, ala yeke tongana kokora so aba bango, so zo alingbi ti zia be ti lo na ndö ni pepe.

Ésaïe 24:5

Azo so alango na ndö ti sese asara si sese ni aga sioni, ngbanga ti so ala do andia na gbe ti gere ti ala, ala sanze atënë ti ndia, ala ke tënë ti *mbuki so abongbi ala na Nzapa lakue lakue.

Jérémie 13:10

Ala yeke mara ti asioni zo so ake ti ma tënë ti mbi. Ala ngba ti sara gi ye so be ti ala afa na ala; ala mu peko ti anzapa nde ti sara na ala, ti kuku ti kpo li ti ala na sese na dawa ti ala. Ayeke nzoni ala ga tongana kamba ti ndö ti bongo so mbeni ye ti sara na ni ayeke daa pepe!

Jérémie 17:23

Ti akotara ti ala ni, ala ma mbi pepe, ala dingi mê ti ala ti ma mbi pepe. Ala sara ngangu li, ala ke ti ma tënë si ala ke awango ti mbi.

Jérémie 22:9

Tongaso, fade a yeke kiri tënë na ala: ‘Ayeke ndali ti so azo ti gbata ni abuba ya ti *mbuki so ala na KOTA GBIA Nzapa ti ala asara: ala kuku na gbe ti anzapa nde ti voro ala.’ ”

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Jérémie 44:16

“Ataa so mo tene tënë so na e na iri ti *KOTA GBIA, e ye ti ma mo pepe.

Jérémie 44:5

Me ala ma pepe, ala dingi mê ti ala ti ma ni pepe; ala zia pepe lege ti sioni sarango ye ti ala, ala zia pepe lege ti mungo asandaga na anzapa nde.

Jérémie 7:28

Tongaso, fade mo yeke tene na ala, mo tene: Ala yeke azo ti mara so ama yanga ti KOTA GBIA, Nzapa ti ala pepe; ala ke ti ma wango. Taa-tënë ayeke mbeni pepe; zo ti tenengo taa-tënë ayeke daa mbeni pepe.”

Jérémie 9:6

Ndani laa, tënë so KOTA GBIA so ayeke na ndö ti dunia kue atene ayeke so: “Mbi yeke kporo ala na ya ti wâ ti zi sioni ti ala tongana ti so a yeke kporo wen; mbi yeke tara be ti ala. Nyen laa mbi yeke sara na azo ti mbi, nyen?

Ezekiel 16:59

“Biani, tënë so mbi Kota Gbia NZAPA, mbi tene ayeke so: Mo baa dengo ba ti yanga ti mo tongana mbumbuse ye si mo buba lege ti *mbuki ti mbi na mo. Ndani laa, fade mbi yeke sara na mo alingbi na ye so mo sara.

Ezekiel 44:7

Na ndembe so ala ga ti mu na mbi kobe so ayeke ti mbi, mafuta nga na mene ti anyama so a mu na *sandaga, ala mu lege na awande so afâ *ganza pepe si ala fâ ganza ti be pepe ti li na ndo so a zia ni nde ndali ti mbi. Na sarango ye tongaso, ala sara si kota da ti mbi aga *sioni. Na lege ti asarango ye ti ala so zo alingbi ti baa na le ti lo fani use pepe so, ala buba ya ti *mbuki so abongbi mbi na ala.

Ezekiel 5:6

Me azo ti gbata ni ake ti sara ye alingbi na atënë ti ndia ti mbi nga na aye so mbi fa. Ala kiri asara aye ti sioni ahon azo ti amara nde nga na azo ti akodro so angoro ala. Biani, ala bi atënë ti ndia ti mbi na ngonda, ala sara ye alingbi na aye so mbi fa pepe.

Osée 6:4

KOTA GBIA akiri tënë na ala: “Mo Efraim, fade mbi yeke sara nyen na mo? Mo Juda, fade mbi yeke sara nyen na mo? Yengo so ala ye na mbi ayeke tongana mbinda ti ndaperere, ayeke tongana ngu ti pere ti ndaperere so ayeke hon hongo.

Osée 6:7

“Me ti ala, na ya ti gbata ti Adam, ala buba ya ti *mbuki ni awe. Kâ si ala ka mbi.

Osée 7:16

Tongana ala yeke kiri, ala yeke kiri na mbage ti mbi pepe. Ala yeke tongana kokora so aba bango. Fade amakonzi ti ala ayeke kui na ya ti bira ndali ti sioni yanga ti ala; ye so ayeke sara si azo ayeke he ala na ngia na sese ti Ezipte.”

Awayango-sandaga 26:15

tongana ala ke andia ti mbi, tongana ala ke lege ti asarango ye so mbi fa na ala si ala sara ye alingbi na atënë ti yanga ti mbi pepe, tongana ala buba ya ti mbuki ti mbi,

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Zakarii 1:4

Ala sara ye tongana ti akotara ti ala pepe. Ando, akozo wayanga-Nzapa afa tënë ti mbi na akotara ti ala ni, atene: Tënë so KOTA GBIA so ayeke na ndö ti dunia kue atene ayeke so: ‘Ala zia ngbene lege ti sarango ye ti ala, ala zia asioni sarango ye ti ala.’ Me ala ma pepe, ala ma yanga ti mbi pepe; so tënë ti yanga ti KOTA GBIA laa.

Zakarii 7:11

Me azo ni ake ti ma tënë ni; ala sara ngangu li, ala kanga mê ti ala titene ala ma ndo pepe.

Zakarii 7:13

Nilaa KOTA GBIA so ayeke na ndö ti dunia kue, atene: “So lani mbi iri ala si ala ke ti ma so, mbi nga, ala iri mbi si mbi ke ti ma ala.

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

Ndia ti fani use ni 9:7

Moïse atene: Ala azo ti Israel, alingbi ala dabe ti ala na ye so: ala zia lani ngonzo na be ti *KOTA GBIA Nzapa ti ala na benyama. Alingbi be ti ala agirisa na ni laoko pepe! Ti londo na lango so ala sigigi na Ezipte si ala ga ngbii asi ge so, ala tomboka na tere ti KOTA GBIA lakue.

Ahebro 8:9

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Kota Gbia atene: Akotara ti ala angba na ya ti mbuki ni pepe, nilaa mbi nga, mbi do ala, mbi zia.

Awafango-ngbanga 2:11

Azo ti Israel asara ye so ayeke sioni na le ti *KOTA GBIA: ala voro anzapa *Baal.

Awafango-ngbanga 2:17

Me azo ti Israel ama yanga ti awafango-ngbanga ti ala ni pepe. Biani, ala kuku akpo li ti ala na gbe ti anzapa nde. Gi hio tongaso, ala zia lege so akotara ti ala atambula ando daa; ambeni kotara ti ala ayeke azo so abata ndia ti KOTA GBIA; sarango ye ti ala akpa ti akotara ti ala ni pepe.

Awafango-ngbanga 2:19

Me tongana wafango-ngbanga ni akui awe, ala kiri asara ye ti sioni mingi ahon ti akotara ti ala. Ala yeke gue na peko ti ambeni nzapa nde ti sara na ala, ala yeke kuku akpo li ti ala na sese na dawa ti anzapa ni. Ala zia asioni sarango ye ti ala wala ngangu li ti ala oko pepe.

1 Samuel 15:11

“Be ti mbi aso ndali ti so mbi sara si Saul aga gbia. Biani, lo ke mbi awe si lo ke ti ma yanga ti mbi.” Li ti Samuel aga kirikiri si lo sambela KOTA GBIA na bi ni kue.