Jérémie 10:18 - Mbeti ti Nzapa - Tënë so amu fini

¹⁸ Biani, tënë so KOTA GBIA atene ayeke so: “Ti fadeso, mbi yeke bi azo ti kodro ni yongoro, tongana ti so a yeke bi ye na *mvingi; mbi yeke pete ala mbage na mbage si ala kpe ahon pepe.”

Jérémie 10:18 ပူးပေါင်းရင်းမြစ်များ

Ésaïe 22:17

Mo koli-ngangu so, fade *KOTA GBIA ayeke bi mo yongoro, lo yeke kanga mo tongana gba

Jérémie 16:13

Ndani laa, mbi yeke tumba ala na kodro so ti bi ala na ya ti mbeni kodro nde so ala hinga ni pepe; ataa akotara ti ala ahinga kodro ni so pepe. Kâ, bi na lâ, fade ala yeke voro anzapa nde. Biani, mbi yeke sara nzoni be na ala oko pepe.’ ”

Jérémie 22:26

Mo na mama ti mo, mbi yeke bi ala na ya ti mbeni kodro so a du ala daa pepe; fade ala yeke kui kâ.

Jérémie 23:20

Ngonzo ti KOTA GBIA ayeke kai ande pepe ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Ezekiel 6:10

Fade ala yeke hinga atene, mbi yeke KOTA GBIA. Tongana mbi tene tënë ti sarango mara ti sioni tongaso na ala, andaa mbi tene tënë ni senge pepe.”

Sofonii 1:17

“Fade mbi yeke sara titene ye ti ngangu aga na ndö ti azo, ala yeke tatara ndo tongana awaziba, ngbanga ti so ala sara siokpari ti ke mbi KOTA GBIA. Fade a yeke tuku mene ti ala tongana fuku ti sese, a yeke tuku kuâ ti ala tongana zende.”

Zakarii 1:6

Me atënë ti mbi na ambela ti mbi so mbi zia na yanga ti awayanga-Nzapa, azo ti kua ti mbi, ti tene na ala so, atënë ni andu akotara ti ala. Nilaa, akotara ti ala akiri na mbage ti mbi si ala yeda, atene: ‘KOTA GBIA so ayeke na ndö ti dunia kue aleke lani na be ti lo ti sara ye na e alingbi na lege ti dutingo ti e nga na asarango ye ti e. Ye so lo sara na e laa.’ ”

Ndia ti fani use ni 28:52

Azo ni ayeke ngoro ala na bira na ya ti agbata kue ti kodro so KOTA GBIA Nzapa ti ala ayeke mu na ala. Azo ni ayeke tiri na ala ngbii ayongoro ngangu gbagba ti ala so ala zia be ti ala na ndö ni so akungbi na sese.

1 Samuel 25:29

Mbeni zo alondo ti tumba peko ti mo, babâ ti mbi ti fâ mo. Me fade KOTA GBIA, Nzapa ti mo ayeke honde fini ti mo na ya ti bozo ti bata ni na tere ti lo. Lo yeke bi awato ti mo tongana ti so a yeke zia têne na ya ti *mvingi si a yeke bi ni so.