Jérémie 10:15 - Mbeti ti Nzapa - Tënë so amu fini

¹⁵ Ala yeke asenge senge ye, ala yeke aye so azo ayeke he na ngia. Na lango so KOTA GBIA ayeke ga na tere ti ala, ala kue ayeke hunzi.

Jérémie 10:15 ပူးပေါင်းရင်းမြစ်များ

Abia (Psaumes) 115:9

Ala azo ti Israel, ala zia be ti ala na ndö ti KOTA GBIA! – Lo laa lo yeke mu maboko na ala; lo yeke *vala ti ala!

Ésaïe 41:24

Me ala yeke ye oko pepe, ye so kue ala yeke sara ayeke taa senge senge. Zo so asoro ala tongana anzapa, lo yeke fungo zo tongana anzapa ni.

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

Ésaïe 57:12

Me mbi yeke sigigi na nda ti mo polele. Aye so mo yeke sara si mo baa mo tene, ayeke nzoni so, mo yeke wara ye ti peko ni oko pepe.

Jérémie 10:11

Tënë so ala yeke tene ande na azo ni ayeke so: anzapa so asara yayu na sese pepe so, fade ala yeke ngba na ndö ti sese so pepe, ala yeke ngba na gbe ti yayu pepe.

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Jérémie 14:22

Na popo ti asenge senge ye ti amara nde, mbeni yanda oko ayeke daa so alingbi ti sara si ngu apika? Yayu laa asara si ngu ayeke pika? KOTA GBIA Nzapa ti e, mo laa mo sara ye so pepe? E zia be ti e ti ku mo, ngbanga ti so mo laa mo sara aye so kue.”

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Jérémie 43:12

Lo yeke bi wâ na ya ti ada ti anzapa ti azo ti Ezipte; lo yeke gbi anzapa ni wala lo yeke gbu ala ti gue na ala na Babilone. Lo yeke ro aye ti Ezipte kue tongana ti so wabatango-taba ayeke ro asiri na ya ti bongo ti lo. Na pekoni, lo yeke mu lege ti hon, ye ti sara lo ayeke daa pepe.

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Jérémie 51:18

Ala yeke asenge senge ye, ala yeke aye so azo ayeke he na ngia. Na lango so KOTA GBIA ayeke ga na tere ti ala, ala kue ayeke hunzi.

Jérémie 8:12

Kamene alingbi fade ti gbu le ti ala ndali ti asioni ye so ala yeke sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.”

Jérémie 8:19

Na ya ti mbeni kodro yongoro, azo ti mbi ayeke dekongo; ala yeke iri ndo titene a mu maboko na ala, ala tene: “KOTA GBIA ayeke na *Sion mbeni pepe? Gbia ti Sion ayeke daa mbeni pepe?” “Ngbanga ti nyen si azo so agi yanga ti mbi na vorongo anzapa ti awande so? Andaa so ayeke gi abuba ye so awande aleke ni.”

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Jonas 2:8

So mbi ga nduru na kuâ, be ti mbi ati na ndö ti mo, KOTA GBIA. Mbi sambela mo si mo ma sambela ti mbi na ya ti kota da ti mo so ayeke nde si ayeke nzoni kue so.

Zakarii 13:2

So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.

Awatokua 14:15

“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.

Ndia ti fani use ni 32:21

Ala sara si mbanda ti mbi alondo na lege ti vorongo anzapa so ayeke taa Nzapa pepe; ala zia ngonzo na be ti mbi na lege ti ayanda ti ala. Mbi nga, mbi yeke sara si mbanda ti ala alondo na lege ti ye so ayeke taa mara pepe, mbi yeke zia ngonzo na be ti ala na lege ti mbeni mara so ahinga ndo pepe.

1 Samuel 12:21

Ala gue yongoro na lo pepe; tongaso pepe, fade ala yeke gue na peko ti anzapa so ayeke asenge ye, anzapa so alingbi nga ti zi ala na ya ti ye ti ngangu pepe, ngbanga ti so anzapa ni ayeke asenge ye.

1 Samuel 5:4

Na mbeni ndade ni, ala londo na kota ndaperere, ala ye ti baa, Dagon laa na sese na dawa ti sanduku ti mbuki ti KOTA GBIA. Li ti Dagon na maboko ti lo use kue afâ si ayeke lango na lingo ti yanga ti gbagba ti da; gi tere ti lo laa angba.