Jean 9:41 - Mbeti ti Nzapa - Tënë so amu fini

⁴¹ Jésus akiri tënë na ala: “Tongana ala yeke fade awaziba, ka siokpari ayeke na li ti ala pepe. Me so ala yeke tene: ‘Le ti ala ayeke baa ndo’, andaa siokpari angba na li ti ala.”

Jean 9:41 ပူးပေါင်းရင်းမြစ်များ

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

Ésaïe 5:21

Mawa na ala, azo so abaa tere ti ala tongana azo ti ndara, azo so abaa tere ti ala tongana azo ti hingango ndo!

Jérémie 2:35

Me na ndö ni kue, mo tene: ‘Ên-en, tënë oko ayeke na li ti mbi pepe. Ngonzo ti Nzapa ayeke hon yongoro na tere ti mbi senge.’ Me ndali ti so mo tene, mo sara ye ti sioni pepe, mbi yeke gue na mo na ngbanga.”

Nzoni Tënë so Luc asu na mbeti 12:47

Zo ti kua so ahinga ye so makonzi ti lo aye, me lo leke ye oko pepe, wala lo sara ye alingbi na yanga ti makonzi ti lo ni pepe, fade a yeke pika lo mingi.

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Ahebro 10:26

So e hinga taa-tënë nzoni kue awe so, tongana e ngba ti sara siokpari na be ti e wani, mbeni *sandaga nde ndali ti asiokpari ayeke daa pepe.

Jacques 4:17

Tongaso, zo so ahinga ti sara nzoni ye si lo sara ni pepe, andaa lo sara siokpari awe.