Jean 9:4 - Mbeti ti Nzapa - Tënë so amu fini

⁴ Na ndembe so lâ angba ti su, ayeke nzoni e sara kua ti lo so lo tokua mbi. Ndo aga nduru ti vuko awe, fade zo alingbi ti sara kua mbeni pepe.

Jean 9:4 ပူးပေါင်းရင်းမြစ်များ

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Matthieu 20:7

Ala kiri tënë na lo: ‘E duti senge senge, ngbanga ti so zo ti mungo e na kua ayeke daa pepe.’ Lo tene na ala: ‘Ala nga, ala gue, asara kua na yaka ti vinye ti mbi.’

Marc 3:3

Jésus airi koli ni, atene: “Londo, mo luti na le ti azo kue!”

Jean 10:32

Lo hunda ala, lo tene: “Na dawa ti ala, mbi sara anzoni ye mingi so alondo na Babâ. Ti so wa laa ala ye ti bo mbi na têne ngbanga ni so?”

Jean 10:37

Tongana mbi sara pepe aye so Babâ ti mbi amu na mbi ti sara, ayeke nzoni ala yeda na tënë ti mbi pepe!

Jean 12:35

Jésus atene na ala: “Lumiere ade na popo ti ala ndali ti kete ngoi. Ayeke nzoni ala tambula na ndembe so lumiere ni ayeke na tere ti ala, tongaso si vukongo ndo awara ala pepe, ngbanga ti so zo so atambula na ya ti vukongo ndo ahinga ndo so lo yeke gue daa pepe.

Jean 17:4

Mbi gonda mo na ndö ti sese so awe, mbi hunzi kua so mo mu na mbi ti sara awe.

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Jean 5:19

Jésus amu tënë si lo tene na ala: “Biani, mbi tene na ala taa-tënë: Molenge ni ayeke sara ye ti be ti lo wani pepe, lo yeke sara gi ye so lo baa Babâ ti lo na sarango ni. Ye so kue Babâ asara, Molenge ni nga ayeke sara,

Jean 5:36

Me ambeni ye ayeke daa so atene tënë na ndö ti mbi ahon ti Jean. Aye ni ayeke aye so Babâ wani amu na mbi ti sarango ni; mbi yeke sara aye ni si aye ni ayeke fa so Babâ laa atokua mbi.

Jean 7:33

Jésus atene: “Mbi yeke duti kete na popo ti ala si na pekoni, mbi yeke kiri na tere ti lo so atokua mbi.

Awatokua 4:20

Ti e, ye so e baa si e ma awe so, e lingbi ti kanga yanga ti e na ndö ni pepe.”

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

Efeze 5:16

Ala zia ngoi ti ala ahon senge senge pepe, ngbanga ti so alango so e yeke daa so ayeke sioni.

Kolose 4:5

Ala duti na ndara na popo ti azo so ahinga Nzapa pepe; ala zia ngoi ti ala ahon senge senge pepe.