Jean 9:34 - Mbeti ti Nzapa - Tënë so amu fini

³⁴ Ala kiri tënë, atene: “Mo, a du mo si mo kono gi na ya ti siokpari, mo ye ti fa ye na e?” Na pekoni, ala tumba lo na ya ti da ti sambela ni.

Jean 9:34 ပူးပေါင်းရင်းမြစ်များ

Tongo nda ti aye 19:9

Azo ni akiri tënë na lo: “Hon kâ! Mo so mo yeke gi wande so, mo ga ge ti fa lege na e? Fade e yeke sara sioni na mo ahon ti so e yeke sara na akoli so.” Ala pusu Lot na ngangu si ala ga nduru na yanga ti da ni titene ala kungbi ni.

2 Mbai 25:16

So wayanga-Nzapa ni angba ti tene tënë, Amasia afâ tënë na yanga ti lo si lo tene: “Zo wa laa azia mo wamungo-wango na gbia, zo wa? Kai tënë so! Mo ye pika?” Wayanga-Nzapa ni akai, me lo tene: “Fadeso mbi hinga, mbi tene, Nzapa aleke na be ti lo titene mo kui, ngbanga ti so mo sara ye so si mo ke ti ma wango ti mbi.”

Mbeti ti Job 14:4

Zo wa laa alingbi ti sara si ye so ayeke *nzoni asigigi na ya ti ye so ayeke *sioni? Zo oko pepe!

Mbeti ti Job 25:4

Zo alingbi ti tene ni yeke zo ti mbirimbiri na le ti Nzapa tongana nyen? Zo so wali adu lo, lo lingbi ti tene ni yeke *nzoni tongana nyen?

Abia (Psaumes) 51:5

Mbi hinga so mbi buba lege ti ndia ti mo awe; siokpari ti mbi ayeke lakue na le ti mbi.

Sigingo 2:14

Lo kiri tënë na Moïse, lo tene: “Zo wa laa azia mo makonzi titene mo fâ ngbanga na popo ti e, zo wa? Mo ye ti fâ mbi tongana ti so mo fâ zo ti Ezipte so?” Tongaso mbeto agbu Moïse si lo tene: “Azo ahinga tënë ti ye so mbi sara so awe!”

Amato 22:10

Tumba zo ti hengo ndo, tongaso si tënë ti papa, tënë ti tiri na abuba tënë akai.

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Ésaïe 65:5

Ala yeke tene na azo, atene: ‘Ngba yongoro, ga nduru na mbi pepe! Fade ye ti ngangu ayeke wara mo, ngbanga ti so a zia mbi nde awe.’ Tongana mbi baa aye so kue ala yeke sara, wâ ti ngonzo ti mbi ayeke londo si ayeke gbi ndo lakue.

Ésaïe 66:5

Ala ma tënë ti *KOTA GBIA, ala so tere ti ala ayeke do na mbeto ndali ti tënë ti lo: Ambeni ita ti ala ake ala si atumba ala ndali ti mbi. A-ita ti ala ni ayeke he ala si ayeke tene: “Ayeke nzoni KOTA GBIA afa gonda ti lo si e lingbi ti baa ngia ti ala ni!” Me a-ita ti ala ni laa kamene ayeke gbu ande le ti ala.

Nzoni Tënë so Luc asu na mbeti 11:45

Mbeni oko ti awafango-ndia ni atene na lo: “Wafango-ye, tënë so mo yeke tene so, mo yeke zonga nga e laa!”

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Nzoni Tënë so Luc asu na mbeti 18:17

Mbi tene na ala taa-tënë: zo so ayamba Kodro-gbia ti Nzapa tongana molenge pepe, lo yeke li ande na ya ni oko pepe.”

Nzoni Tënë so Luc asu na mbeti 6:22

“Ti ala nzoni, ala so azo ake ala, atumba ala, azonga ala si ayeke diko asioni tënë na iri ti ala ndali ti *Molenge ti Zo!

Jean 6:37

Azo so kue Babâ amu ala na mbi, fade ala yeke ga na mbi; zo so aga na mbi, fade mbi yeke zia lo na gigi oko pepe.

Jean 8:41

Me ti ala, ala yeke sara ye tongana babâ ti ala.” Ala kiri tënë na lo, atene: “Nzapa oko laa ayeke Babâ ti e. E yeke amolenge so a du e na gigi pepe.”

Jean 9:2

Adisiple ti lo ahunda lo, atene: “Wafango-ye, zo wa laa asara siokpari si a du koli so waziba so? Lo, wala babâ na mama ti lo?”

Jean 9:22

Babâ na mama ti lo atene tënë so, ngbanga ti so mbeto ti azuife asara ala. Andaa azuife ni atene, zo so kue ayeda atene, Jésus ayeke *Mesii, ala yeke tumba lo na ya ti da ti sambelango Nzapa ti ala.

Jean 9:35

Jésus ama a tene, ala tumba koli so awe; lo gue, lo wara lo si lo hunda lo, lo tene: “Mo ma na be na *Molenge ti Zo?”

Jean 9:40

Ambeni *farizien so ayeke kâ ama tënë so Jésus atene so si ala hunda lo, atene: “E nga, e yeke awaziba?”

1 Korente 5:13

Ti azo ti gigi, Nzapa laa ayeke fâ ande ngbanga ti ala. Mbeti ti Nzapa atene: “Ala zi zo ti sioni so ayeke na popo ti ala.”

Galasii 2:15

Ti e, a du e zuife, e yeke azo ti amara nde pepe, ala so ayeke azo ti siokpari so ahinga *Ndia ti Nzapa pepe so!

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

3 Jean 1:10

Ndani laa, tongana mbi si ande kâ, fade mbi yeke fa na le ti azo aye so kue lo yeke sara, na asioni tënë so lo yeke tene na tere ti e, na atënë ti mvene so lo yeke tene. Na ndö ni, tongana a-ita asi, lo wani, lo ke ti yamba ala. A-ita so aye ti yamba azo so asi, lo yeke kanga lege na ala si lo yeke tumba ala na ya ti Eglize.

3 Jean 1:9

Mbi su fade mbeni nduru mbeti si mbi tokua ni na *Eglize; me Diotrefe so aye lakue gi ti duti na komandema na ndö ti amba ti lo, lo ke ti ma yanga ti e.

Aye so Nzapa afa 13:17

Zo so ayeke na nzoroko so pepe, lo lingbi ti vo ye wala ti ka ye pepe. Nzoroko ni ayeke iri ti nyama ni wala nimoro ti iri ti lo.