Jean 9:31 - Mbeti ti Nzapa - Tënë so amu fini

³¹ E hinga so, Nzapa ayeke ma azo ti siokpari pepe, me lo yeke ma gi azo so ama yanga ti lo si ala yeke sara ye so be ti lo aye.

Jean 9:31 ပူးပေါင်းရင်းမြစ်များ

Tongo nda ti aye 19:29

Me na ndembe so Nzapa abuba agbata so ayeke na lando ni kâ so, lo dabe ti lo na Abraham. Lo zi Lot na ya ti ye ti sioni na ndembe so agbata ni aga kirikiri.

Tongo nda ti aye 20:7

Mo kiri na wali ti koli so na lo, ngbanga ti so koli ni ayeke wayanga-Nzapa. Fade lo yeke sambela ndali ti mo titene mo ngba na fini. Me tongana mo kiri na wali ni pepe, ayeke nzoni mo hinga, mo tene, mo na azo ti mo kue ayeke kui biani.”

Mbeti ti Job 35:12

Tongaso azo adekongo, me lo yeda pepe ndali ti baba ti azo ti sioni.

Mbeti ti Job 35:13

Asenge senge tënë laa, Nzapa ayeke ma pepe; lo so ngangu ti lo ahon angangu kue, lo yeke dingi mê ti lo ti ma ni pepe.

Mbeti ti Job 42:8

Fadeso, ala mu akoli-bagara mbarambara, akoli-taba mbarambara, ala gue, awara Job, zo ti kua ti mbi. Ala mu anyama ni na *sandaga so a yeke gbi kue na wâ ndali ti ala wani. Fade Job ayeke sambela ndali ti ala, mbi yeke yeda na sambela ti lo. Tongaso, mbi yeke sara na ala pepe alingbi na ye ti buba so ala sara; ala tene taa-tënë na ndö ti mbi pepe; gi Job, zo ti kua ti mbi laa atene taa-tënë.”

Abia (Psaumes) 106:23

Nilaa Nzapa atene, fade lo yeke fâ ala ti hunzi ala, me Moïse, zo so lo soro lo, aluti na le ti Nzapa ti sara si ngonzo ti lo akai si lo fâ ala pepe.

Abia (Psaumes) 143:10

Fa na mbi lege ti sara ye so be ti mo aye, ngbanga ti so mo yeke Nzapa ti mbi. Ayeke nzoni yingo ti mo so ayeke nzoni afa na mbi lege so ague na sese so a leke ni nzoni.

Abia (Psaumes) 145:19

Azo so akpe mbeto ti lo, lo yeke mu na ala ye so be ti ala aye; lo yeke ma toto ti ala si lo yeke soo ala.

Abia (Psaumes) 18:41

Mo sara si awato ti mbi akpe na dawa ti mbi, mbi yeke fâ azo ti kengo mbi, mbi hunzi ala kue.

Abia (Psaumes) 40:8

Nilaa mbi tene: “Baa, mbi yeke ga; na ya ti mbeti ti *Ndia, a su tënë ti ye so mbi lingbi ti sara.”

Abia (Psaumes) 99:6

Moïse na Aaron ayeke ando na popo ti awayango-sandaga ti lo; Samuel ayeke ando na popo ti azo so adi iri ti KOTA GBIA si lo yeke kiri tënë na ala.

Amato 15:29

KOTA GBIA angba yongoro na tere ti azo ti sioni; me lo yeke ma sambela ti azo ti mbirimbiri.

Amato 21:13

Zo so akanga mê ti lo ti ma toto ti zo ti mawa, na ndembe so zo ni ayeke dekongo, zo oko ti mango lo ayeke nga daa pepe.

Amato 28:9

Zo so akanga mê ti lo ti ma atënë ti Ndia, ataa sambela ti lo, be ti KOTA GBIA ayeke ke ni.

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Ésaïe 58:9

Na ndembe so mo yeke iri ndo, KOTA GBIA ayeke yeda; na ndembe so mo yeke dekongo, lo yeke tene: “Mbi laa!” Tongana mo zi zuge na ya ti kodro ti mo, tongana mo zia ti yoro maboko na le ti azo, tongana mo zia ti tene sioni tënë na iri ti azo,

Jérémie 11:11

“Ndani laa, tënë so KOTA GBIA atene ayeke so: ‘Fade mbi yeke sara si mbeni kota kpale aga na ndö ti ala; kota kpale so ala lingbi ti sigigi na ya ni pepe. Ala yeke dekongo ti iri mbi, me mbi yeke ma ala pepe.

Jérémie 14:12

Ataa ala ke kobe, fade mbi yeke ma dema ti ala pepe. Ataa ala ya na mbi asandaga so a yeke gbi ni kue na wâ nga na asandaga ti ale ti kobe, ayeke nzere na be ti mbi pepe. Me mbi yeke hunzi ala na lege ti bira, na lege ti nzara nga na lege ti sioni kobela ti bubango kodro.”

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Ezekiel 8:18

Mbi nga, fade mbi yeke sara ye na ala na lege ti ngonzo ti mbi ti wâ. Mbi yeke baa mawa ti ala pepe, mbi yeke zia zo oko pepe. Ataa ala dekongo na mbi na kota go, mbi yeke ma ala pepe.”

Mishe 3:4

Ndani laa, na ngoi so ala yeke dekongo ti iri *KOTA GBIA, lo yeke kiri tënë na ala pepe. Fade lo yeke honde le ti lo na ala ndali ti asioni ye so ala sara.

Zakarii 7:13

Nilaa KOTA GBIA so ayeke na ndö ti dunia kue, atene: “So lani mbi iri ala si ala ke ti ma so, mbi nga, ala iri mbi si mbi ke ti ma ala.

Jean 11:22

Me mbi hinga so Nzapa ayeke mu na mo ye so kue mo yeke hunda na lo.”

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Jean 9:30

Koli ni akiri tënë, atene: “Ae, ala ma mbeni ye ti kpene! Ala hinga ndo so lo londo daa si lo ga pepe? Ka so lo zi le ti mbi so.

Jean 9:32

Na ndö ti dunia so, lawa laa e ma tënë ti mbeni zo so a du lo waziba si mbeni zo azi le ti lo?

Ndia ti fani use ni 1:45

Na kiringo ti ala, azo ti Israel, ala toto na KOTA GBIA; me lo ma ala pepe, lo dingi mê ti lo kete pepe ti ma ala.

Ahebro 10:7

Tongaso mbi tene: ‘Nzapa, mbi laa! Mbi ga ti sara ye so be ti mo aye, alingbi na tënë so a su na ndö ti mbi na ya ti Mbeti ti Nzapa.’ ”