Jean 9:30 - Mbeti ti Nzapa - Tënë so amu fini

³⁰ Koli ni akiri tënë, atene: “Ae, ala ma mbeni ye ti kpene! Ala hinga ndo so lo londo daa si lo ga pepe? Ka so lo zi le ti mbi so.

Jean 9:30 ပူးပေါင်းရင်းမြစ်များ

Abia (Psaumes) 119:18

Zi le ti mbi si mbi baa aye ti kpene so ayeke na ya ti ndia ti mo.

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ésaïe 29:18

Na lango ni so, azo so mê ti ala akanga, fade ala yeke ma atënë so a tene na ya ti mbeti; azo so le ti ala abuba ayeke sigigi na ya ti vukongo ndo so avuko pitipiti si ala yeke baa ndo.

Ésaïe 35:5

Tongaso, fade awaziba ayeke kiri ti baa ndo; azo so mê ti ala akanga ayeke kiri ti ma ndo.

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Matthieu 21:42

Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”

Marc 6:6

Li ti lo akpe ngbanga ti so azo ni ake ti ma na be. Na pekoni, Jésus ague ti fa ye na azo na ya ti akete kodro so ayeke na tere ti Nazaret.

Nzoni Tënë so Luc asu na mbeti 7:22

Na pekoni, lo tene na azo so Jean atokua ala so, lo tene: “Ala gue, atene na Jean tënë ti aye so ala baa na aye so ala ma: awaziba akiri abaa ndo, azo so gere ti ala abuba akiri atambula, tere ti azo ti buruma aga *nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Jean 12:37

Ataa aye ti kpene so kue Jésus asara na le ti azo ni, ala ma na be na lo pepe.

Jean 3:10

Jésus akiri tënë na lo, atene: “Mo so azo ahinga mo tongana wafango-ye na Israel so, mo hinga aye so pepe?

Jean 9:29

E hinga so Nzapa atene tënë na Moïse, me ti koli so, e hinga ndo so lo londo daa si lo ga pepe.”

Jean 9:31

E hinga so, Nzapa ayeke ma azo ti siokpari pepe, me lo yeke ma gi azo so ama yanga ti lo si ala yeke sara ye so be ti lo aye.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.