Jean 9:25 - Mbeti ti Nzapa - Tënë so amu fini

²⁵ Koli ni akiri tënë, atene: “Ataa lo yeke zo ti siokpari-oo, ataa lo yeke zo ti siokpari pepe-oo, mbi hinga gi ye oko: mbi yeke lani waziba, me fadeso mbi yeke baa ndo.”

Jean 9:25 ပူးပေါင်းရင်းမြစ်များ

Jean 5:11

Me koli so akiri tënë na ala, atene: “Koli so asara si tere ti mbi aga nzoni so laa atene na mbi, atene: ‘Mu konza ti mo, mo tambula.’ ”

Jean 9:24

Afarizien akiri airi waziba ni si ala tene na lo: “Mo gonda gi Nzapa! E hinga so koli so azi le ti mo ayeke zo ti siokpari.”

Jean 9:26

Ala kiri ahunda lo, atene: “Me nyen laa lo sara na mo? Lo zi le ti mo ni tongana nyen?”

Jean 9:30

Koli ni akiri tënë, atene: “Ae, ala ma mbeni ye ti kpene! Ala hinga ndo so lo londo daa si lo ga pepe? Ka so lo zi le ti mbi so.

1 Jean 5:10

Zo so ama na be na Molenge ti Nzapa, tënë so Nzapa atene so ayeke na be ti lo. Zo so ake ti yeda na tënë so Nzapa atene, lo mu Nzapa tongana zo ti mvene, ngbanga ti so lo ke ti yeda na tënë so Nzapa atene na ndö ti Molenge ti lo.