Jean 9:16 - Mbeti ti Nzapa - Tënë so amu fini

¹⁶ Ambeni farizien ni atene: “Zo so asara ye so alondo na Nzapa pepe, ngbanga ti so lo bata ndia ti lango ti wungo tere pepe.” Ambeni atene ti ala: “Zo ti siokpari alingbi ti sara mara ti aye ti kpene tongaso pepe!” Kangbi ati na popo ti ala.

Jean 9:16 ပူးပေါင်းရင်းမြစ်များ

Matthieu 12:10

Mbeni koli so maboko ti lo abuba ayeke kâ. Azo aye ti bi tënë na li ti Jésus; tongaso ala hunda lo, atene: “*Ndia amu lege na zo ti kai kobela na tere ti azo na *lango ti wungo tere?”

Matthieu 12:2

So *afarizien abaa tongaso, ala tene na Jésus: “Baa ye! Adisiple ti mo ayeke sara ye so *Ndia ake titene zo asara na lango ti wungo tere!”

Nzoni Tënë so Luc asu na mbeti 13:14

Makonzi ti da ti sambelango Nzapa ni asara ngonzo, ngbanga ti so Jésus akai kobela na lango ti wungo tere. Tongaso lo tene na gba ti azo so, lo tene: “Alango ti sarango na kua ayeke omene. Tongaso ala ga na ya ti alango ni so si a kai akobela ti ala, me na lango ti wungo tere pepe!”

Jean 10:19

Na ndö ti tënë so, popo ti azuife akiri akangbi.

Jean 14:11

Ala ma na be so mbi na Babâ, e yeke oko. Tongana ala ma na be na mbi pepe, ala ma na be ndali ti aye so mbi sara.

Jean 15:24

Aye so zo asara laoko pepe, mbi sara ni na popo ti azo ti dunia. Tongana mbi sara ni fade pepe, ka siokpari ayeke na li ti ala pepe. Fadeso, ala baa aye so kue mbi sara, me ala ngba ti ke mbi nga na Babâ ti mbi.

Jean 2:11

Lege so Jésus asara kozo ye ti kpene na Kana, mbeni kodro ti Galile laa. Lo fa gonda ti lo si adisiple ti lo ama na be na lo.

Jean 3:2

Lo ga lo baa Jésus na bi si lo tene na lo: “Wafango-ye, e hinga so Nzapa laa atokua mo ti fa ye na e, ngbanga ti so, tongana Nzapa ayeke na zo pepe, zo ni alingbi ti sara aye ti kpene so mo yeke sara so pepe.”

Jean 5:10

Tongaso azuife atene na koli so tere ti lo aga nzoni so, atene: “Laso ayeke lango ti wungo tere; *Ndia ake na mo ti yo konza ti mo ti tambula na ni.”

Jean 5:36

Me ambeni ye ayeke daa so atene tënë na ndö ti mbi ahon ti Jean. Aye ni ayeke aye so Babâ wani amu na mbi ti sarango ni; mbi yeke sara aye ni si aye ni ayeke fa so Babâ laa atokua mbi.

Jean 6:52

Na ndö ti tënë so, azuife apapa na popo ti ala ngangu si ala tene: “Koli so alingbi ti mu tere ti lo na e ti te tongana nyen?”

Jean 7:12

Gba ti azo so abongbi kâ ayeke tene tënë ti lo mingi. Ambeni zo ni atene: “Lo yeke nzoni zo”, ambeni atene ti ala: “Mvene, lo yeke handa gba ti azo gi senge senge.”

Jean 7:23

Ala yeke fâ amolenge-koli na ganza na lango ti wungo tere ti bata *Ndia ti Moïse. Ngbanga ti nyen laa ala yeke sara ngonzo na tere ti mbi ndali ti so mbi kai kobela ti mbeni zo na lango ti wungo tere?

Jean 7:43

Popo ti azo ni akangbi ndali ti Jésus.

Jean 9:24

Afarizien akiri airi waziba ni si ala tene na lo: “Mo gonda gi Nzapa! E hinga so koli so azi le ti mo ayeke zo ti siokpari.”

Awatokua 14:4

Popo ti azo ti gbata ni akangbi: ambeni amu mbage ti azuife si ambeni amu mbage ti *awatokua.