Jean 9:1 - Mbeti ti Nzapa - Tënë so amu fini

¹ So Jésus ayeke hon na lege, lo baa mbeni zo so a du lo waziba.

Jean 9:1 ပူးပေါင်းရင်းမြစ်များ

Ésaïe 35:5

Tongaso, fade awaziba ayeke kiri ti baa ndo; azo so mê ti ala akanga ayeke kiri ti ma ndo.

Matthieu 20:30

Awaziba use aduti na tere ti lege; ala ma a tene, Jésus laa ayeke hon so. Ala dekongo, atene: “*Kota Gbia, Molenge ti David, baa mawa ti e!”

Matthieu 9:27

So Jésus alondo na ndo so ti hon, awaziba use amu peko ti lo; ala yeke dekongo, atene: “Molenge ti David, baa mawa ti e!”

Marc 9:21

Jésus ahunda babâ ni, atene: “Ye ni ato nda ti sara lo lawa?” Babâ ni atene: “Na ndembe so lo de molenge.

Nzoni Tënë so Luc asu na mbeti 8:43

Mbeni wali ayeke kâ, mene ayeke ga na tere ti lo mingi mingi, asara ngu baleoko na use awe. Wali so abuba aye ti lo kue na lege ti awanganga ndali ti kobela so, me zo oko awara lege ti kai kobela ni pepe.

Jean 5:5

Mbeni koli ayeke kâ so lo yeke na kobela asara ngu baleota na miombe.

Jean 8:59

Ala mu têne ti bo na Jésus, me lo honde tere ti lo si lo sigigi na ya ti kota da ti Nzapa ni, lo hon.

Jean 9:2

Adisiple ti lo ahunda lo, atene: “Wafango-ye, zo wa laa asara siokpari si a du koli so waziba so? Lo, wala babâ na mama ti lo?”

Awatokua 14:8

Na Listre, mbeni koli ayeke daa so gere ti lo abuba; a du lo na ni gi tongaso si lo tambula laoko pepe.

Awatokua 28:4

So azo ti zoa ni abaa ngbo ni na tere ti maboko ti Paul, ala tene na popo ti ala: “Koli so ayeke mbeni zo ti fango zo biani. Ataa so lo soo kuâ na le ti ngu, nzapa ti mbirimbiri aye titene lo ngba na fini pepe.”

Awatokua 4:22

Koli so tere ti lo aga nzoni na lege ti ye ti kpene so, ngu ti lo ahon baleosio.

Awatokua 9:33

Kâ, lo wara mbeni koli so iri ti lo Ene; mbage ti tere ti lo abuba si lo ngba na gbogbo na ya ti ngu miombe.