Jean 8:9 - Mbeti ti Nzapa - Tënë so amu fini

⁹ So azo ni ama tënë so, ala londo oko na oko ti gue; azo so ahon kozoni ayeke ambakoro. Jésus angba gi lo oko, wali ni angba ti luti na dawa ti lo.

Jean 8:9 ပူးပေါင်းရင်းမြစ်များ

1 Agbia 17:18

Mama ti molenge ni atene na Élie: “Zo ti Nzapa, ti mo na mbi nyen? Mo ga na da ti mbi ti kiri ti fa na Nzapa peko ti asioni ye so mbi sara? Mo ga nga ti sara titene molenge ti mbi akui?”

1 Agbia 2:44

Gbia atene na Shimei: “Mo hinga na be ti mo sioni so kue mo sara na babâ ti mbi David. Fade KOTA GBIA ayeke sara titene ngbanga ti sioni ti mo ati na li ti mo wani.

Mbeti ti Job 20:27

Yayu ayeke fa na gigi asioni ti lo, sese ayeke londo ti ke lo.

Mbeti ti Job 20:5

azo ti sioni ayeke dekongo na ngia, me dekongo ni ayeke ninga pepe; azo so ake Nzapa, ngia ti ala ayeke gue yongoro pepe.

Abia (Psaumes) 40:14

KOTA GBIA, mbi gbu gere ti mo, mo zi mbi maa! KOTA GBIA, ga hio mo mu maboko na mbi!

Abia (Psaumes) 50:21

Baa, aye so kue mo sara so laa; mo ye titene mbi kai na ndö ni? Mo baa ti mo, mo tene, mbi yeke tongana mo? Mbi yeke bi tënë na li ti mo, mbi yeke fa asioni ye ni kue polele na le ti mo.

Abia (Psaumes) 71:13

Azo so ayeke bi tënë na li ti mbi so, ayeke nzoni ala ti, kamene agbu le ti ala. Azo so ayeke gi ti sara sioni na mbi so, ayeke nzoni azo abi buba na tere ti ala, azo ane ala pepe si kota kamene agbu le ti ala!

Zo ti bongbingo azo 7:22

Mo wani, mo hinga so, fani mingi, mo nga, mo tene asioni tënë na tere ti amba ti mo awe.

Nzoni Tënë so Luc asu na mbeti 13:17

So Jésus atene tongaso, kamene agbu le ti awato ti lo kue; me ngia asi be ti gba ti azo ni ngbanga ti akota ye so lo yeke sara so.

Jean 8:10

Tongaso Jésus amu li ti lo na nduzu si lo hunda wali ni, lo tene: “Azo ni ayeke na ndo wa? Mbeni zo oko afâ ngbanga na li ti mo pepe?”

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

Jean 8:2

Na kota ndaperere, lo kiri na ya ti kota da ti Nzapa, azo kue akiri abongbi na tere ti lo. Lo duti si lo yeke fa ye na ala.

Jean 8:3

Awafango-ndia na *afarizien amu mbeni wali so ala wara lo na gingo mbeni koli so ayeke koli ti lo pepe. Ala ga azia lo na le ti azo kue.

Jean 8:8

Na pekoni, Jésus akiri aba tere ti lo na sese si lo yeke su mbeti na sese.

Rome 2:15

Sarango ye ti ala afa so aye so Ndia ti Moïse ahunda ayeke na be ti ala. Be ti ala afa so ye ni ayeke tongaso, lege ti gbungo-li ti ala afa so ye ni ayeke nga tongaso. Lege ti gbungo-li ti ala ni ayeke fa na ala so ala sara sioni, na mbage ayeke gbu koko ti ala na ndö ti ye so ala sara.

Rome 2:22

Mo so mo ke titene zo agi wali wala koli ti mba ti lo, ngbanga ti nyen si mo yeke gi wali wala koli ti mba ti mo? Mo so mo ke tënë ti sambelango ayanda, ngbanga ti nyen si mo yeke nzi aye so ayeke na ya ti ada ti ayanda ni?

1 Jean 3:20

Biani, tongana be ti e ayeke bi tënë na li ti e, e hinga so Nzapa ayeke kota ahon be ti e si lo hinga ye kue.