Jean 8:53 - Mbeti ti Nzapa - Tënë so amu fini

⁵³ Mo ye ti tene mo yeke kota, mo hon Abraham, babâ ti e so akui so? Awayanga-Nzapa nga akui. Mo baa tere ti mo, mo tene, mo yeke zo wa?”

Jean 8:53 ပူးပေါင်းရင်းမြစ်များ

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Matthieu 12:6

Mbi tene na ala so, mbeni ye ayeke ge so ayeke kota ahon kota da ti Nzapa!

Matthieu 3:9

Ala tene na be ti ala pepe, atene: ‘Abraham ayeke kotara ti e.’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Jean 10:33

Azuife akiri tënë, atene: “E ye ti bo mo ngbanga ti mbeni nzoni ye ni pepe, me ngbanga ti so mo zonga Nzapa: mo yeke gi zo senge, me mo ye ti sara tere ti mo Nzapa!”

Jean 12:34

Gba ti azo ni akiri tënë na lo, atene: “Na ya ti mbeti ti *Ndia ti e, e ma a tene, fade *Mesii ayeke ngba kpu na kpu. Tongana nyen laa mo tene, a yeke mu *Molenge ti Zo ti kanga lo na nduzu so? Molenge ti Zo ni ayeke zo wa?”

Jean 19:7

Azuife akiri tënë na lo: “Mbeni ndia ti e ayeke daa; na lege ti ndia ni so, lo lingbi na kuâ, ngbanga ti so lo tene, ni yeke Molenge ti Nzapa.”

Jean 4:12

Kotara ti e Jacob laa azia na e du ti ngu so; lo na amolenge ti lo na anyama ti lo kue anyon ngu ti ya ni. Mo yeke kota, mo hon lo?”

Jean 5:18

Na ndö ti tënë so, amakonzi ti azuife ayeke gi lege ngangu ti fâ Jésus, ngbanga ti so lo ke ti kpe ndia ti lango ti wungo tere si na ndö ni, lo kiri lo tene, Nzapa ayeke taa Babâ ti ni; so aye ti fa atene, lo yeke legeoko na Nzapa.

Jean 8:58

Jésus akiri tënë na ala, atene: “Biani, mbi tene na ala taa-tënë: kozo si a du Abraham, ‘Mbi Yeke.’ ”

Rome 9:5

ala yeke *ahale ti akotara, Christ asigigi na ya ti ala na lege ti dutingo ti lo ti zo, lo yeke Nzapa so ayeke na ndö ti aye kue. Ayeke nzoni azo agonda lo kpu na kpu! Amen.