Jean 8:47 - Mbeti ti Nzapa - Tënë so amu fini

⁴⁷ Zo so ayeke ti Nzapa ayeke ma atënë ti Nzapa. Ti ala, ala ma tënë ti mbi pepe, ngbanga ti so ala yeke azo ti Nzapa pepe.”

Jean 8:47 ပူးပေါင်းရင်းမြစ်များ

Daniel 12:10

Fade a yeke *sukula sioni ti azo mingi, ala yeke vuru si ala ga *nzoni. Azo ti sioni so ahinga nda ti ye pepe ayeke ngba ti sara asioni ye. Me azo so le ti ala ahan laa ayeke hinga nda ti ye so ayeke si.

Jean 12:48

Zo so ake mbi si lo ke nga atënë ti mbi, mbeni ye ti fango ngbanga na li ti lo ayeke daa: atënë so mbi tene laa ayeke fâ ngbanga na li ti lo na lango ti ndani.

Jean 18:37

Pilate ahunda lo, atene: “Ye ni, mo yeke gbia?” Jésus akiri tënë: “Gi tënë ni laa mo tene awe so: mbi yeke gbia. A du mbi si mbi ga na dunia so ti fa ye na ndö ti taa-tënë na azo. Zo so ayeke zo ti taa-tënë, fade lo yeke ma tënë ti mbi.”

Jean 5:25

Biani, mbi tene na ala taa-tënë: mbeni ngbonga ayeke ga si ngbonga ni alingbi awe so akuâ ayeke ma go ti Molenge ti Nzapa si ala so ama go ni ayeke kiri ti duti na fini.

Jean 6:65

Lo kiri lo tene: “Ndani laa, mbi tene na ala, tongana Babâ amu lege na mbeni zo pepe, zo ni alingbi ti ga na mbi pepe.”

Jean 8:37

Mbi hinga so Abraham ayeke kotara ti ala. Me ala yeke gi lege ti fâ mbi, ngbanga ti so tënë ti mbi awara ndo na be ti ala pepe.

Jean 8:43

Ala ma ya ti tënë ti mbi pepe, ngbanga ti nyen? Ngbanga ti so ala lingbi ti ma tënë ti mbi pepe.

Jean 8:45

Ti mbi, mbi yeke tene taa-tënë, ndani laa ala ma na be na mbi pepe.

1 Jean 3:10

Ye so ayeke fa atene, zo ayeke molenge ti Nzapa wala molenge ti Zabolo ayeke so: zo so ayeke sara ye ti mbirimbiri pepe, wala lo ye ita ti lo pepe, lo yeke zo ti Nzapa pepe.

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.

2 Jean 1:9

Zo so kue azia mbeni tënë nde na ndö ti tënë so Christ afa si lo ngba na lege ti tënë ni pepe, andaa lo ke Nzapa awe. Zo so angba na lege ti tënë so Christ afa, andaa lo yamba Babâ na Molenge ti lo awe.

3 Jean 1:11

Ita ti mbi so mbi ye mo mingi, mo mu peko ti sioni ye pepe, me mo mu peko ti nzoni ye. Zo so asara nzoni ye, andaa lo yeke zo ti Nzapa; zo so asara sioni ye, andaa lo hinga Nzapa pepe.