Jean 8:4 - Mbeti ti Nzapa - Tënë so amu fini

⁴ Ala tene Jésus: “Wafango-ye, e wara wali so ayeke lango na koli so ayeke koli ti lo pepe.

Jean 8:4 ပူးပေါင်းရင်းမြစ်များ

Awayango-sandaga 20:10

“Tongana mbeni koli agi wali ti mba ti lo, alingbi a fâ ala use kue, koli ni na wali ni.

Matthieu 1:19

Joseph, koli ti lo ayeke zo ti mbirimbiri, lo ye ti sigigi na tënë ni pepe na le ti azo kue ti zia kamene na le ti wali ti lo. Tongaso, lo gi lege ti kangbi na wali ni na hondengo ni.

Jean 8:3

Awafango-ndia na *afarizien amu mbeni wali so ala wara lo na gingo mbeni koli so ayeke koli ti lo pepe. Ala ga azia lo na le ti azo kue.

Jean 8:5

Moïse amu ando yanga na e na ya ti *Ndia titene e bo amara ti wali tongaso na têne. Me ti mo, mo tene nyen?”

Ndia ti fani use ni 22:22

Tongana a wara mbeni koli so ayeke lango na wali ti mbeni zo, fade a yeke fâ ala use kue, koli ni na wali ni. Lege so fade ala yeke zi sioni ye na popo ti ala laa.

Awafango-ngbanga 19:3

Koli ti lo alondo, ague na peko ti lo ti de be ti lo ti kiri na lo. Koli ni amu zo ti kua ti lo na alele use si ala gue. Wali ni amu lo ali na lo na ya ti da ti babâ ti lo; so babâ ti wali ni abaa koli ni, babâ ni ayamba lo na ngia.