Jean 8:36 - Mbeti ti Nzapa - Tënë so amu fini

³⁶ Tongana Molenge ni azi ala na gbe ti ngbaa, fade ala yeke sigigi na gbe ti ngbaa biani.

Jean 8:36 ပူးပေါင်းရင်းမြစ်များ

Abia (Psaumes) 119:133

Na lege ti tënë ti yanga ti mo, sara si mbi do sese ngangu; mo zia mbeni ye ti sioni ahon ndö ti mbi pepe.

Abia (Psaumes) 119:32

Mbi yeke kpe loro na lege so atënë ti ndia ti mo afa, ngbanga ti so mo sara si be ti mbi ade.

Abia (Psaumes) 19:13

Zo wa laa alingbi ti hinga asiokpari so kue lo sara? Asiokpari so mbi hinga pepe, mo zi ni na li ti mbi.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

1 Korente 7:22

Biani, zo so ayeke ngbaa si Kota Gbia airi lo, andaa Kota Gbia azi lo na gbe ti ngbaa ni awe. Zo so ayeke ngbaa pepe si Kota Gbia airi lo, lo ga ngbaa ti Christ awe.

2 Korente 3:17

Andaa Kota Gbia ayeke Yingo; ndo so Yingo ti Kota Gbia ayeke daa, ye ti zingo zo na gbe ti ngbaa ayeke daa.

Galasii 5:1

Christ azi e awe titene e sigigi na gbe ti ngbaa biani. Tongaso, ala luti ngangu! Ala yeda titene a kiri na ala na gbe ti ngbaa pepe!