Jean 8:31 - Mbeti ti Nzapa - Tënë so amu fini

³¹ Jésus atene na azuife so ama na be na lo, atene: “Tongana ala bata tënë ti mbi, andaa ala yeke adisiple ti mbi biani.

Jean 8:31 ပူးပေါင်းရင်းမြစ်များ

Matthieu 24:13

Me zo so ayeke gbu ngangu ngbii asi na ndani, fade lo yeke soo kuâ.

Jean 1:47

Jésus abaa Natanael so ayeke ga na mbage ti lo si lo tene: “Baa, so mbirimbiri zo ti Israel laa. Lo hinga ti tene mvene pepe.”

Jean 2:2

A tisa nga Jésus na adisiple ti lo na matanga ni.

Jean 6:55

ngbanga ti so tere ti mbi ayeke taa kobe si mene ti mbi ayeke taa ye ti nyongo ni.

Jean 8:36

Tongana Molenge ni azi ala na gbe ti ngbaa, fade ala yeke sigigi na gbe ti ngbaa biani.

Awatokua 13:43

So azo akangbi na peko ti bongbi ni awe, azuife mingi na ambeni zo ti amara nde so ayeke bata ndia ti Moïse amu peko ti Paul na Barnabas. Paul na Barnabas ayeke tene tënë na azo ni si ala yeke mu wango na ala titene ala ngba lakue ti zia be ti ala na ndö ti nzoni be ti Nzapa.

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Awatokua 26:22

Me Nzapa abata mbi ngbii asi laso si mbi ngba ti fa peko ti ye so asi mbi na azo kue: akete zo na akota zo. Mbi yeke tene gi tënë ti ye so Moïse na awayanga-Nzapa atene tënë ni ando si ye ni asi so.

Rome 11:22

Baa, Nzapa ayeke Nzapa ti nzoni be, lo yeke nga Nzapa so fango ngbanga ti lo aso mingi. Fango ngbanga ti lo aso na tere ti azo so ati, me lo yeke sara nzoni be na mo. Alingbi mo ngba ti duti na ya ti nzoni be ti lo, tongaso pepe, fade a yeke zi nga mo tongana ti so a zi maboko ti keke so.

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

1 Timothée 2:15

Me fade Nzapa ayeke soo lo na kuâ na lege ti dungo molenge. Ti awali, Nzapa ayeke soo ala na kuâ gi tongana ala ngba na lege ti mabe, ti ndoye, ti bata tere ti ala nde ndali ti Nzapa, ti sara ye na baba pepe.

1 Timothée 4:16

Mo baa lege ti dutingo ti mo wani nzoni, mo baa nga lege ti fango ye ti mo nzoni; mo ngba daa lakue. Biani, tongana mo sara tongaso, fade mo yeke soo tere ti mo wani na kuâ si mo yeke soo nga azo so kue ayeke ma mo.

2 Timothée 3:14

Me ti mo, ayeke nzoni mo ngba na ndö ti ye so lani a fa na mo, mo yeda na ni si mo hinga, mo tene, ayeke taa-tënë so; mo hinga azo so afa ye ni na mo awe.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Ahebro 8:9

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Kota Gbia atene: Akotara ti ala angba na ya ti mbuki ni pepe, nilaa mbi nga, mbi do ala, mbi zia.

Jacques 1:25

Me zo so agi nda ti ndia mbirimbiri, ndia so ayeke nzoni kue si ayeke zi zo na gbe ti ngbaa, zo ni azia be ti lo kue na ndö ni, lo ma tënë ni si tënë ni ahuru mê ti lo pepe, me lo yeke sara ye alingbi na ni, fade lo yeke baa nzoni na lege ti aye ti lo so lo yeke sara.

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.

1 Jean 2:24

Ndani laa, a-ita, ayeke nzoni ala bata na be ti ala tënë so ala ma ngbene ye na tongo nda ni. Tongana ala bata na be ti ala tënë so ala ma ngbene ye na tongo nda ni, fade ala yeke ngba ti duti oko na Molenge ni nga na Babâ ni.

2 Jean 1:9

Zo so kue azia mbeni tënë nde na ndö ti tënë so Christ afa si lo ngba na lege ti tënë ni pepe, andaa lo ke Nzapa awe. Zo so angba na lege ti tënë so Christ afa, andaa lo yamba Babâ na Molenge ti lo awe.

1 Samuel 12:14

Tongana ala kpe mbeto ti KOTA GBIA, Nzapa ti ala, tongana ala sara kua na lo, ala ma yanga ti lo, tongana ala ke andia ti lo pepe, fade ala wani na gbia so ayeke na li ti ala, ala yeke ngba na peko ti KOTA GBIA, Nzapa ti ala; ye kue ayeke ga nzoni.