Jean 8:17 - Mbeti ti Nzapa - Tënë so amu fini

¹⁷ *Ndia ti ala wani atene: ‘Tongana azo use afa peko ti mbeni tënë si yanga ti ala ague oko, tënë ti ala ayeke taa-tënë.’

Jean 8:17 ပူးပေါင်းရင်းမြစ်များ

1 Agbia 21:10

Ala zia agodobe use na dawa ti Nabot titene ala bi tënë na li ti lo, atene: ‘Mo zonga Nzapa, mo zonga nga gbia ti kodro!’ Na pekoni, fade ala sigigi na lo na ya ti gbata ni, ala bo lo na têne titene lo kui!”

Wungo ti azo 35:30

“Tongana mbeni zo afâ mba ti lo, alingbi ti fâ zo ni na lege ti tënë ti yanga ti azo mingi so abaa ye ni na le ti ala. Tënë ti yanga ti zo oko alingbi pepe.

Matthieu 18:16

Me tongana lo ke ti ma mo, mo mu zo oko wala azo use na tere ti mo ti kiri ti baa lo, tongaso si ‘na lege ti tënë ti yanga ti azo use wala ota so ahinga tënë ni, ala leke tënë ni nzoni’, tongana ti so Mbeti ti Nzapa atene.

Jean 10:34

Jésus akiri tënë na ala, atene: “Na ya ti mbeti ti *Ndia ti ala, Nzapa atene: ‘Ala yeke anzapa.’

Jean 15:25

Me aye so asi titene tënë ti *Ndia ti ala aga taa-tënë; Ndia ni atene: ‘Ala ke mbi gi senge senge.’

2 Korente 13:1

Fani ota titene mbi gue na ndo ti ala kâ laa. Andaa Mbeti ti Nzapa atene: “Na lege ti tënë ti yanga ti azo use wala ota so ahinga tënë ni laa alingbi ti leke tënë ni nzoni.”

Galasii 3:24

Tongaso, Ndia ayeke tongana mbeni zo so ayeke baa ndo na ndö ti e ti ku na gango ti Christ titene e ga mbirimbiri na le ti Nzapa na lege ti mabe.

Galasii 4:21

Ala tene na mbi mbirimbiri, ala so aye ti kiri na gbe ti *Ndia so: ala ma tënë so Ndia atene so pepe?

Ndia ti fani use ni 17:6

Zo so a fâ ngbanga ti kuâ na li ti lo, fade a yeke fâ lo gi na peko ti tënë ti yanga ti azo use wala ota; me na peko ti tënë ti yanga ti zo oko pepe.

Ndia ti fani use ni 19:15

Moïse atene: Tongana mbeni zo asara sioni wala lo sara mbeni mara ti siokpari wa, tënë ti yanga ti zo oko alingbi pepe titene ala fâ ngbanga na li ti zo ni. Alingbi azo use wala ota abaa zo ni na sarango ye ni si tënë ni aduti taa-tënë.

Ahebro 10:28

Ando, zo so ake ti sara ye alingbi na *Ndia ti Moïse, tongana azo use wala ota abaa lo si atene tënë ni, azo ayeke mu zo ni ti fâ lo; mbeni zo ti baa mawa ti lo ayeke daa pepe.

1 Jean 5:9

Tongana azo atene na e tënë ti ye so ala baa, e yeke yeda na ni; me tongana Nzapa atene tënë na ndö ti mbeni ye, tënë ni ane ahon ti azo. Tënë so Nzapa atene ayeke so: lo tene tënë na ndö ti Molenge ti lo.

Aye so Nzapa afa 11:3

Azo ti mbi use so ayeke tene taa-tënë na ndö ti mbi, ala so ayeke yu bongo ti mua so, fade mbi yeke mu lege na ala ti tene peko ti tënë ti yanga ti mbi na azo na ya ti lango saki oko ngbangbo use na baleomene.”