Jean 7:7 - Mbeti ti Nzapa - Tënë so amu fini

⁷ Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Jean 7:7 ပူးပေါင်းရင်းမြစ်များ

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

1 Agbia 22:8

Gbia ti Israel akiri tënë na Yosafat, atene: “Mbeni zo oko ayeke daa so e lingbi ti hunda KOTA GBIA na lege ti lo; zo ni ayeke Mishe, molenge ti Imla. Me be ti mbi ake lo mingi, ngbanga ti so lo yeke tene na mbi peko ti tënë ti yanga ti Nzapa nzoni laoko pepe, me lakue gi sioni tënë.” Yosafat atene: “Ayeke nzoni gbia atene tënë tongaso pepe!”

Abia (Psaumes) 109:5

Mbi sara nzoni na ala, me ala kiri sioni na mbi; mbi ye ala, me be ti ala ake mbi.

Amato 15:12

Zo ti hengo ndo aye titene a gboto mê ti lo pepe; lo yeke gue ti baa azo ti ndara pepe.

Amato 8:36

Me zo so asara sioni ti ke mbi, lo wani, lo zia ka na tere ti lo; azo so kue be ti ala ake mbi, ala ye kuâ.”

Ésaïe 29:21

azo ni ayeke azo so ayeke bi tënë ti mvene na li ti azo, ala so ayeke zia kuku titene awafango-ngbanga ati daa, ala so ayeke fâ ngbanga na li ti azo so asara ye oko pepe.

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Jérémie 20:8

Lakue, tongana mbi yeke tene tënë, alingbi mbi dekongo ti iri azo ti soo mbi, mbi tene: “Fango zo-oo, bubango ye-oo!” Ndali ti tënë ti KOTA GBIA, azo ayeke zonga mbi lakue si ala yeke he mbi na ngia lakue.

Awayango-sandaga 13:10

Wayango-sandaga ayeke baa tere ti lo. Tongana mbeni ye so avuru vurungo asuku na ndö ti poro ti tere ti lo, kua ti tere ti lo aga vuru ni si mbeni kasa ti tere ti lo asigigi,

Zakarii 11:8

Gi na ya ti nze oko, mbi tumba awabatango-taba ti ala ota kue. Na pekoni, nzara ti batango ataba ni ahunzi na be ti mbi si ala nga, be ti ala akiri ake mbi.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Nzoni Tënë so Luc asu na mbeti 6:26

Mawa na ala, ala so azo kue ayeke tene nzoni tënë ti ala! Biani, akotara ti ala asara ando gi tongaso na awayanga-Nzapa ti mvene!”

Jean 17:14

Mbi mu na ala tënë ti mo si azo ti dunia so ake ala, ndali ti so ala yeke azo ti dunia so pepe, tongana ti so mbi nga, mbi yeke zo ti dunia so pepe.

Jean 3:19

Nda ti ngbanga ni ayeke so: lumiere aga na ndö ti dunia so, me azo aye tënë ti lumiere ni pepe; ala ye gi tënë ti vukongo ndo, ngbanga ti so ye so ala yeke sara ayeke sioni.

Rome 8:7

Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

Galasii 4:16

So mbi tene taa-tënë na ala so, mbi ga fadeso wato ti ala awe?

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

1 Jean 4:5

Azo ni ayeke azo ti dunia so. Ndani laa ala yeke tene tënë tongana azo ti dunia so si azo ti dunia ni ayeke ma ala.