Jean 7:6 - Mbeti ti Nzapa - Tënë so amu fini

⁶ Jésus atene na ala: “Ngbonga ti mbi ade ti lingbi pepe, me ti ala, ngbonga kue ayeke gi nzoni ngbonga.

Jean 7:6 ပူးပေါင်းရင်းမြစ်များ

Abia (Psaumes) 102:13

Me ti mo KOTA GBIA, mo yeke ngba gbia kpu na kpu si azo ti angoi kue ayeke dabe ti ala na mo.

Matthieu 26:18

Jésus atene na ala: “Ala gue na ya ti gbata ni na ndo ti pakara tongaso; ala tene na lo: ‘Wafango-ye atene: Ngbonga ti mbi aga nduru awe; mbi na adisiple ti mbi, e yeke sara ande matanga ti Pake na ndo ti mo.’ ”

Jean 13:1

Angba lango oko titene *matanga ti Pake asi. Jésus ahinga so ngbonga ti lo ti zia dunia so ti kiri na Babâ alingbi awe. Azo ti lo so ayeke na dunia so, lo ye ala lakue, lo ye ala ngbii asi na ndani.

Jean 17:1

Na peko ti tënë so, Jésus ayo le ti lo na nduzu si lo tene: “Babâ, ngbonga ni alingbi awe. Gonda Molenge ti mo si Molenge ti mo agonda mo.

Jean 2:4

Jésus akiri tënë na lo, atene: “Wali, ti mo daa nyen? Ngbonga ti mbi ade alingbi pepe.”

Jean 7:30

Tongaso, ala gi lege ti gbu Jésus, me zo oko agbu lo pepe, ngbanga ti so ngbonga ti lo ade ti lingbi pepe.

Jean 7:8

Ala wani, ala gue na matanga ni! Mbi yeke gue ti mbi na matanga ni pepe, ngbanga ti so ngbonga ti mbi ade ti lingbi pepe.”

Jean 8:20

Jésus atene atënë so na ndembe so lo yeke fa ye na ya ti kota da ti Nzapa, na ndo so a zia sanduku ti nginza daa. Zo oko agbu lo pepe, ngbanga ti so ngbonga ti lo ade ti lingbi pepe.

Awatokua 1:7

Jésus akiri tënë na ala: “So ayeke tënë ti ala pepe ti hinga ngoi ni na ndembe ni. Biani, Babâ oko laa aleke na be ti lo na lege ti komandema ti lo.