Jean 7:52 - Mbeti ti Nzapa - Tënë so amu fini

⁵² Ala kiri tënë na lo: “Mo nga, mo yeke zo ti Galile? Mo gi nda ti Mbeti ti Nzapa, fade mo yeke hinga so, mbeni wayanga-Nzapa alondo laoko na Galile aga pepe.” [

Jean 7:52 ပူးပေါင်းရင်းမြစ်များ

Tongo nda ti aye 19:9

Azo ni akiri tënë na lo: “Hon kâ! Mo so mo yeke gi wande so, mo ga ge ti fa lege na e? Fade e yeke sara sioni na mo ahon ti so e yeke sara na akoli so.” Ala pusu Lot na ngangu si ala ga nduru na yanga ti da ni titene ala kungbi ni.

1 Agbia 22:24

Tongaso Sidekia, molenge ti Kenaana aga nduru na tere ti Mishe, lo pika ngbangba ti Mishe si lo tene: “Yingo ti KOTA GBIA asigigi na ya ti mbi tongana nyen ti gue ti tene tënë na mo so?”

Sigingo 2:14

Lo kiri tënë na Moïse, lo tene: “Zo wa laa azia mo makonzi titene mo fâ ngbanga na popo ti e, zo wa? Mo ye ti fâ mbi tongana ti so mo fâ zo ti Ezipte so?” Tongaso mbeto agbu Moïse si lo tene: “Azo ahinga tënë ti ye so mbi sara so awe!”

Jean 1:46

Natanael ahunda lo, atene: “Mbeni ye ti nzoni alingbi ti londo na Nazaret ti ga?” Philippe atene na lo: “Ga mo baa.”

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Jean 7:41

Ambeni atene ti ala: “Lo laa lo yeke *Mesii ni!” Ambeni atene: “Mesii ni alingbi ti londo na Galile si aga?

Jean 7:53

Na pekoni, zo oko oko akiri na da ti lo.

Jean 9:34

Ala kiri tënë, atene: “Mo, a du mo si mo kono gi na ya ti siokpari, mo ye ti fa ye na e?” Na pekoni, ala tumba lo na ya ti da ti sambela ni.