Jean 7:47 - Mbeti ti Nzapa - Tënë so amu fini

⁴⁷ Afarizien ahunda ala, atene: “Ala nga, lo handa ala awe?

Jean 7:47 ပူးပေါင်းရင်းမြစ်များ

2 Agbia 18:29

Tënë so gbia atene ayeke so: ‘Ala zia Ezekias ahanda ala pepe; lo lingbi ti zi ala na maboko ti mbi pepe.

2 Agbia 18:32

Na pekoni, mbi yeke ga ti mu ala, ti gue na ala na mbeni sese so ayeke tongana sese ti ala, sese so *ble na fini vin ayeke daa, sese so kobe na vin asi singo daa, sese ti akeke ti olive na ti mafuta ti wotoro. Tongaso, fade ala yeke kui pepe, ala yeke ngba na fini. Ala ma Ezekias pepe; biani, lo yeke handa ala, lo tene: Fade KOTA GBIA ayeke zi e!

2 Mbai 32:15

Fadeso, ala zia Ezekias ahanda pepe, lo pusu ala na ya ti ye tongaso pepe! Ala zia be ti ala na ndö ti lo pepe, ngbanga ti so mbeni nzapa oko ti amara nde wala ti mbeni kodro-gbia alingbi ti zi azo ti lo na maboko ti mbi wala na maboko ti ababâ ti mbi pepe. Biani, fade nzapa ti ala ayeke zi ala na maboko ti mbi pepe.’ ”

Matthieu 15:3

Jésus akiri tënë na ala, atene: “Ka ala, ngbanga ti nyen si ala ke yanga ti Nzapa ti sara gi ye ti akotara ti ala so?

Matthieu 27:63

ala tene na lo: “Kota zo, na ndembe so zo ti mvene so ade na fini, lo tene lani, lo tene: ‘Na peko ti lango ota, fade mbi yeke zingo na kuâ.’ E dabe ti e na tënë so.

Jean 7:12

Gba ti azo so abongbi kâ ayeke tene tënë ti lo mingi. Ambeni zo ni atene: “Lo yeke nzoni zo”, ambeni atene ti ala: “Mvene, lo yeke handa gba ti azo gi senge senge.”

2 Korente 6:8

Ambeni zo ayeke ne e si ambeni ayeke zia kamene na le ti e; ambeni zo ayeke tene nzoni tënë na iri ti e si ambeni ayeke tene sioni tënë na iri ti e. Azo abaa e tongana azo ti mvene, andaa e yeke tene taa-tënë,